Luka 1:20 - ÎVUKU RÎA ÛVORO MWARO

²⁰ Na nîûndû nîwarega gwîtîkia ûvoro ûcio nakwîra, ndûkaavotaga kwaria nginya mûthenya ûrîa maûndû mama makaavingua mavinda mamo marîa magîrîrîte makinya.”

Luka 1:20 ပူးပေါင်းရင်းမြစ်များ

2Atha 7:19

Ûndû ûcio nîguo mûnene wa athigari aareganire naguo rîrîa aaugire atîrî, “Ûguo gûtingîvoteka, wana kethîrwa nîkwa Ngai-Mûnene ke mwene angiurithia mbura kuuma îgûrû!” Nake Elisha nîwamwîrîte atîrî, “Ûkeyonera na metho maku ûndû ûcio ûgîkîka, nwatî ndûkaarûma irio icio.”

2Atha 7:2

Mûnene ûrîa ûtethagîrîria mûthamaki nîwerire Elisha atîrî, “Ûguo gûtingîvoteka, wana kethîrwa Ngai-Mûnene ke mwene nwa aurithie mbura kuuma îgûrû!” Nake Elisha nîwacokirie atîrî, “Nîûkeyonera na metho maku ûndû ûcio ûgîkîka, nwatî ndûkaarûma irio icio.”

Ntha 4:11

Nake Ngai-Mûnene nîwerire Musa atîrî, “Nî ûrîkû ûvecaga mûndû ûvoti wa kwaria. Nî ûrîkû ûtûmaga mûndû aremwe nî kwaria na kwîgua. Nî ûrîkû ûtûmaga avote kwona kana atuîka mûtumumu? Anga tî nie, Ngai-Mûnene?

Isaia 7:9

Îtûûra rîrîa rînene rîa Isiraeli nî Samaria, na mûnene wa Samaria nî mûvîcî wa Remalia.” “Ethîrwa tî mwîtîkia, nama mûtigekindîria.”

Ezek 24:27

Mûthenya wa ûcio nîûkaavota kwarîria mûndû ûrîa ûkaavonoka na ndûkaaremwa nî kwaria rîngî. Nawe nîûgaatuîka rûûri kûrî o, na nîmakaamenya atî Nie nînie Ngai-Mûnene.”

Ezek 3:26

Nîngatûma rûrîmî rwaku rûtuîke rûrito na nîûkaaremwa nî kwaria nîguo ndûgakanie andû acio aremi.

Danieli 10:15

Rîrîa aambarîrie ûguo nînaroririe nthî na ngîremwa nî kwaria.

Ndari 20:12

Ngai-Mûnene nîwacokire akîra Musa na Aroni atîrî, “Nîûndû nîmwaregire kûmbîtîkia na kwonania ûtheru wakwa mbere ya andû a Isiraeli, mûtigaakinyia andû aya vûrûrirî ûrîa namaveere.”

Maariko 16:14

Na mûthiiarî, Jesû nîwaumîrîre arutwa arîa îkûmi na ûmwe vîndî îrîa meekarîte metharî makîrîa irio. Nake nîwamatetirie mûno nîûndû wa gûtura wîtîkio, kûmia ngoro ciao na kûrega gwîtîkia arîa maamwonete ariûka.

Maariko 9:19

Nake Jesû nîwamerire atîrî, “Na kaî mue andû a rûciaro rûrû mûtiîtîkîtie-î! Nîmbîkarania namue nginya rî? Nînîmûkirîrîria nginya-rî? Ndetereni kamwana kau!”

Luka 1:19

Nake mûraika ûcio nîwamûcokerie atîrî, “Nie nînie Gaburieli na nûngamîte mbere ya Ngai ûrîa ûndûmîte mbûke ngûkinyîrie ûvoro ûyû mwaro.

Luka 1:21

Vîndî îo andû arîa meetererete Zakaria aume hekarûrî, nîmaamakire mûno na makîrigwa nî kîrîa gîatûmîte atinde kûu mûno.

Luka 1:22

Rîrîa aaumire hekarûrî, nîmaamenyire atî nîwonete kîoneki nîûndû wana ageria kûmarîria, ndaavotaga. Nake nîwambîrîrie kûmarîria na ciîko na kuuma vingo îo agîkara atakûvota kwaria.

Luka 1:45

Kûrathimwa nîwe nîûndû nîwetîkirie atî ndûmîrîri ya Mwathani kûrî we nî îkûvinga.”

Luka 1:64

Vîndî wa îo Zakaria nîwavotire kwaria na akîambîrîria gûkumia Ngai.

Aroma 3:3

Narîo ethîrwa amwe gatagatîrî kao matiarî evokeku, ûguo nwa ûtûme Ngai atuîke tî mwîvokeku?

2Tim 2:13

Ethîrwa tûtirî evokeku, ke atûûraga arî mwîvokeku, nîûndû ndangîveenia.”

Tito 1:2

Ûvoro wa gwîtîkia na kûgîa na ûmenyo wa ûvoro wama nî ûvecanaga kîîrîgîrîro Kîam Mwoyo wa tene na tene kîrîa Ngai ûrîa ûtaveenanagia aatwîrîre kuuma Kîammbîrîria.

Ahib 6:18

Kûrî na maûndû maîrî marîa matangîgarûrîka namo nî atî: Ngai ndangîîricûkwa rîrîa akwîranîra ûndû, na ndangîveenania rîrîa akwîvîta. Maûndû mama nîmatûmagîrîria tue arîa tûthiîcaga kûrî Ngai nîguo atûgitîre, na nîmatûvecaga vinya wa gûtûûra tûrî na kîîrîgîrîro kîrîa kigîtwe mbere yetû.

Kûguû 3:19

Andû arîa nie mendete nîmakaanagia na ngamaverithia. Kwoguo gîani na kîîo na mwîrire.