Luka 1:41 - ÎVUKU RÎA ÛVORO MWARO

⁴¹ Rîrîa Elizabethi egwire ngethi cia Mariamu, mwana ûrîa warî îvurî rîake nîwathagatire. Nake Elizabethi nîwecûrirwe nî Roho Mûtheru,

Luka 1:41 ပူးပေါင်းရင်းမြစ်များ

Kîam 25:22

Îvu rîu rîarî rîa mathatha, na mbere ya aciara, ciana icio nîciagianaga. Rebeka nîweyûragia gîtûmi Kîam ûndû ûcio wîkîke. Kwoguo nîwathiîre kûrî Ngai-Mûnene kûmûria gîtûmi Kîam ûndû ûcio.

Thaburi 22:10

Ndûûrîte ngwîvokete kuuma rîrîa naaciarirwe, nawe ûtûûrîte wî Ngai wakwa kuuma naciarwa.

Luka 1:15

Nîûndû nîagaatuîka mûndû mûnene methorî ma Mwathani. Nake ndakaanyua ndivei wana kana anyue njovi. Kuuma gûciarwa gwake nîakethîrwa ecûrîtwe nî Roho Mûtheru.

Luka 1:40

Rîrîa aakinyire kuo nîwatonyire nyomba kwa Zakaria na agîkethia Elizabethi.

Luka 1:42

na akiugîrîria na mûgambo mûnene akiugaga atîrî, “We ûrî mûrathime gatagatîrî ga aka onthe, wana mwana ûrîa ûgaaciara nî mûrathime!

Luka 1:44

Nîûndû kavinda karîa mbîgwire wangethia, mwana ûrîa ûrî îvurî rîakwa nîathagatire nî gûkena.

Luka 1:67

Nake Zakaria îthe Johana, nîwecûrirwe nî Roho Mûtheru na akîratha atîrî:

Luka 4:1

Jesû nîwaumire rûnjîrî rwa Jorodani ecûrîtwe nî Roho Mûtheru. Roho ûcio nîwamûtongoririe akîmûvira werûrî,

Ciîko 2:4

Nao onthe nîmecûrirwe nî Roho Mûtheru, na makîambîrîria kwaria na nthiomi ciîngî wata ûrîa Roho ûcio aamavotithirie kwaria.

Ciîko 4:8

Nake Petero ecûrîtwe nî Roho Mûtheru nîwamerire atîrî: “Mue anene a vûrûri na athuuri,

Ciîko 6:3

Kwoguo, ariû na aarî a Îthe wetû gatagatîrî kenyu thuurani arûme mûgwanja marî na ngumo mbaro, mecûrîtwe nî Roho Mûtheru na marî na ûûgî mwîngî. Tue nîtûkûmava wîra ûcio marute.

Ciîko 7:55

Nwatî Stefano ecûrîtwe nî Roho Mûtheru, nîwaroririe îgûrû akîona riiri wa Ngai na Jesû arûngamîte mwena wa ûrîo wa Ngai.

Ciîko 9:17

Kwoguo Anania nîwathiîre, agîtonya mûciî kwa Judasi, akigîrîra Saûlo njara na akîmwîra atîrî, “Saûlo mûriû wa îthe wetû, nie nînatûmwa nî Mwathani Jesû ûrîa ûrakumîrîre vîndî îrîa we ûraûkîte gûkû. Ke andûma nîguo we ûvote kwona rîngî na wîcûrwe nî Roho Mûtheru.”

Aefeso 5:18

Tigagani kûrîwa nî ndivei nîûndû ûrîu nîkwa ûkûmwananga, vandû va ûguo îcûragwani nî Roho.

Kûguû 1:10

Mûthenya wa Mwathani nînecûrîtwe nî roho mûtheru. Roho ûcio mûtheru nîwamvotithirie kwîgua mûgambo mûnene, ûrîa wagambire ta mûgambo wa karumbeta vuva wakwa.