Kûguû 4:6 - ÎVUKU RÎA ÛVORO MWARO

⁶ Mbere ya gîtî kîu Kîam ûthamaki kwarî kîndû kîonekaga gîkariî ta îria rîa icicio na rîtheru ta îra. Nakîo gîtî kîu Kîam ûthamaki nîkîathiûrûrûkîrîtue mîena yakîo îna nî ciûmbe inya ciarî mwoyo ciecûrîte metho mbere na vuva.

Kûguû 4:6 ပူးပေါင်းရင်းမြစ်များ

1Atha 7:23

Hiramu nîwatumire îtangi rîa gîcango rîa kîthiûrûrû rîa ûrikîru wa mita igîrî na cendimita mîrongo îîrî, Wariî wa mita inya na cendimita mîrongo îîrî, na mûthiûrûrûko wa mita îkûmi na ithatû na cendimita mîrongo îîrî.

Ayubu 28:17

Thaavu kana gîcicio itingîgananua na ûûgî, na ndûngîkûrananua na mathaga ma thaavu ntheri.

Ntha 38:8

Bezaleli nîwarûthire kîraî na vandû va gûkigîrîra. Cionthe ciarûthirwe na gîcango îrîa yarî ya aka arîa maatungataga mûromorî wa îgema rîa Ngai-Mûnene.

Ezek 10:12

Mîîrî ya Akerubi acio, mîkurukuthu, njara, na mathagu mao maarî na metho kûndû kuonthe, wana nthugû ciarî na metho mîena yonthe.

Ezek 10:14

Akerubi acio, wa Kerubi aarî na mothiû mana. Ûthiû wa mbere warî wa ndegwa, ûthiû wa kaîrî warî wa mûndû, ûthiû wa kathatû warî wa mûnyambû, na ûthiû wa kana warî wa nderi.

Kûguû 14:3

Andû acio ngiri îgana na mîrongo îna na inya (144,000) nîmaarûngamîte mbere ya gîtî Kîam ûnene, mbere ya ciûmbe irîa irî mwoyo inya, na mbere ya athuuri. Nao nîmaainaga rwîmbo rûcerû rûrîa tu nwa o mangîarûmenyire. Acio nî arîa maarî akûûre.

Kûguû 15:2

Na nînoonire kîndû kîonekaga gîkariî ta îria rîa gîcicio rîtukanîtue na mwaki. Wana nînonire arîa maavootete nyamû, mûvuanano wayo, na makavoota ûrîa namba yarûngamagîrîra rîîtwa rîake. Andû acio maarûngamîte mwenarî wa îria rîu rîa gîcicio manyitîte ngita irîa Ngai aamaveere,

Kûguû 15:7

Nakîo kîûmbe kîmwe Kîam irîa inya îrî mwoyo nîkîanengere araika mûgwanja mbakûri mûgwanja cia thaavu ciîcûrîte marakara ma Ngai ûrîa ûtûûraga tene na tene.

Kûguû 19:4

Nao athuuri arîa mîrongo îîrî na ana vamwe na ciûmbe irîa irî mwoyo inya nîmeegwîthirie nthî na makîgooca Ngai ûrîa wekarîrîte gîtî Kîam ûnene, makiugaga, “Ameni, Ngai arokumua!”

Kûguû 21:11

rîgîkengaga nî riiri wa Ngai. Îtûûra rîu rîakengete ta îthiga rîa goro, kana ta gîcicio na rîrî rîtheru ta îra.

Kûguû 21:18

Rûthingo rwathondeketwe na mathiga ma goro ma rangi njerû. Na kîndû kîonthe Kîamrî îtûûrarî rîu Kîamthondeketwe na thaavu na yarî ntheru ta gîcicio.

Kûguû 21:21

Nayo mîîrîga îo îkûmi na îîrî nî mathiga ma goro îkûmi na maîrî. Na wa mwîrîga wathondeketwe na îthiga rîmwe rîa goro. Njîra cionthe ciarî cia thaavu ntheru ta gîcicio.

Kûguû 22:1

Mûraika nîwacokire akîmonia rûnjî rwa manjî ma mwoyo. Rûnjî rûu rwaumîte gîtîrî Kîam ûthamaki Kîam Ngai na Kîam Gatûrûme, namo manjî ma ruo maarî matheru na makengaga ta îra.

Kûguû 4:4

Navo vaarî na itî ciîngî mîrongo îîrî na inya cia ûthamaki ciathiûrûrûkîrîtie gîtî kîu Kîam ûthamaki. Nao athuuri mîrongo îîrî na ana nîmaaciîkarîrîte. Athuuri acio meekîrîte nguo cia rangi njerû na ciongorî ciao maarî na nthûmbî cia thaavu.

Kûguû 5:11

Nie nînaacokire ngîroria rîngî na ngîgua mîgambo ya Araika maarî ngiri nyîngî mûno. Araika acio maarûngamîte mathiûrûrûkîrîtie gîtî Kîam Ûthamaki, ciûmbe icio inya irî mwoyo, na athuuri.

Kûguû 5:14

Nacio ciûmbe inya irîa irî mwoyo nîciacokirie atîrî, “Ameni!” Nao athuuri nîmeegwîthirie nthî na makîgooca.

Kûguû 5:6

Nanie nînaacokire ngîona Gatûrûme arûngamîte vau gatagatî ka gîtî Kîam ûthamaki kathiûrûrûkîrîtue nî ciûmbe icio inya irî mwoyo na athuuri acio mîrongo îîrî na ana. Gatûrûme kau koonekaga takwa kaarî kaûrage. Nako kaarî na mvîa mûgwanja na metho mûgwanja, marîa arî mo maaroho mûgwanja marîa maatungataga Ngai na matûmîtwe nthî yonthe.

Kûguû 5:8

Na vîndî îrîa Gatûrûme oocire îvuku rîu rîa gîkûnjo, ciûmbe inya irîa irî mwoyo nîciegwîthirie nthî vau mbere ya Gatûrûme. Wa kîûmbe Kîamrî na ngita na mbakûri ya thaavu îcûrîte ûbani, ûrîa aarî guo mavoya ma andû a Ngai. Wana nginya athuuri acio mîrongo îîrî na ana nîmeegwîthirie nthî vau mbere ya Gatûrûme na wa mûthuuri arî na ngita na mbakûri ya thaavu îcûrîte ûbani ûrîa arî guo mavoya ma andû a Ngai.

Kûguû 6:1

Nînaacokire ngîona Gatûrûme gagîtumûra rûtumo rûmwe rwa icio mûgwanja, na ngîgua kîûmbe kîmwe Kîam irîa inya irî mwoyo gîkiuga na mûgambo wagambaga ta ngwa, “Ûka!”

Kûguû 6:6

Nînaacokire ngîgua kîndû kîeguîkaga gîkariî ta mûgambo waumaga gatagatîrî ga ciûmbe icio inya irîa irî mwoyo. Mûgambo ûcio waugaga atîrî: “Kilo îmwe ya mûtu wa ngano nîyendue dinarii îmwe, na kilo ithatû cia cairi nîciendue dinarii îmwe, nwatî ndûgacûkie maguta na ndivei!”

Kûguû 7:11

Araika onthe maarûngamîte mathiûrûrûkîrîtie gîtî Kîam ûthamaki, athuuri na ciûmbe inya irîa irî mwoyo. Nao araika acio nîmeegwîthirie magîturumithia mothiû mao nthî mbere ya gîtî Kîam Ûthamaki na makîgooca Ngai,

Kûguû 7:17

nîûndû Gatûrûme, karîa karî vau gatagatî ka gîtî Kîam ûthamaki nîgagaatuîka mûrîthi wao. Nake nîakaamatongoria amavire ithimarî cia manjî marîa mavecanaga mwoyo. Nake Ngai nîakagiria methori monthe kuuma methorî mao.”