Kûguû 8:9 - ÎVUKU RÎA ÛVORO MWARO

⁹ Nakîo gîcunjî kîmwe Kîam ithatû gîa ciûmbe irîa irî mwoyo itûûraga îriarî nîciakwire. Na gîcunjî kîmwe Kîam ithatû Kîam meri nîciacûkangirue.

Kûguû 8:9 ပူးပေါင်းရင်းမြစ်များ

Thaburi 48:7

Meekarire ta meri cia Tarishishi, ûrîa cikanagua îriarî nî rûkûngi rûnene.

Ntha 7:21

Nthamaki irîa ciarî rûnjîrî rwa Nailo nîciakwire, na manjî makînunga naaî mûno. Nao andû a Misiri nîmaaremirwe nî kûnyua manjî kuuma rûnjîrî rwa Nailo. Kûndû kuonthe vûrûrirî wa Misiri gwecûrîte nthakame.

Isaia 2:16

Nîagaacûkangia meri cia Tarishishi, na acûkangie matarû monthe mathaka.

Isaia 23:1

Îno nîyo ndûmîrîri îgiî Turo. Mue meri cia Tarishishi, rîrani, nîûndû îtûûra rîa Turo nîrîcûkangie. Nyomba ciakuo na kûrîa meri irûngamaga nîkwomomore. Nîmûkaamenyithua ûvoro ûcio mwacoka kuuma Kuporo.

Zakaria 13:8

Vûrûrirî wonthe, icunjî igîrî cia ithatû cia andû nîmagûkua, gîcunjî kîmwe Kîam ithatû nîkîo gîgaatigwa kîrî mwoyo.

Zakaria 13:9

Gîcunjî kîu kîmwe Kîam ithatû nîngaagikia mwakirî, na nîmatherie ta ûrîa mûndû atheragia sîlûva na mwaki, na nîmagerie ta ûrîa thaavu îgeragua na mwaki. Nîmakaamvoya, nanie nîngaacokia mavoya mao; Nie nîngaauga atî o nî andû akwa, nao nîmakaauga atî, nî nie Ngai-Mûnene Ngai wao.”

Kûguû 12:4

Njûnamatu îo nîyagucirie gîcunjî kîmwe Kîam ithatû Kîam njata cia îgûrû na mûkiia wayo, na îgîcikia nthî. Nayo nîyarûngamire mbere ya mûndûmûka ûcio warî vakuvî gûciara nîguo îrîe kaana gaciarwa warîo.

Kûguû 16:3

Nake mûraika wa kaîrî nîwetûrûrire kîrîa Kîamrî mbakûrirî yake îriarî. Manjî magîkara ta nthakame ya mûndû mûkuû. Nacio ciûmbe cionthe irîa ciarî mwoyo kûu îriarî nîciakwire.

Kûguû 8:10

Nake mûraika wa kathatû nîwavuvîre karumbeta gake. Nayo njata nene, yakanaga ta kîmûrî nîyagwîre kuuma îgûrû. Nayo yagwîrîre gîcunjî kîmwe Kîam ithatû Kîam nyûnjî na ithima cia manjî.

Kûguû 8:12

Nake mûraika wa kana nîwavuvire karumbeta gake. Nakîo gîcunjî kîmwe Kîam ithatû Kîam riûa, mweri na njata nîciaringirwe. Kwoguo gîcunjî kîmwe Kîam ithatû Kîam ûtheri wacio nîwarumire. Nakîo gîcunjî kîmwe Kîam ithatû Kîam mûthenya na Kîam ûtukû gûtiarî na ûtheri.

Kûguû 8:7

Nake mûraika wa mbere nîwavuvire karumbeta gake. Nayo mbura ya mbembe na mwaki, itukanîte na nthakame nîcietîkire nthî. Nakîo gîcunjî kîmwe Kîam icunjî ithatû cia nthî na nyaki yonthe ya ngirini, na gîcunjî kîmwe Kîam icunjî ithatû cia mîtî nîciavîre.

Kûguû 9:15

Kwoguo araika acio ana nîmaarekererue. Araika acio maaigîtwe mavarîrîtue nîûndû wa îthaa rîîrî, mûthenya ûyû, mweri ûyû, na mwaka ûyû nîguo mavote kûûraga gîcunjî kîmwe Kîam ithatû Kîam andû arîa marî gûkû nthî.

Kûguû 9:18

Gîcunjî kîmwe Kîam ithatû Kîam andû arîa marî gûkû nthî nîmaaûragirwe nî mathîna mathatû marîa maaumaga tûnyuarî twa mbarathi: namo nî mwaki, ndogo na ûviriti.