Kûguû 8:5 - ÎVUKU RÎA ÛVORO MWARO

⁵ Mûraika ûcio nîwacokire agîoca kavakûri agîgecûria mwaki kuuma metharî ya kîgongoona, na agîgaikia nthî. Nakuo nîkwagîre na mîrurumo ya ngwa, mîgambo, mveni, na kîthingithia.

Kûguû 8:5 ပူးပေါင်းရင်းမြစ်များ

1Atha 19:11

Ngai-Mûnene nîwamwîrire atîrî, “Uma ûthiî ûrûngame mbere ya Ngai-Mûnene îgûrû rîa kîrîma.” Vîndî wa îo Ngai-Mûnene nîwavîtûkîrîre vau. Naruo rûkûngi rûnene mûno nîrwainainirie irîma na rûgîatûranga mathiga tûcunjî mbere ya Ngai-Mûnene, nwatî Ngai-Mûnene ndaarî rûkûngirî. Vuva wa rûkûngi nîgwacokire gûkîgîa kîthingithia, nwatî Ngai-Mûnene ndaarî kîthingithiarî.

Thaburi 18:13

Ngai-Mûnene nîwagambire na mûgambo ta wa ngûa arî îgûrû, naguo mûgambo wa Ngai ûrîa ûrî Îgûrû Mûno nîweguirwe

Ntha 19:16

Naguo mûthenya wa kathatû kîraûko nîkwagîre ngwa nyîngî na mveni. Na kîrîmarî gûkiumîra îtu înene na gûkîguwa mûgambo mûnene wa karumbeta. Nao andû onthe arîa marî kûrîa maambîte magema nîmaatetemire nî guoya.

Isaia 29:6

Ngai-Mûnene mwene vinya wonthe nîagaaûka kûrî mue, na njîra ya ngwa, kîthingithia na mûgambo mûnene, rûkûngi rwa ngoma cia aka, rûkûngi rûnene na mwaki wa kûthiria.

Isaia 30:30

Ngai-Mûnene nîagaatûma mûgambo wake ûrîa ûrî riiri wîguîke, na aringe nthû ciake na vinya arî na marakara. Nîgûkethîrwa na rûrîrîmbî rwa mwaki rwa kûvîvia viû, marurumî, ngûa na mbura ya mbembe.

Isaia 66:6

Tathikîrîriani, mwîgue înegene rîu rîrî îtûûrarî, mûgambo ûcio ûreguîka hekarûrî! Ûcio nî mûgambo wa Ngai-Mûnene akîverithia nthû ciake!

Jeremia 51:11

Norani mîguî yenyu! Ocani ngo cienyu!” Ngai-Mûnene nîatûmîte athamaki a Media mavange kûtharîkîra vûrûri wa Babuloni nîûndû avangîte gûûcûkangia. Ûguo nîguo Ngai-Mûnene akwîrîvîrîria nîûndû wa kwanangwa kwa hekarû yake.

Alawi 16:12

nîagooca kanyûngû ga kûvîvîrua ûbani gecûrîte makara marî na mwaki na ngundi igîrî ciîcûrîte ûbani mûnungi waro na aivire vandû varîa vatheru Mûno.

Zakaria 14:5

Nîmûkaaûra mûvîtûkîrîrîte Kîamndarî kîu kîgaanîtie kîrîma kîu kîrî gatagatî ka irîma igîrî cia Ngai-Mûnene. Mûkaûra wata ûrîa methe menyu ma tene maûrire rîrîa kwagîîre kîthingithia vîndî ya mûthamaki Uzia. Ngai-Mûnene Ngai wakwa nîagûka na araika onthe.

Mathaayo 24:7

Mavûrûri nîmakaarûa, namo mothamaki mathithûkanîre. Nîgûkaagîa na yûra kûndû kwîngî na kûgîe na ithingithia.

Luka 12:49

“Nie mbûkîte kûrete mwaki gûkû nthî; naarî kethîrwa nîmwambîrîriu gwakana!

Ciîko 16:26

Na wa rîmwe nîkwagîre na kîthingithia kînene, na gîkinainia mîcingi ya njeera. Na vîndî wa îo mîrango yonthe ya njeera nîyavingûkire, na mînyororo yonthe ya andû arîa moovetwe îkîovoka.

Ciîko 4:31

Rîrîa maarîkirie kûvoya ûguo, nthî nîyainainire varîa maagomanîte. Nao andû onthe nîmecûrirwe nî Roho Mûtheru na makîanîrîra ndûmîrîri ya Ngai marî na ûmîrîru.

Kûguû 11:13

Na kavinda wa kau nîkwagîre na kîthingithia kînene. Na gîcunjî kîmwe gîa îkûmi Kîam îtûûra rîu rînene nîkîagwîre, na andû ngiri mûgwanja makîûragwa. Andû arîa maatigarire nîmaagîre na guoya nyîngî na magîkumia ûnene wa Ngai wa îgûrû.

Kûguû 11:19

Nayo hekarû ya Ngai îrîa îrî kûu îgûrû nîyavingûrirwe, na îthandûkû rîa kîrîkanîro rîkîonekana kuo. Nakuo nîgwacokire gûkîgîa na mveni, mîgambo na mîrurumo ya ngwa, kîthingithia na mbura nene ya mbembe.

Kûguû 4:5

Gîtîrî kîu Kîam ûthamaki nîkwaumaga mveni, mîgambo, na mûrurumo na ngwa. Kwarî na imûrî mûgwanja ciaakanaga vau mbere ya gîtî kîu Kîam ûthamaki, na imûrî icio nî maaroho mûgwanja marîa maatungataga Ngai.

Kûguû 6:12

Rîrîa Gatûrûme gatumûrire rûtumo rwa gatandatû, nî kwagîîre na kîthingithia kînene. Riûa nîrîatigire kwara na gûkîgîa nduma. Naguo mweri nîwatunîvire ta nthakame.

Kûguû 8:3

Mûraika wîngî nîwaûkire na akîrûngama metharî ya kûrutîra kîgongoona, anyitîte kavakûri ka thaavu ga kûvîvîria ûbani. Nake nîwanengerwe ûbani mwîngî mûno nîguo aûrutanîrie vamwe na mavoya ma andû onthe a Ngai. Nake mûraika ûcio nîwaigîrîre maruta mau metharî ya kûrutîra kîgongoona ya thaavu îrîa yarî vau mbere ya gîtî Kîam ûthamaki.