Kûguû 4:10 - ÎVUKU RÎA ÛVORO MWARO

¹⁰ athuuri arîa mîrongo îîrî na ana nîmegwîthagia nthî mbere ya ûcio wîkarîrîte gîtî Kîam ûthamaki na makagooca ûcio ûtûûraga tene na tene. Nao nîmaigaga nthûmbî ciao nthî vau mbere ya gîtî kîu Kîam ûthamaki na makauga atîrî:

Kûguû 4:10 ပူးပေါင်းရင်းမြစ်များ

1Maû 29:20

Daudi nîwacokire akîra andû arîa onthe maagomanîte atîrî, “Kumiani Ngai-Mûnene, Ngai wenyu!” Nao andû onthe arîa maagomanîte nîmaakumirie Ngai-Mûnene, Ngai wa methe mao ma tene. Nîmeenamîrîrie ciongo ciao, makîgooca Ngai-Mûnene na makîva mûthamaki gîtîîo.

2Maû 7:3

Rîrîa andû a Isiraeli moonire mwaki wanyûrûrûka kuuma îgûrû na riiri wa Ngai-Mûnene ûrî îgûrû rîa hekarû, nîmaaturirie maru na magîturumithia mothiû mao vau vaarîtwe mathiga na makîgooca Ngai-Mûnene makiuga “Ke nî mwaro, wendo wake ûtathiraga nî wa tene na tene.”

Ayubu 1:20

Nake Ayubu nîwaûkîrire na agîtembûranga nguo ciake, akîenjwa kîongo, akîrivania nthî,

Thaburi 115:1

Tî tue, we Ngai-Mûnene, tî tue, we wenga nîwe wagîrîrwe nî gûkumua; nîûndû wa wendo waku ûtathiraga na wîvokeku waku.

Thaburi 47:8

Ngai athaga mavûrûri monthe, ekaragîra gîtî gîake kîtheru Kîam ûthamaki.

Thaburi 72:11

Athamaki onthe nî makenamîrîria mothiû mbere yake; mavûrûri monthe nî makaamûtungatîra.

Thaburi 95:6

Ûkani tûmwînamîrîre na tûmûgooce, tûturie maru mbere ya Ngai-Mûnene, ûrîa watûmbire.

Isaia 6:1

Mwaka ûrîa mûthamaki Uzia aakwire, nînonire Mwathani ekarîrîte gîtî gîake Kîam ûthamaki kîrî vandû îgûrû mûno; nayo nguo yake ndaca yecûrîte hekarûrî yonthe.

Danieli 12:7

Mûndû ûcio wekarîte mwena wa îgûrû wa rûnjî ekîrîte nguo mbaro, nîwaûkîrîrie njara ciake cioîrî na îgûrû. Nînaacokire ngîgua akîîvîta na rîîtwa rîa ûrîa ûtûûraga tene na tene akiuga atî, ‘Nî kavinda ka mîaka îthatû na nuthu. Vîndî îo andû arîa atheru a Ngai nîmagaatiga kûnyamarua na nîrîo maûndû monthe makethîrwa makîvinga.’

Danieli 4:34

Mîaka mûgwanja yathira, nie mûthamaki Nebukadinezarû nînaroririe îgûrû kûrî Ngai na ngîcokerwa nî ûgima wa meciria na ngîambîrîria kûgooca Ngai ûrîa wî îgûrû mûno; nînaamûkumirie na ngîmûva gîtîîo na riiri, ûcio ûtûûraga tene na tene nîûndû: Nîatûûra athanaga tene na tene naguo wathani wake ûgaakinyagîra njiarwa na njiarwa.

Mathaayo 2:11

Na rîrîa maatonyire nyomba, nîmoonire mwana ûcio arî na ng'ina Mariamu. Nao nîmaaturirie maru mbere ya mwana ûcio na makîmûgooca. Nîmaacokire makîovora mîvuko yao, makîruta indo cia goro mûno makîva mwana ûcio. Nacio indo icio ciarî: thaavu, maguta maanungaga waro, na ndawa ya goro mûno kuuma kûrî mûtî wîtagwa mare.

Luka 24:52

Nao arutwa ake nîmaamûgoocire na magîcoka îtûûrarî rîa Jerusalemu makenete mûno.

1Akor 15:10

Nwatî wega wa Ngai nîguo ûtûmîte nduîke ûrîa nie nîrî, na wega ûrîa ke aamveere ndwarî wa mana. Vandû va ûguo nîndutîte wîra na vinya mûno gûkîra atûmwa arîa engî onthe, wana ethîrwa na ma nie tînie naûrutire, nwatî nî wega wa Ngai ûrîa wîthagîrwa ûrî vamwe nanie waûrutire.

Gûco 32:40

Wata ûrîa Nie nîrî Ngai ûrîa ûtûûraga mwoyo, nîngûkîrîria njara nîîvîte atî,

Kûguû 10:6

na akîîvîta na rîîtwa rîa Ngai ûrîa ûtûûraga tene na tene, na waûmbire îgûrû, nthî, îria na indo cionthe irîa irî kuo. Nake nîwaugire atîrî, “Gûtirî na kavinda kengî ka gweterera!

Kûguû 11:16

Nao athuuri mîrongo îîrî na ana arîa mekaragîra itî ciao cia ûthamaki vau mbere ya Ngai, nîmeegwîthirie, magîturumithia mothiû mao nthî na makîgooca Ngai,

Kûguû 15:4

Nîûrîkû ûtagagûtîîa na akumie rîîtwa rîaku, Mwathani? We nîwe wenga Mûtheru. Mavûrûri monthe nîmagaaûka na makûgooce, nîûndû ciîko ciaku cia kîvooto nîcionagwa nî andû onthe.”

Kûguû 15:7

Nakîo kîûmbe kîmwe Kîam irîa inya îrî mwoyo nîkîanengere araika mûgwanja mbakûri mûgwanja cia thaavu ciîcûrîte marakara ma Ngai ûrîa ûtûûraga tene na tene.

Kûguû 19:4

Nao athuuri arîa mîrongo îîrî na ana vamwe na ciûmbe irîa irî mwoyo inya nîmeegwîthirie nthî na makîgooca Ngai ûrîa wekarîrîte gîtî Kîam ûnene, makiugaga, “Ameni, Ngai arokumua!”

Kûguû 4:2

Na wa rîmwe nînecûrirwe nî Roho. Na rîrîa naaroririe Îgûrû nînoonire gîtî Kîam ûthamaki gîkarîrîtwe nî mûndû.

Kûguû 4:4

Navo vaarî na itî ciîngî mîrongo îîrî na inya cia ûthamaki ciathiûrûrûkîrîtie gîtî kîu Kîam ûthamaki. Nao athuuri mîrongo îîrî na ana nîmaaciîkarîrîte. Athuuri acio meekîrîte nguo cia rangi njerû na ciongorî ciao maarî na nthûmbî cia thaavu.

Kûguû 4:9

Ciûmbe icio inya irî mwoyo nîcinaga nyîmbo cia kûvecana riiri, gîtîîo na ngatho kûrî ûrîa wîkarîrîte gîtî Kîam ûthamaki, na ûtûûraga tene na tene. Na rîrîa rîonthe igwîka ûguo,

Kûguû 5:14

Nacio ciûmbe inya irîa irî mwoyo nîciacokirie atîrî, “Ameni!” Nao athuuri nîmeegwîthirie nthî na makîgooca.

Kûguû 5:8

Na vîndî îrîa Gatûrûme oocire îvuku rîu rîa gîkûnjo, ciûmbe inya irîa irî mwoyo nîciegwîthirie nthî vau mbere ya Gatûrûme. Wa kîûmbe Kîamrî na ngita na mbakûri ya thaavu îcûrîte ûbani, ûrîa aarî guo mavoya ma andû a Ngai. Wana nginya athuuri acio mîrongo îîrî na ana nîmeegwîthirie nthî vau mbere ya Gatûrûme na wa mûthuuri arî na ngita na mbakûri ya thaavu îcûrîte ûbani ûrîa arî guo mavoya ma andû a Ngai.

Kûguû 7:11

Araika onthe maarûngamîte mathiûrûrûkîrîtie gîtî Kîam ûthamaki, athuuri na ciûmbe inya irîa irî mwoyo. Nao araika acio nîmeegwîthirie magîturumithia mothiû mao nthî mbere ya gîtî Kîam Ûthamaki na makîgooca Ngai,