Luka 1:9 - ÎVUKU RÎA ÛVORO MWARO

⁹ Rîrîa mîtî yaikirue kûringana na mûtugo wa athînjîri-Ngai, Zakaria nîwathuurirwe kuuma gîkundirî gîake nîguo atonye hekarûrî na avîvie ûbani.

Luka 1:9 ပူးပေါင်းရင်းမြစ်များ

1Maû 23:13

Avîcî a Amuramu maarî: Aroni na Musa. Aroni na njiarwa ciake nîmaathuurirwe matuîke andû amûre tene na tene. Maathuurirwe nîguo mamenyagîrîre indo irîa nyamûre na mavîvagie ûbani nîûndû wa kûgooca Ngai-Mûnene, kûmûtungatîra na kûrathimanaga vîndî cionthe.

1Maû 6:49

Aroni na njiarwa ciake nîmaarutaga magongoona ma kûvîvua metharî ya kîgongoona na nîmaavîvagia ûbani metharî ya kîgongoona. Nîo maarutaga mawîra monthe ma vandû varîa vatheru Mûno. Nîmaarutaga magongoona nîguo andû a Isiraeli mathengutîrue mevia mao kûringana na ûrîa Musa ndungata ya Ngai aathanîte.

2Maû 26:16

Rîrîa mûthamaki Uzia aagîre vinya, nîwambîrîrie gwîtîîa. Mwîtîîo ûcio wake nîwatûmire acûkangue nîûndû nîwaregire kwathîkîra Ngai-Mûnene, Ngai wake na nîwathiîre hekarûrî kûvîvia ûbani metharî ya kîgongoona ya kûvîvîria ûbani.

2Maû 29:11

Anake akwa, mûtigate mavinda. Ngai-Mûnene nîamûthuurîte mûmûtungatage, mûtongoragie andû kûmûgooca na mûmûvîvagîrie ûbani.”

Ndari 16:40

Ngai-Mûnene nîwathîte Eliazaru na njîra ya Musa atî gûtirî mûndû wanarî ûmwe ûtarî wa rûciaro rwa Aroni ûkaathiî kûvîvîria ûbani metharî ya kîgongoona. Kwoguo gîkunîko kîu Kîamririkanagia andû a Isiraeli atî mûthînjîri-Ngai ûtarî wa rûciaro rwa Aroni angîka ûguo agaakua ta Kora na arûmîrîri ake.

Mathaayo 27:5

Nake Judasi nîwaikanirie mbeca icio kûu hekarûrî, akiuma na akîthiî agîita.

Ahib 9:6

Maûndû mau mavangîtwe ta ûû: Athînjîri-Ngai mathiîcaga îgemarî rîa nja wa mûthenya kûruta wîra wao wa ûtungati.

1Sam 2:28

Na nî nie naathuurire andû a mûciî wa Aroni gatagatîrî ka mîvîrîga yonthe ya Isiraeli matuîke athînjîri-Ngai akwa, nîguo mekagîre nguo ntheru vîndî îrîa makwenda kûmbarîria, mathiîcage metharî ya kîgongoona, na mamvîvagîrie ûbani vo. Nie nînaamavere rûtha meigagîre iveo imwe cia irîa ciavothagwa nî Aisiraeli.