Kûguû 9:8 - ÎVUKU RÎA ÛVORO MWARO

⁸ Nacio njuîrî cia cio ciekariî ta njuîrî cia aka. Namo magego ma cio mekariî ta magego ma mînyambû.

Kûguû 9:8 ပူးပေါင်းရင်းမြစ်များ

2Atha 9:30

Rîrîa Jehu aakinyire Jezireeli, Jezebeli nîwegwire ûvoro ûcio. Nîwegemirie metho make, akîrûtha njuîrî ciake waro, akîthiî ndiricarî na akîrorereria na kûu vûrûrirî.

Thaburi 57:4

Nie nthiûrûrûkîrîtue nî nthû, arîa makorokerete nyama cia andû ta mînyambû, magego mao mekariî ta matumû na mîguî; nîmî ciao ciîkariî ta mviû ino mbûgî.

Isaia 3:24

Vandû va kûgîa na mûnungo mwaro, makaanungaga woru; vandû va kwîyova mîcivi, makeyova mîkanda; vandû va kwîthîrwa na njuîrî nthaka, makethîrwa na ivara; vandû va kwîthîrwa na nguo mbaro, mageekîra matangari; vandû va ûthaka makethîrwa na gîconoko!

Joeli 1:6

Gîkundi Kîam ngige nîkîtharîkîrîte vûrûri wetû, kîrî na vinya na nî kînene mûno; magego ma kîo mekariî ta ma mûnyambû, mekariî ta ma mûnyambû wa nga.

Aroma 9:29

Nwa ta ûrîa mûrathi Isaia augire vau mbere atîrî, “Tiga nîkwa Mwathani Mwene Vinya wonthe aatûtigarîrie njiarwa imwe, tûngîathirirue viû ta matûûra ma Sodomu na Gomora.”

1Tim 2:9

Nîngîenda aka wanao mekagîre nguo irîa ciagîrîrîte na ikwonania gîtîîo. Matikegemie na njîra ya kûvînda njuîrî, matikegemie na thaavu, ciûma cia goro kana nguo cia goro.

1Pet 3:3

Kwîgemia kwenyu na njîra ta ya mîvîndîre ya njuîrî, gwîkîra mathaga ma thaavu na gwîkîra nguo cia goro tîkuo kûmûtucaga athaka.