Kûguû 5:5 - ÎVUKU RÎA ÛVORO MWARO

⁵ Nake ûmwe gatagatîrî ka athuuri acio nîwambîrire atîrî, “Tiga kûrîra. Ta roria! Mûnyambû wa mûvîrîga wa Juda; na wa nyomba ya Daudi, nîavootanîte, na ke nwa avote gûtumûra ndumo icio mûgwanja na akûnjûre îvuku rîu rîa gîkûnjo.”

Kûguû 5:5 ပူးပေါင်းရင်းမြစ်များ

1Atha 10:20

Kwarî na mîvuano ya mînyambû îkûmi na îîrî, wa mûvuano wa mûnyambû ûrûngamîte mîenarî ya ngathî icio ithathatû. Gûtirî gîtî ta kîu Kîamrî Kîamnatumwa ûthamakirî wîngî wanarî ûmwe.

2Maû 9:18

Gîtî kîu Kîam ûthamaki Kîamrî na ngathî ithathatû, na vandû va kwigîrîrwa magûrû varûthîtwe na thaavu na vanyitanîte na gîtî kîu Kîam ûthamaki. Mîenarî ya kîo yoîrî kwarî na vandû va kwigîrîrwa njara. Mîenarî yoîrî kwarî na mîvuano îîrî ya mînyambû vakuvî na vandû vau va kwigîrîrwa njara.

Ayubu 41:15

Ngothi yayo îcûrîtwe nî mathemo mekariî ta ngo. Manyitithanîtue vamwe makaûma ta îthiga.

Isaia 11:1

Nîgûkaaumîra mûthamaki kuuma njiarwarî cia Jesii, ta ûrîa rûvûa rûkûraga kuuma mûtîrî.

Isaia 11:10

Mûthenya ûcio mûthamaki mûcerû wa rûciaro rwa Jesii akethîrwa arî kîonereria kûrî andû. Mavûrûri nîmakaathiî gwake mûciî îtûûrarî rîake rîrîa rîrî riiri.

Jeremia 31:16

Ngai-Mûnene arauga atîrî, “Kira ûtige kûrîra na wîgirie methori, maûndû mau monthe wîkîte ciana ciaku, nîûndû nîûkaarîvwa wîra waku, na nîigaacoka kuuma vûrûri wa nthû ciao.

Danieli 7:16

Nînathiîre kûrî ûmwe wa arîa maarûngamîta vau na ngîmûthaitha anyumbûrîre ûma wîgiî maûndû mau monthe. Kwoguo nîwandaûrîre maûndû mau na akîmbîra atîrî,

Ndari 24:9

Vûrûri ûcio ûmamîrîrîte ta mûnyambû, rîrîa ûmamiî gûtirî mûndû ûngîûramûkia. Mûndû wa wonthe ûrathimaga Isiraeli akaarathimagwa, mûndû wa wonthe ûrumaga Isiraeli akaarumagwa.”

Luka 23:28

Nwatî Jesû nîwevûgûrire na kûrîa maarî na akîmeera atîrî, “Mue aka aya a Jerusalemu tigani kûndîrîra, îîrîrîreni mue ene na mûrîrîre ciana cienyu.

Luka 7:13

Vîndî îrîa Mwathani oonire mûndûmûka ûcio, nîwamwîguîrîre ntha na akîmwîra atîrî, “Tiga kûrîra.”

Luka 8:52

Nao andû onthe arîa maarî kuo nîmaarîraga marî na kîeva nîûndû wa gûtigwa nî mwîrîtu ûcio. Nake Jesû nîwerire andû acio atîrî, “Tigani kûrîra nîûndû mwîrîtu ûyû tî mûkuû, nîkwa amamîte.”

Johana 20:13

Nao nîmaamûririe atîrî, “Mûndûmûka ûyû ûrarîra nîkî?” Nake nîwamacokerie atîrî, “Nîûndû nîmakuuire Mwathani wakwa, na rîu ndiîcî varîa mamwigîte!”

Aroma 1:3

Ûvoro ûcio wîthagîrwa wîgiî Mûriû wa Ngai, Jesû Kristû Mwathani wetû. Na njîra ya kîîmwîrî aarî wa mbarî ya Daudi.

Aroma 15:12

Wana rîngî mûrathi Isaia augîte atîrî, “Nyombarî ya Jesii nîgûkaauma mûndû, agaaûka kwatha andû a Ndûrîrî, nao nîmakaaiga mwîvoko wao kûrî ke.”

Ahib 7:14

Nîgwîcîkene waro atî ke aaumîte mûvîrîgarî wa Juda. Rîrîa Musa aaragia îgûrû rîa athînjîri-Ngai ndaagweta wanarî ûndû wîgiî mûvîrîga ûcio.

Kûguû 1:1

Îvuku rîîrî nî mûtaratara wa maûndû marîa Jesû Kristû aaguûririe. Ngai aamûveere kûguûrîrua gûkû, nîguo onie ndungata yake maûndû marîa maarî nwa nginya mekîke narua. Nake Kristû nîwatûmire mûraika wake akamenyithie ndungata yake Johana,

Kûguû 22:16

“Nie Jesû, nînie ndûmîte mûraika wakwa kûrî mue nîguo anîrîre ndûmîrîri îno kûu makanitharî. Nie nîrî wa rûciaro rwa nyomba ya Daudi. Nie nînie njata îrîa ngengu ya kîraûko.”

Kûguû 3:21

Arîa makaavootana, nîngaamava rûtha rwa gwîkara mwenarî wakwa gîtîrî gîakwa Kîam ûthamaki wata ûrîa wananie naavootanire na rîu mbîkarîte mwenarî wa Vava gîtîrî gîake Kîam ûthamaki.

Kûguû 4:10

athuuri arîa mîrongo îîrî na ana nîmegwîthagia nthî mbere ya ûcio wîkarîrîte gîtî Kîam ûthamaki na makagooca ûcio ûtûûraga tene na tene. Nao nîmaigaga nthûmbî ciao nthî vau mbere ya gîtî kîu Kîam ûthamaki na makauga atîrî:

Kûguû 4:4

Navo vaarî na itî ciîngî mîrongo îîrî na inya cia ûthamaki ciathiûrûrûkîrîtie gîtî kîu Kîam ûthamaki. Nao athuuri mîrongo îîrî na ana nîmaaciîkarîrîte. Athuuri acio meekîrîte nguo cia rangi njerû na ciongorî ciao maarî na nthûmbî cia thaavu.

Kûguû 5:4

Nie nînarîrire mûno nîûndû gûtiarî na mûndû warî mwagîrîru wa gûkûnjûra îvuku rîa gîkûnjo kana arîthome.

Kûguû 6:1

Nînaacokire ngîona Gatûrûme gagîtumûra rûtumo rûmwe rwa icio mûgwanja, na ngîgua kîûmbe kîmwe Kîam irîa inya irî mwoyo gîkiuga na mûgambo wagambaga ta ngwa, “Ûka!”

Kûguû 7:13

Nake ûmwe gatagatîrî ka athuuri acio nîwambûririe atîrî, “Andû aya mekîrîte nguo cia rangi njerû nî arîkû na nî a kuuma kû?”