Luka 1:53 - ÎVUKU RÎA ÛVORO MWARO

⁵³ Arîa avûtu nî amavaithîtie na indo mbaro, na akengata itonga ithiî njara ntheri.

Luka 1:53 ပူးပေါင်းရင်းမြစ်များ

Thaburi 146:7

Nîke ûtucaga cira wa arîa avinyîrîrie na kîvooto, nîke ûvecaga arîa avûtu gîa kûrîa. Ngai-Mûnene nî arekagîrîria arîa oove,

Thaburi 34:10

Wana mînyambû nîîvûtaga watura gîa kûrîa, nwatî andû arîa mavoyaga Ngai-Mûnene matituraga indo mbaro.

Ezek 34:29

Nîngaaiva mîgûnda mîaro îgûkûra irio nîguo itigaacoke kûgîa na yûra vûrûrirî ûcio, na itigaacoka kûthekererwa nî ndûrîrî rîngî.

Mathaayo 5:6

Kûrathimwa nî arîa mavûtagîra na makanyondera maûndû ma ûthingu; nîûndû nîmakaavaithua!

Luka 1:54

Nîaigîte kîrîkanîro kîrîa erîîre methe metû, nî atethetie Isiraeli ndungata yake.

Luka 6:21

Kûrathimwa nîmue arîa avûtu rîu, nîûndû nîmûkaavaithua! Kûrathimwa nîmue arîa mûrarîra rîu, nîûndû nîmûkaatheka!

Luka 6:24

“Na kaî mue andû arîa atongu rîu mûrî na thîna-î! Nîûndû mue mûrî anyitu kîrîa kîmwîganaga ûtûûrorî wenyu.

Johana 6:35

Nake Jesû nîwamerire atîrî, “Nie nînie mûgate wa mwoyo. Mûndû wa wonthe ûkaga kûrî nie ndakaavûta na mûndû wa wonthe ûmbîtîkagia, ndakaanyonda.

1Akor 1:26

Ariû na aarî a îthe wetû, taririkanani ûrîa mwekariî rîrîa Ngai aamwîtire. Kûringana na woni wa andû, tî eengî gatagatîrî kenyu maarî aûgî kana maarî na vinya wana kana maaciarîrwe mîciîrî ya vata.

1Akor 4:8

Nîkwa mûreciria atî nîmûrîkîtie kûgîa na maûndû monthe marîa mûvatarîte? Mwîciragia atî mue mûrî atongu? Nîkwa mûreciria atî nîmûrîkîtie gûtuîka athamaki wana ethîrwa tue tûtirî athamaki? Naarî kethîrwa mue mûrî athamaki, nîguo wanatue tûtuîke athamaki vamwe namue.

1Sam 2:5

Andû arîa meethagîrwa marî na irio nyîngî, rîu nîkwa marutaga wîra nîguo moone irio. Nwatî andû arîa meethagîrwa marî avûtu, rîu marî na irio. Mûndûmûka ûrîa warî nthata, rîu nîmûciaru ciana mûgwanja. Nwatî mûndûmûka ûrîa ûrî na ciana nyîngî, rîu atigîtwe atarî na mwana wana ûmwe.