Luka 1:76 - ÎVUKU RÎA ÛVORO MWARO

⁷⁶ “Nawe mwana ûyû wakwa ûgeetagwa mûrathi wa Ngai Ûrîa Ûrî Îgûrû Mûno. Nîûkaathiî mbere ya Mwathani, kûmûthondekera njîra ciake.

Luka 1:76 ပူးပေါင်းရင်းမြစ်များ

Thaburi 87:5

Naguo ûvoro wîgiî Zayuni gûkeragwa atîrî, “Zayuni nîke ng'ina wa ndûrîrî cionthe, na ûrîa Ûrî Îgûrû mûno nîke ûtûmaga rîîvande.

Malaki 3:1

Ngai-Mûnene mwene vinya wonthe augîte atîrî, “Taroria! Nînîratûma mûnjaama nîguo athiî akavarîrîrie njîra yakwa. Mwathani ûrîa mûracaria nîagaaûka hekarûrî yake wa rîmwe. Mûnjaama ûrîa mûtûûrîte mwîrîgîrîrîte nîagaaûka na anîrîre kîrîkanîro gîakwa.”

Malaki 4:5

“Taroria, mbere ya mûthenya ûcio mûnene na wa kûmakania ûkinye nîngaatûma mûrathi Elija.

Mathaayo 14:5

Herode nîwendaga kûûragithia Johana, nwatî nîwetigagîra Ayahudi nîûndû o meetîkîtie atî Johana aarî mûrathi.

Mathaayo 21:26

Nwatî wona twauga, ‘Waumîte kûrî andû,’ nîtûretigîra ûrîa andû mangîka nîûndû andû onthe metîkîtie atî Johana aarî Mûrathi.”

Mathaayo 3:11

Nie nîmûvatithagia na manjî ngîenda kwonania atî nîmwîrirîte mevia menyu. Nwatî ûrîa ûgûûka vuva wakwa, arî na vata kûngîra na nie ndirî mwagîrîru wa gûkuua iratû ciake. Ke akaamûvatithia na Roho Mûtheru na mwaki.

Mathaayo 3:3

Johana aarî mûndû ûrîa Mûrathi Isaia aaragia ûvoro wake rîrîa aaugire atîrî, “Kûrî na mûndû ûranîrîra arî werûrî akiugaga: ‘Thondekani njîra ya Mwathani, na mûrûngarie tûcîra twake!’ ”

Maariko 11:32

Nwatî wona twamûcokeria atî, ‘Warî wa kuuma kûrî andû ...’ ” (Nao nîmeetigagîra nîûndû andû meetîkîtie atî Johana aarî mûrathi wa ma.)

Luka 1:32

Nake nîagaatuîka mûndû mûnene na nîagetagwa Mûrû wa Ûrîa ûrî Îgûrû Mûno. Mwathani Ngai nîakaamûtua mûthamaki wata Daudi, îthe wake wa tene.

Luka 1:35

Nake mûraika nîwamûcokerie atîrî, “Roho Mûtheru nîagûka kûrî we, naguo vinya wa Ngai ûrîa ûrî Îgûrû Mûno nîûgaagûkunîkîra ta kîruru. Kwoguo mwana ûcio ûgaaciarwa akethîrwa arî mûtheru na ageetagwa Mûriû wa Ngai.

Luka 6:35

Vandû va ûguo, endagani nthû cienyu na mûciîkage waro na mûkombithanagie mûtakûgîa na mwîvoko wa gûkaarîvwa. Namue nîmûkaagîa na îgai rînene na mûtuîke ciana cia Ngai ûrîa ûrî Îgûrû Mûno. Nîûndû Ngai arî ntha kûrî andû arîa matarî ngatho na arîa methagîrwa marî na mîtugo mîcûku.

Johana 1:23

Nake Johana nîwamacokerie na ciugo irîa mûrathi Isaia aaririe atî: “Nînie Mûgambo ûranîrîra werûrî ûkiugaga atîrî: ‘Rûngariani njîra ya Mwathani!’ ”

Johana 1:27

Ke nîagûka vuva wakwa na nie ndirî mwagîrîru wa kwovora ndigi cia iratû ciake.”

Johana 3:28

Mue mûrî aira akwa atî nînaugire atîrî, ‘Nie tî nie Mesaya nwatî ndûmîtwe mbûke mbere yake.’

Ciîko 16:17

Mwîrîtu ûcio nîwarûmîrîrie Paûlo vamwe wa natue akiugagîrîria atîrî, “Andû aya nî ndungata cia Ngai Ûrîa Ûrî Îgûrû Mûno! O nîmaranîrîra ûrîa mûngîvonoka!”