Kûguû 8:2 - ÎVUKU RÎA ÛVORO MWARO

² Nînaacokire ngîona araika mûgwanja arîa marûngamaga mbere ya Ngai. Nao nîmaanengerwe tûrumbeta mûgwanja.

Kûguû 8:2 ပူးပေါင်းရင်းမြစ်များ

Zakaria 4:10

Mûtikaanyarare ûndû ûrîa wambagîrîria na njîra nini, nîûndû Ngai-Mûnene akenagua nî wîra rîrîa ûrathiî na mbere. Andû nîmagaakena mona Zerubabeli akîmîtuma. “Taa icio mûgwanja nî metho ma Ngai-Mûnene marîa aroragia nthî yonthe namo.”

Mathaayo 18:10

“Menyererani atî mûtikae kûnyarara kaana wana kamwe ga tûtû tûnini. Nîramwîra na ma atî araika a tuo arîa marî îgûrû methagîrwa marî varî Ngai Vava ûrîa ûrî îgûrû. [

Mathaayo 24:31

Natuo tûrumbeta nîtûkavuvwa. Nake nîagaacoka atûme araika mathiî nthî yonthe. Nao nîmakaaûngania andû arîa Ngai ethuurîrîte kuuma gîturi kîmwe Kîam nthî nginya kîrîa kîngî.

Luka 1:19

Nake mûraika ûcio nîwamûcokerie atîrî, “Nie nînie Gaburieli na nûngamîte mbere ya Ngai ûrîa ûndûmîte mbûke ngûkinyîrie ûvoro ûyû mwaro.

Luka 21:36

Îkaragani mwîvarîrîtie vingo cionthe na mûkîvoyaga, nîguo mûgîe na vinya wa kûmîrîria maûndû monthe marîa marî vakuvî gwîkîka, na mûgîe vinya wa kûrûngama mbere ya Mûrû wa Mûndû.”

1Akor 15:52

wa rîmwe ta kûvucia kwa riitho vîndî îrîa karumbeta gakaavuvwa. Vîndî îrîa karumbeta gakaavuvwa, akuû nîmakaariûkua ûndû matagacoka gûkua rîngî na tue tuonthe nîtûkaagarûrûka.

1Ath 4:16

Nîûndû Mwathani nîakaanyûrûka kuuma îgûrû Kîamthanaga augîrîrîtie na mûgambo wa mûraika ûrîa mûnene na karumbeta ka Ngai. Vîndî îo, arîa makeethîrwa maakuire metîkîtie Kristû nîo makamba kûriûka.

Kûguû 1:4

Nie Johana nîrandîkîra makanitha marîa mûgwanja marî vûrûrirî wa Îsia: Gîa na wega na thayû kuuma kûrî Ngai, ûrîa ûrî kuo, warî kuo, na ûrîa ûgaûka, na kuuma kûrî maroho mûgwanja marîa marî mbere ya gîtî gîake Kîam ûthamaki,

Kûguû 11:15

Nake Mûraika wa mûgwanja nîwavuvire karumbeta gake. Nakuo îgûrû nîkwagîre na mîgambo mînene yaugaga atîrî, “Ûthamaki wa nthî nîûtuîkîte wa Mwathani wetû na wa Mesaya wake. Nake nîakaathana tene na tene!”

Kûguû 15:1

Nînaacokire ngîona ûrirû wîngî mûnene na wa magegania ûrî îgûrû. Kwarî na araika mûgwanja maarî na ûvoti wa gûtûma nthî îgîe na mavera mûgwanja ma mûthiia. Namo makoonania mûthiia wa marakara ma Ngai.

Kûguû 16:1

Ngîcoka ngîgua mûgambo mûnene kuuma hekarûrî ûkîra araika acio mûgwanja atîrî, “Thiîni nthî na mwîtûrûre mbakûri cia marakara ma Ngai!”

Kûguû 8:13

Nînacokire ngîroria na ngîgua nderi îrîa yagûrûkîte îgûrû rîerarî îkiugîrîria na mûgambo mûnene atîrî, “Uuui! Uuui! Uuui! Na kaî andû arîa matûûraga nthî nîmakeethîrwa na thîna rîrîa araika acio engî athatû makaavuva tûrumbeta-î!”

Kûguû 8:6

Nao araika mûgwanja arîa maagwete tûrumbeta mûgwanja nîmeevarîrie gûtûvuva.

Kûguû 9:1

Nake mûraika wa gatano nîwavuvire karumbeta gake. Nanie nînoonire njata îrîa yagwîte nthî. Nayo nîyanengerwe cavi cia îrima îrikîru rîtarî na mûthiia.