Kûguû 5:13 - ÎVUKU RÎA ÛVORO MWARO

¹³ Nînaacokire ngîgua ciûmbe cionthe irî mwoyo, irîa irî îgûrû, gûkû nthî, rungu rwa nthî, na îriarî na irîa irî kûndû kuonthe ikiuga atîrî: “Ngumo, gîtîîo, riiri na vinya irogîa kûrî ûrîa wîkaragîra gîtî Kîam ûthamaki na kûrî gatûrûme, tene na tene!”

Kûguû 5:13 ပူးပေါင်းရင်းမြစ်များ

1Maû 29:11

Ûnene, vinya, riiri, ûvootani na gîtîîo nî ciaku we Ngai-Mûnene. Îgûrû na nthî na indo cionthe irîa irî kuo, nî ciaku nîûndû ûthamaki nî waku we Ngai-Mûnene, na nîwe mûnene gûkîra anene onthe.

Isaia 24:14

Andû arîa magaatigara nîmakaugîrîria, nîmakaaina makenete. Arîa marî mwena wa îthûîro nîmakaanîrîra ûnene wa Ngai-Mûnene.

Isaia 42:10

Inîrani Ngai-Mûnene rwîmbo rûcerû, nthî yonthe nîîmwinîre nyîmbo cia kûmûkumia! Îria na nyamû cionthe irîa itûûraga kuo, icîgîrîra na ndeererî cia îria na andû arîa matûûraga kuo!

Mathaayo 6:13

Ndûgatûvire mageriorî, nwatî ûtûvonokie kuuma kûrî Ûrîa Mûcûku.’

Luka 2:14

“Ngai ûrîa ûrî Îgûrû Mûno arokumua, na thayû ûrogîa gûkû nthî, kûrî andû arîa mamûkenagia!”

Johana 1:29

Naguo mûthenya ûcio wîngî Johana nîwonire Jesû athiîte kûrî ke na akiuga atîrî, “Taroriani Gatûrûme ka Ngai karîa kathengutagia wîvia wa andû a nthî!

Aroma 11:36

Nîûndû indo cionthe ciaûmbirwe nîke na indo cionthe itûîre nîûndû wa ûvoti wake na nî ciake. Nake arokumua tene na tene! Ameni!

Aroma 16:27

Nake Ngai ûrîa wîthagîrwa arî na ûûgî maûndûrî monthe, arotûûra agoocagwa na njîra ya Jesû Kristû tene na tene! Ameni.

Aroma 9:5

Nî a mbarî ya methe metû ma tene na Kristû ta mûndû, nwa wa rûrîrî rwao. Ngai ûrîa wathaga maûndû monthe arogoocwa tene na tene! Ameni.

Aefeso 3:21

Ngai arokumua kanitharî na njîra ya Jesû Kristû kuuma njiarwa na njiarwa nginya tene na tene! Ameni.

Afil 2:10

Kwoguo ciûmbe cionthe irîa irî îgûrû, irîa irî nthî, wana irîa irî rungu rwa nthî, cionthe igaaturagia maru mbere ya Jesû igakumia rîîtwa rîake,

Akol 1:23

Kwoguo nwanginya mûthiî na mbere gwîkara mwîkindîrîtie wîtîkiorî wenyu na mûrî na vinya. Mwîrîgîrîro ûrîa mwagîre naguo rîrîa mwegwire ûvoro mwaro, mûtikanetîkîre wenyenyue. Nie Paûlo nîrî ndungata ya ûvoro mwaro ûrîa wîthîrîtwe ûkîvunjîrua andû a nthî yonthe.

1Tim 4:16

Îîmenyagîrîre we mwene na ûmenyagîrîre maûndû marîa ûthomithanagia. Thiî na mbere gwîka maûndû mama nîûndû weka ûguo, nîûkwîvonokia we mwene na ûvonokie andû arîa makûthikagîrîria.

1Pet 4:11

Mûndû ûrîa ûvunjagia nwanginya avunjagie ndûmîrîri ya Ngai, na ûrîa ûtungataga nwanginya atungatage na vinya îrîa aveetwe nî Ngai, nîguo Ngai akumague na njîra ya Jesû Kristû maûndûrî monthe marîa mûgeekaga nîûndû riiri wonthe na vinya nî ciake tene na tene. Ameni.

1Pet 5:11

Ûthamaki wonthe ûrotuîka wake tene na tene! Ameni.

Juda 1:25

Ke nîke Ngai mûvonokia wetû. Na njîra ya Mwathani wetû Jesû Kristû, Ke arogîa na riiri, ûnene, ûthamaki na wathani, kuuma Kîammbîrîria, rîu na nginya tene na tene! Ameni.

Kûguû 1:6

na nîwatûtuire rûrîrî rwa athînjîri-Ngai a gûtungatîra Ngai ûrîa Îthe wake. Riiri na vinya irogîa kûrî Jesû Kristû tene na tene! Ameni.

Kûguû 13:8

Andû onthe arîa matûûraga nthî nîmakaagooca nyamû îo. Nwatî andû arîa marîîtwa mao maandîkirwe îvukuurî rîa mwoyo mbere ya nthî yûmbwa matikaamîgooca. Îvuku rîu nî rîa Gatûrûme karîa kaaûragirwe.

Kûguû 5:1

Nînaacokire ngîona îvuku rîa gîkûnjo rîrî njararî ya ûrîo ya ûrîa wekarîrîte gîtî Kîam ûthamaki. Îvuku rîu rîandîkîtwe mîena yoîrî na rîgatumwa na ndumo mûgwanja.

Kûguû 5:12

Nao nîmaainaga maugîrîrîtie makiugaga atîrî: “Gatûrûme karîa kaaûragirwe nîkagîrîru ga kwamûkîra ûvoti, ûtonga, ûûgî, na vinya na gîtîîo, riiri na ngumo!”

Kûguû 5:3

Nwatî gûtiarî mûndû îgûrû kana nthî wana kana rungu rwa nthî ûngîavotire gûkûnjûra îvuku rîa gîkûnjo na arîthome.

Kûguû 5:6

Nanie nînaacokire ngîona Gatûrûme arûngamîte vau gatagatî ka gîtî Kîam ûthamaki kathiûrûrûkîrîtue nî ciûmbe icio inya irî mwoyo na athuuri acio mîrongo îîrî na ana. Gatûrûme kau koonekaga takwa kaarî kaûrage. Nako kaarî na mvîa mûgwanja na metho mûgwanja, marîa arî mo maaroho mûgwanja marîa maatungataga Ngai na matûmîtwe nthî yonthe.

Kûguû 5:9

Nacio ciûmbe icio na athuuri acio nîmaainire rwîmbo rûcerû makiugaga atîrî: “We ûrî mwagîrîru wa gwoca îvuku rîa gîkûnjo na ûtumûre ndumo ciarîo. Nîûndû we nîwaûragirwe, na njîra ya nthakame yaku we nîwagûrire andû a Ngai kuuma mîvîrîga yonthe, nthiomi cionthe, mavûrûri monthe na iruka cionthe.

Kûguû 6:16

Nao nîmeetire irîma na mathiga makiugaga atîrî, “Tûgwîreni na mûtûthithe nîguo ûrîa wîkarîrîte gîtî Kîam ûthamaki ndagatwone na Gatûrûme ndakavote gûtûverithia!