Kûguû 6:13 - ÎVUKU RÎA ÛVORO MWARO

¹³ Nacio njata cia îgûrû nîciagwîre nthî wata ûrîa mûkûyû ûgwîthagia ngûû irîa nthatu vîndî îrîa wainainua nî rûkûngi rûnene.

Kûguû 6:13 ပူးပေါင်းရင်းမြစ်များ

Ayubu 15:33

Agekara ta mîthavibu ûrîa wîtûrûrîte matunda maîthî, na ta mûtamaiyû ûrîa wîtûrûraga marao.

Isaia 13:10

Njata cionthe wana irîa ciîthagîrwa irî itutu nîigaatiga gûkenga; riûa rîkaaratha rîkariî ta nduma, naguo mweri ndûkaara.

Isaia 33:9

Nthî îrî na kîeva na îkarega gûciara maciaro, mîtî ya Lebanoni nî mîûmû; Kîamnda kînoru gîa Sharoni gîkariî ta werû, nayo mîtî ya Bashani na Karimeli nî mîrivarivûku mathangû ma yo.

Isaia 34:4

Athigari onthe a îgûrû rîerarî nîmakaathira, nakuo îgûrû rîerarî nîgûgakûnjwa ta îvuku rîa gîkûnjo. Indo cionthe irîa irî îgûrû nîikaagwa, ta ûrîa mathangû ma mûthavibu magûcaga mavoova, kana ta ûrîa mathangû ma mûkûyû magûcaga mavoova.

Isaia 7:2

Rîrîa mûthamaki wa Juda aamenyithirue atî, andû a Sîria nî manyitanîrîte na andû a Isiraeli, ke na andû ake onthe nîmaanyitirwe nî guoya nyîngî nginya makinaina ta ûrîa mîtî ya kîthakarî inainagua nî rûkûngi.

Ezek 32:7

Vîndî îrîa ngaakûthiria, nîngaakunîkîra matu na ndûme njata cia îgûrû ituîke nduma. Nîngaakunîkîra riûa na matu naguo mweri nîûgaatiga kûruta ûtheri waguo.

Danieli 4:14

Nake nîwanîrîre na mûgambo mûnene atîrî, “Tema mûtî ûcio na ûvarie nvûa ciaguo. Ûrivarive mathangû na ûnyagie matunda ma guo. Îngata nyamû cionthe irîa irî rungu rwa guo na iconi cionthe irîa itumîte ciomba mvûarî ciaguo.

Danieli 8:10

Karûvîa kau nîkaagîre na vinya mûno na gakîneneva îgûrû rîa ciûmbe cia îgûrû, nîkagwîthirie imwe cia njata icio na gagîikinyanga.

Joeli 2:31

Riûa nîrîgakûnîkwa rire, naguo mweri nîûgatunîva ta nthakame, mbere ya mûthenya wa Ngai-Mûnene ûkinya.

Nahumu 3:12

Kûndû gwaku kuonthe gwa kwîgitîra gûkethîrwa gwîkariî ta mîkûyû îrî mîtune; nwatî inainia mîkûyû wone, matunda mainainua magûcaga kanyuarî ka mûmarîi.

Mathaayo 24:29

“Na warîo vuva wa vîndî îo ya mathîna, riûa nîrîgaatuîka nduma, mweri ûtige kwara, njata igwe nthî kuuma îgûrû, na maavinya marîa marî îgûrû mainainue.

Maariko 13:25

njata igwe nthî kuuma îgûrû, na maavinya marîa marî îgûrû mainainue.

Luka 21:25

“Nîgûkaagîa na marûûri riûarî, mwerirî na njatarî. Nakuo gûkû nthî, andû a mavûrûri monthe nîmagaata mwîvoko na metigîre marurumî ma îria na makûmbî ma manjî.

Kûguû 9:1

Nake mûraika wa gatano nîwavuvire karumbeta gake. Nanie nînoonire njata îrîa yagwîte nthî. Nayo nîyanengerwe cavi cia îrima îrikîru rîtarî na mûthiia.