Luka 1:51 - ÎVUKU RÎA ÛVORO MWARO

⁵¹ Nî ekîte maûndû manene na njara ciake, nîanyagarûkanîtie arîa etîi wa na mîvango yao.

Luka 1:51 ပူးပေါင်းရင်းမြစ်များ

Kîam 11:8

Kwoguo Ngai-Mûnene nîwamanyaganirie nthî yonthe na magîtiga gûtuma îtûûra rîu.

Kîam 6:5

Ngai-Mûnene nîwonire atî waganu wa andû warî mwîngî mûno gûkû nthî, na atî meciragia maûndû macûku vîndî cionthe.

Kîam 8:21

Ngai-Mûnene nîwegwire mûcingû mwaro ûkiuma îgongoonarî rîu, na akiuga atîrî ngororî yake, “Nie ndikaaruma nthî rîngî nîûndû wa ciîko cia mûndû, nîûndû meciria ma mûndû methagîrwa marî macûku kuuma ûninirî wake. Ndigaacoka kûthiria ciûmbe cionthe irîa itûûraga mwoyo ta ûrîa mbîkîte.

Thaburi 118:15

Mîgambo ya gîkeno ya ûvootani nîreguîka magemarî ma arîa athingu: “Njara ya ûrîo ya Ngai-Mûnene nîîkîte maûndû manene!

Thaburi 33:10

Ngai-Mûnene nîagiragia mîvango ya mavûrûri îvinga, nîagiragia andû mavingia mîvango yao.

Thaburi 52:9

Nîndûûra ngûcokagîria ngatho, we Ngai, nîûndû wa ûrîa wîkîte, nîngaanîrîra wega waku gatagatîrî ka andû aku arîa magwîtîkîtie.

Thaburi 63:5

Nîmbîganîrîte ta ûrîa mûndû arîte irio mbaro, na nîngaakwinîra nyîmbo cia gûgûkumia ngenete.

Thaburi 89:10

Nîwaringire njoka ya îriarî îrîa îtagwa Rahabu na ûkîmîûraga, nîwanyaganirie nthû ciaku na vinya waku.

Thaburi 89:13

We ûrî vinya, we ûrî vinya na nîûvootanîte.

Thaburi 98:1

Inîrani Ngai-Mûnene rwîmbo rûcerû, nîûndû nîekîte maûndû ma magegania! Vinya wake na ciîko ciake ntheru nîitûmîte avootane.

Ntha 18:11

Rîu nîmenyete atî Ngai-Mûnene nîke mûnene gûkîra ngai cionthe. Nîûndû nîwavonokirie andû ake kuuma kûrî andû aganu a Misiri.”

Isaia 40:10

Taroria Mwathani Ngai-Mûnene nîaûkîte na vinya, vinya wake nîguo ûrathana, nîaûka na andû arîa avonoketie na iveo cia andû ake.

Isaia 51:9

Ûkîra, ûkîra, we Ngai-Mûnene! Îkîra vinya waku ûtûvonokie, ûkîra wata ûrîa wekire vingo ya tene, kûrî njiarwa cia tene. Na kinthî tîwe watinangirie Rahabu tûcunjî tûcunjî, wa we ûrîa wamundangire njûnamatu?

Isaia 52:10

Ngai-Mûnene nîonanîtie vinya wake mûtheru kûrî andû a mavûrûri monthe, nayo mîthiia yonthe ya nthî nîîkona ûvonokio wa Ngai wetû.

Isaia 63:12

Ûrîa wekire maûndû manene na vinya wake na njîra ya Musa, ûrîa wagaanirie manjî ma îria, na agîtongoreria andû ake manjîrî mau mariku nîguo egîîre na îgweta rîa tene na tene arî kû?”

Jeremia 49:15

Nie Ngai-Mûnene nîngûgûtua we Edomu, vûrûri mûnini gûkîra mavûrûri marîa mengî, na ûnyararagwe nî andû onthe.

Danieli 4:37

Na rîu, nie Mûthamaki Nebukadinezarû, nînîragooca, ngakumia na ngava Mûthamaki wa îgûrû riiri, nîûndû mawîra make monthe nî ma kîvooto, njîra ciake nî cia ma, na nîanyivagia arîa etîi.

Aroma 1:21

O nîmecî Ngai, nwatî matimûvecaga gîtîîo kîrîa kîmwagîrîrîte, kana magacokia Ngatho kûrî ke. Vandû va ûguo, meciria mao maatuîkire ma mana na ngoro ciao ciîcûrîtwe nî nduma.

2Akor 10:5

Tue nîtûcûkangagia ûndû wa wonthe wa mwîgatho ûrîa ûgiragia mûndû amenya Ngai. Nîtûgarûraga meciria monthe na tûgatûma mathîkîre Kristû.

Gûco 4:34

Kûrî ngai yanageria kûthiî kûruta andû vûrûrirî wîngî na kûmatua andû ake ta ûrîa Ngai aamwîkire mûrî Misiri? Ngai-Mûnene, Ngai wenyu nîwatûmîre ûvoti na vinya wake mwîngî wa mûkîonaga. Nîwatûmire andû a Misiri manyitwe nî mûthiro na mbaara, nîwaringire ciama na morirû magîkîka na agîtûma maûndû ma kûmakania mekîke.

1Pet 5:5

Na njîra wata îo, wa namue andû ethî athîkagîrani andû arîa akûrû. Muonthe arîa mwîtîkîtie înyivanagîrieni nîguo mûtungatanagîre, nîûndû mandîko matheru maugaga atîrî, “Ngai nîareganaga na andû arîa etîi, nwatî nîendete arîa menyivagia.”

Kûguû 18:8

Nîûndû wa ûguo, mûthenya ûmwe nîakaaverithua na mûrimû, kîeva na yûra, na acoke avîvue na mwaki, nîûndû Mwathani Ngai, ûrîa ûmûtucagîra ciira nî mwene vinya.”