Kûguû 3:4 - ÎVUKU RÎA ÛVORO MWARO

⁴ Nwatî kûrî na andû anini gatagatîrî kenyu kûu Saridi maigîte nguo ciao irî ntheru. Andû acio nîmakaathiîcania nanie mekîrîte nguo cia rangi njerû, nîûndû o nî agîrîru.

Kûguû 3:4 ပူးပေါင်းရင်းမြစ်များ

1Atha 19:18

Kûnarî ûguo, nîndigarîtie andû ngiri mûgwanja (7,000) marî mwoyo kûu Isiraeli. Andû acio nî arîa onthe maambathîkagîra na mataanenamîrîria mothiû mao kûrî Baali kana mamumunya mûvuanano wake.”

Esita 8:15

Moridekai nîwaumire mûciî kwa mûthamaki ekîrîte nguo cia ûthamaki cia rangi wa vururu na îno njerû, na ekîrîte nthûmbî mbaro ya thaavu. Andû onthe a Susa nîmaumîrire varavararî makiugagîrîria macanjamûkîte.

Thaburi 68:14

Rîrîa Ngai mwene Vinya wonthe aanyaganirie athamaki Kîrîmarî gîa Zalimoni, nîwatûmire mbaravu îgwe Kîrîmarî kîu.

Mûvunjia 9:8

Îkaraga ûkenete na ûcanjamûkîte vîndî cionthe.

Isaia 1:9

Kethîrwa Ngai-Mûnene mwene vinya wonthe ndaatigaria andû anini gatagatîrî getû, tûngîathirirue ta andû a Sodomu na Gomora.

Isaia 52:1

Ûkîra, ûkîra! Gîa na vinya, we Zayuni; îkîra nguo ciaku irîa mbaro, we Jerusalemu, îtûûra rîrîa rîamûre; nîûndû gûtirî mûndû ûtarî mûruu kana ûrî na mûgiro ûgaatonya gwaku rîngî.

Isaia 59:6

Ta ûrîa rûûî rwa mbûmbûî rûtangîkîrwa ta nguo, andû matingîvota gwîkunîkîra na maûndû marîa makaga. Wîra wao nî wîra wa waganu, na mekaga maûndû mao na vinya.

Isaia 61:10

Nîngaakenagîra mûno Ngai-Mûnene, ngoro yakwa nîgaacanjamûka nîûndû wa Ngai wakwa, nîûndû nîambîkîrîte nguo cia ûvonokio, nîambîkîrîte nguo ya ûthingu, ta ûrîa mûvikania egemagia na maûa, ta ûrîa mûviki egemagia na mathaga make.

Isaia 61:3

Andûmîte ngave arîa maracakaya marî Zayuni, ngovia ya maûa vandû va mûu, maguta ma gîkeno vandû va kîeva, nguo ya ûgooci vandû va îvooru. Makethîrwa mavaana ta mîtî ya mîvuru ya ûthingu, îrîa Ngai-Mûnene avandîte nîguo akumague.

Isaia 64:6

Tue tuonthe tûtuîkîte ta andû marî na mûgiro; na ciîko cietû cionthe mbaro ciîkariî ta nguo îrî na gîko. Tuonthe tûûmaga ta mathangû, namo mevia metû matûgûrûkagia ta rûkûngi.

Alawi 13:48

nguo ya gîtambaa Kîam guoya, rûûo kana kîndû wa kîonthe gîtumîtwe na rûûo;

Mathaayo 10:11

“Na mwatonya îtûûrarî kana gîcagirî, cariani mûndû ûrîa mwagîrîru wa kûmûgwata ûgeni, na mwîkaranie nake nginya rîrîa mûkaauma kuo.

Maariko 16:5

Na rîrîa maatonyire mbîrîrarî, nîmamakire mûno moona mwanake ekarîte nthî mwena wa ûrîo na ekîrîte nguo ndaca ya rangi îno njerû.

Luka 20:35

nwatî andû arîa makoonwa marî agîrîru a kûriûka kuuma kûrî akuû, matikaavikania wana kana mavikue.

Luka 21:36

Îkaragani mwîvarîrîtie vingo cionthe na mûkîvoyaga, nîguo mûgîe na vinya wa kûmîrîria maûndû monthe marîa marî vakuvî gwîkîka, na mûgîe vinya wa kûrûngama mbere ya Mûrû wa Mûndû.”

Ciîko 1:15

Mîthenya mînini yavîtûka nîkwagîre na mûcemanio wa etîkia, na onthe maarî ta îgana na mîrongo îîrî. Nake Petero nîwarûngamire akîmeera atîrî,

2Ath 1:5

Maûndû mama monthe nîmonanagia atî Ngai atucanagîra ciira na kîvooto. Na nîûndû wa ûguo nîmûgaatuîka agîrîru a gûtonya ûthamakirî wa Ngai ûrîa mûthînagua nîûndû wa guo.

Juda 1:23

Vonokagiani arîa engî na njîra ya kûmathara kuuma mwakirî. Nao arîa engî megucagîreni ntha mûrî na guoya, na mûmenage nguo ciao irîa ithanîtue nî merirîria mao macûku.

Kûguû 1:11

Naguo mûgambo ûcio waugire atîrî, “Andîka ûrîa ûrona na ûtûme îvuku rîu makanitharî marîa marî matûûrarî marîa mûgwanja. Namo nî: Efeso, Simurina, Perigamu, Thîatira, Saridi, Filadelifia, na Laodikia.”

Kûguû 11:13

Na kavinda wa kau nîkwagîre na kîthingithia kînene. Na gîcunjî kîmwe gîa îkûmi Kîam îtûûra rîu rînene nîkîagwîre, na andû ngiri mûgwanja makîûragwa. Andû arîa maatigarire nîmaagîre na guoya nyîngî na magîkumia ûnene wa Ngai wa îgûrû.

Kûguû 14:4

Andû acio nî arîa mataanamenyana kîîmwîrî na aka; o nî athingu. Marûmagîrîra Gatûrûme kûrîa kuonthe akûthiî. Ngai nî amakûûrîte kuuma kûrî andû acio engî, na nîmaatuîkîte maciaro ma mbere kûvecanwa kûrî Ngai na kûrî Gatûrûme.

Kûguû 19:14

Nayo mbûtû ya athigari a îgûrû nîmaamûrûmîrîre mekarîrîte mbarathi cia rangi njerû, na mekîrîte nguo cia hariri ntheru cia rangi njerû.

Kûguû 19:8

Ke nîmûnengere nguo mbaro ya hariri îravenavenia ya gwîkîra.” (Nguo mbaro nî ciîko mbaro irîa andû a Ngai mekaga.)

Kûguû 3:18

Kwoguo nie nîragûtaara ûgûre thaavu kuumana nanie îrîa ntherie na mwaki nîguo ûtonge. Wana ûgûre nguo cia rangi njerû kuuma kûrî nie nîguo wîkîre na ûtige kwîgua nthoni cia kwonekana ûrî njaga, na ûgûre ndawa ya gwîkîra metho nîguo ûvote kwona.

Kûguû 3:5

Arîa makaavootana nîmageekîra nguo cia rangi njerû wata andû acio. Na nie ndikaavuta marîîtwa mao îvukuurî rîrîa Ngai andîkîte marîîtwa ma andû arîa makaavewa mwoyo wa tene na tene. Nie nîngaarûngama mbere ya vava na araika ake mbuge atî nî akwa.

Kûguû 4:4

Navo vaarî na itî ciîngî mîrongo îîrî na inya cia ûthamaki ciathiûrûrûkîrîtie gîtî kîu Kîam ûthamaki. Nao athuuri mîrongo îîrî na ana nîmaaciîkarîrîte. Athuuri acio meekîrîte nguo cia rangi njerû na ciongorî ciao maarî na nthûmbî cia thaavu.

Kûguû 6:11

Wa ûmwe nîwaverwe nguo cia rangi njerû. Nao nîmeerirwe mavurûke kavinda kengî kanini, nginya rîrîa andû arîa maatungataga vamwe nao wa na etîkia acio engî makaaûragwa wata ûrîa o maaûragirwe.

Kûguû 7:9

Vuva wa ûguo nie nînaroririe na ngîona kîrîndî Kîam andû gûtarî mûndû ûngîavotire kûmatara. Andû acio maaumîte mavûrûrirî monthe, mîvîrîgarî yonthe, irukarî cionthe, na nthiomirî cionthe. Nao onthe maarûngamîte vau mbere ya gîtî Kîam ûthamaki na ya Gatûrûme, mekîrîte nguo cia rangi njerû na manyitîte mathîgî ma mîkîndû njararî ciao.