Kûguû 7:3 - ÎVUKU RÎA ÛVORO MWARO

³ Nake mûraika ûcio nîwamerire atîrî, “Mûtigacûkangie nthî nyûmû, îria, kana mîtî. Etererani nginya rîrîa tue tûgekîra ndungata cia Ngai wetû rûûri ithithiirî ciao.”

Kûguû 7:3 ပူးပေါင်းရင်းမြစ်များ

Ntha 12:13

Nthakame îrîa mûkaavaka itugîrî cia mîrango nîyo îkeethîrwa îrî rûûri rwa kwonania nyomba irîa mûtûûraga. Nona nthakame nîngaavîtûka mîciî yenyu na mûtikoona ûndû mûcûku ngîverithia andû a Misiri.

Ntha 12:23

Vîndî îrîa Ngai-Mûnene akaavîtûkîrîra vûrûrirî wa Misiri kûraga andû a kuo, nîakoona nthakame itugîrî cia mîrango yenyu. Nake nî akaagiria mûraika ûrîa ûkethîrwa akîûraga andû a Misiri atonya kwenyu nyomba amûûrage.

Isaia 27:8

Aaverithirie andû ake na njîra ya kûmavira îthamîriorî. Rîrîa kwarî na rûkûngi rûnene rwa mwena wa îrathîro, nîwamavonokirie kuuma kûrî rûkûngi rûnene.

Isaia 54:17

Gûtirî indo cia mbaara irîa irûthîtwe cia gûgûcûkangia ikaavota gwîka guo. Mûndû ûrîa ûgaakûthitanga îgootirî nîûkaamûvoota. Rîîrî nîrîo îgai rîa ndungata cia Ngai-Mûnene, na rîu nîrîo îtua rîakwa kûrî o.” Nie Ngai-Mûnene nînie nauga ûguo.

Isaia 6:13

Wana gwatigara andû gîcunjî kîmwe îgûrû rîa îkûmi vûrûrirî, wanao nîmakaavîvua. Acio makethîrwa mekariî ta kîthukî Kîam mûvuru, kîrîa gîtigagwa kîrûngamîte rîrîa mûvuru watemwa.” (Kîthukî kîu nî mbegû ntheru ya Kîammbîrîria gîcerû.)

Isaia 65:8

Ngai-Mûnene arauga atîrî, “Andû moona thavibu inyitanîte vamwe irî mbaro meranaga atî: ‘Tûtikaithûkie, nîûndû nwa ciume ndivei.’ Ûguo nîguo ngeeka nîûndû wa ndungata ciakwa, na ndikaamathiria onthe.

Ezek 9:4

na akîmwîra atîrî, “Vîtûkanîria îtûûrarî rîonthe rîa Jerusalemu na wîkîre rûûri mothiûrî ma andû onthe arîa maracaya na mararîra nîûndû wa maûndû marîa macûku marekwa îtûûrarî.”

Ezek 9:6

Ûragani athuuri arîa akûrû na arîa anini, mûrage anake na erîtu, ciana na aka, nwatî mûtikavutie mûndû ûrî na rûûri ûthiû wake. Ambîrîriani hekarûrî yakwa.” Kwoguo nîmaambîrîrie kûraga athuuri arîa maarî mbere ya hekarû.

Danieli 3:17

Ethîrwa nîtûgwikua mwakirî ûcio, Ngai wetû ûrîa tûtungataga nîagûtûvonokia kuuma mwakirî ûcio mûnene ûguo, na kuuma njararî ciaku.

Danieli 3:26

Kwoguo Nebukadinezarû nîwathiîre vakuvî na mûromo wa varîa mwaki ûcio warî na agîtana augîrîrîtie atîrî, “Shadiraka, Mîsheki na Abendinego, ndungata cia Ngai ûrîa Mûnene mûno, umani mûke ava!” Nao Shadiraka, Mîsheki na Abendinego nîmaumîrire mwakirî ûcio mûnene.

Danieli 6:16

Kwoguo mûthamaki nîwathanire Danieli ocwe na aikue îrimarî rîa mînyambû. Nîwacokire akîra Danieli atîrî, “Ngai waku ûrîa ûtungatagîra wa mûthenya arokûvonokia.”

Zefania 2:3

Cokererani Ngai-Mûnene mue muonthe arîa avoreri, mue arîa mwîkaga ûrîa kwagîrîrîte, cariani ûthingu cariani wînyivia. Kwavoteka ûkethîrwa ûtarî vamwe na andû arîa makaverithua, mûthenya ûrîa Ngai-Mûnene akonania marakara make.

Malaki 3:18

Namue nîmûkoona ngûrani ya mûndû ûrîa mûthingu na mûndû ûrîa mwaganu; na mûmenye ngûrani ya mûndû ûrîa ûtungatagîra Ngai, na ûrîa ûtamûtungatagîra.”

Mathaayo 24:22

Nwatî Ngai nîanyivanyivîtie mîthenya îo. Tiga nî ûguo, gûtirî mûndû ûngîgaatigara. Nwatî nîûndû wa andû ake arîa ethuurîrîte, Ngai nîakaanyivanyivia mîthenya îo.

Mathaayo 24:31

Natuo tûrumbeta nîtûkavuvwa. Nake nîagaacoka atûme araika mathiî nthî yonthe. Nao nîmakaaûngania andû arîa Ngai ethuurîrîte kuuma gîturi kîmwe Kîam nthî nginya kîrîa kîngî.

Johana 12:26

Mûndû wa wonthe ûndungatagîra nwa nginya anûmîrîre nîguo varîa nîrî ndungata yakwa îthagîrwe nîvo îrî wa nayo. Nake Vava agaatîîaga mûndû wa wonthe ûrîa ûndungatagîra.

Johana 3:33

Nwatî mûndû wa wonthe wîtîkagîra ûira wake, nîatuîkaga mûira atî Ngai nî wa ma.

Aroma 6:22

Nwatî rîu mûrî ovore kuuma meviarî na mûrî ngombo cia Ngai. Naguo umithio ûrîa mûgîcaga naguo nî gûtûûra mwîyamûrîrîte Ngai na mûthiiarî mwoyo wa tene na tene.

Kûguû 13:16

Nyamû îo ya kaîrî nîyatûmire andû onthe anini na anene, itonga na athîni, ngombo na arîa matarî ngombo, mekîrwe rûûri njararî ya ûrîo kana ûthiû.

Kûguû 13:17

Kwoguo gûtirî mûndû ûngîagûrire kana endia kîndû atarî na rûûri rûu. Rûûri rûu, rwarî rîîtwa rîa nyamû ya mbere kana namba îrîa yarûngamagîrîra rîîtwa rîayo.

Kûguû 14:1

Ngîcoka ngîroria ngîona Gatûrûme arûngamîte kîrîmarî gîa Zayuni îgûrû. Na vau aarî vaarî na andû ngiri îgana na mîrongo îna na inya. Acio nî arîa maarî na rîîtwa rîake na rîa îthe mandîkîtwe mothiûrî mao.

Kûguû 14:9

Nake mûraika wa kathatû nîwarûmîrîre arîa a mbere aîrî akiugagîrîria atîrî, “Mûndû wa wonthe ûgoocaga nyamû na mûvuanano wayo, na agekîrwa rûûri ûthiû kana njara ya ûrîo,

Kûguû 19:2

Nîûndû atucanagîra ciira na ûma na kîvooto! Ke nîatuîrîrîte ciira mûmaraa ûrîa watûmire andû a nthî meka maûndû macûku ma ûtharia. Ngai nîamûverithîtie nîûndû ke nîwaûragire ndungata ciake.”

Kûguû 20:4

Ngîcoka ngîona itî cia ûthamaki kûu îgûrû. Nao arîa maaciîkarîrîte nîmaaveetwe ûvoti wa gûtucanîra. Wana nînoonire mîoyo ya andû arîa maaûragirwe nîûndû nîmaanîrîre ûvoro wa Ngai na ûma ûrîa waguûrirue nî Jesû. Acio matianagooca nyamû kana mûvuanano wayo, na matianekîrwa rûûri rwa nyamû ûthiû kana njararî ciao. Andû acio nîmaagîre na mwoyo rîngî na makîathana marî athamaki vamwe na Kristû kavinda ka mîaka ngiri îmwe.

Kûguû 22:4

Nao nîmakoona ûthiû wa Ngai, na rîîtwa rîake nî rîkaandîkwa mothiûrî mao.

Kûguû 6:6

Nînaacokire ngîgua kîndû kîeguîkaga gîkariî ta mûgambo waumaga gatagatîrî ga ciûmbe icio inya irîa irî mwoyo. Mûgambo ûcio waugaga atîrî: “Kilo îmwe ya mûtu wa ngano nîyendue dinarii îmwe, na kilo ithatû cia cairi nîciendue dinarii îmwe, nwatî ndûgacûkie maguta na ndivei!”

Kûguû 7:1

Vuva wa ûguo nînoonire araika ana marûngamîte mîthiiarî îna ya nthî. Araika acio maarigîrîrîtie ngûngi cia mîthiia wa yo îna ya nthî itikavurutane nthî nyûmû, îriarî kana mûtîrî wana ûrîkû.

Kûguû 7:2

Nînaacokire ngîona mûraika wîngî akiunûkia aumîte mwena wa îrathîro na arî na rûtumo rwa Ngai mûtûûra mwoyo. Nake nîwetire araika acio ana na mûgambo mûnene. Araika acio ana nîo maavetwe nî Ngai vinya wa gûcûkangia nthî nyûmû na îria.

Kûguû 9:4

Nacio nîcierirwe itigacûkie nyaki, kana mîtî, wana kana mûmera wa wonthe. Cierirwe icûkie tu andû arîa mataarî na mûvûûri wa Ngai ithithiirî ciao.