Luka 1:18 - ÎVUKU RÎA ÛVORO MWARO

¹⁸ Zakaria nîwaûririe mûraika ûcio atîrî, “Ngaamenya atîa maûndû mau, nîûndû nie nîrî mûkûrû na mûndûmûka wakwa wa nake nî mûkûrû?”

Luka 1:18 ပူးပေါင်းရင်းမြစ်များ

Kîam 15:8

Nwatî Aburamu nîwaûririe atîrî, “Ngai-Mûnene Ngai, nie nîngîmenya atîa atî vûrûri ûcio ûkeethîrwa ûrî wakwa?”

Kîam 17:17

Iburahimu nîwenamîrîrie ûthiû wake ûkîvutia nthî, na akîambîrîria kûtheka akîîyûragia atîrî, “Mûndûmûrûme wa ûkûrû wa mîaka îgana nwa agîe mwana? Sara nwa agîe mwana arî na ûkûrû wa mîaka mîrongo kenda?”

Kîam 18:12

Kwoguo Sara nîwathekire ke mwene na akiuga atîrî, “Rîu nîrî mûkûrû na mûthuuriwa nî mûkûrû, nwa ngenerere kûmenyana nake kîîmwîrî?”

2Atha 7:2

Mûnene ûrîa ûtethagîrîria mûthamaki nîwerire Elisha atîrî, “Ûguo gûtingîvoteka, wana kethîrwa Ngai-Mûnene ke mwene nwa aurithie mbura kuuma îgûrû!” Nake Elisha nîwacokirie atîrî, “Nîûkeyonera na metho maku ûndû ûcio ûgîkîka, nwatî ndûkaarûma irio icio.”

Isaia 38:22

Mûthamaki Hezekia nîwacokire akîûria atîrî, “Nî rûûri rûrîkû rûkaamonia atî nîngaathiî nyombarî ya Ngai-Mûnene?”

Luka 1:34

Nake Mariamu nîwaûririe mûraika ûcio atîrî, “Ûguo kûngîvotekeka atîa na nie nîrî nthingi?”

Luka 1:7

Matiarî na ciana nî ûndû Elizabethi aarî nthata, na wa oîrî maarî akûrû mûno.

Aroma 4:19

Vîndî îo Iburahimu aarî na ûkûrû ta wa mîaka îgana rîmwe. Nwatî ndaagîa na nganja wîtîkiorî wake wana ethîrwa eyonaga arî mûkûrû mûno; nake mûka aarî nthata.