Kûguû 3:10 - ÎVUKU RÎA ÛVORO MWARO

¹⁰ Mue nîmûrûmîrîrîte kîthomo gîakwa gîa kûmîrîria mûkirîrîrîtie na kwoguo nie nîngaamûgitîra kuuma kûrî îvinda rîa mathîna rîrîa rîgaûka kûgeria andû onthe arîa matûûraga gûkû nthî.

Kûguû 3:10 ပူးပေါင်းရင်းမြစ်များ

Isaia 24:17

Guoya, marima na mîtego, nîcio imwetererete, mue mûtûûraga nthî.

Danieli 12:10

Andû eengî nîmakaatherua, nwatî andû arîa aganu nîmakaathiî na mbere gwîka waganu na gûtirî wanarî ûmwe gatagatîrî kao ûgaataûkîrwa. Nwatî andû arîa aûgî nîmagaataûkîrwa.

Zakaria 13:9

Gîcunjî kîu kîmwe Kîam ithatû nîngaagikia mwakirî, na nîmatherie ta ûrîa mûndû atheragia sîlûva na mwaki, na nîmagerie ta ûrîa thaavu îgeragua na mwaki. Nîmakaamvoya, nanie nîngaacokia mavoya mao; Nie nîngaauga atî o nî andû akwa, nao nîmakaauga atî, nî nie Ngai-Mûnene Ngai wao.”

Mathaayo 24:14

Naguo Ûvoro Mwaro wîgiî Ûthamaki wa Ngai nîûkavunjua nthî yonthe wî ta ûira kûrî andû onthe, na vuva wa ûguo îthirîro rîcoke rîkinye.

Mathaayo 26:41

Mûtikamame nwatî voyani nîguo mûtikagwe mageriorî. Roho nîûrenda nwatî mwîrî ndûrî na vinya.”

Mathaayo 6:13

Ndûgatûvire mageriorî, nwatî ûtûvonokie kuuma kûrî Ûrîa Mûcûku.’

Maariko 14:9

Nîramwîra na ma atî kûrîa kuonthe Ûvoro Mwaro ûkaavunjua nthî yonthe, ûndû ûcio ambîka nîûkaaganagwa nîguo aririkanagwe.”

Luka 2:1

Mîthenyarî îo, Agusito ûrîa warî mûthamaki wa Roma, nîwathanire atî andû onthe mathiî magetarithie.

Johana 17:6

“Nîndûmîte ûmenyekane nî andû a gûkû nthî arîa wamvere. O maarî aku, nawe nîwamûvere o na makîathîkîra ciugo ciaku.

Aroma 1:8

Ûndû wa mbere nie nîngûcokia Ngatho kûrî Ngai na njîra ya Jesû Kristû nîûndû wenyu muonthe. Nîûndû ûvoro wîgiî wîtîkio wenyu nîwîgucagwa nî andû onthe a nthî.

1Akor 10:13

Magerio marîa mûgeragua namo nwamo andû arîa engî mageragua namo. Ngai nîmwîvokeku na ndangîtîkîra ûgerue makîria ya vinya ûrîa ûrî naguo. Nwatî vîndî îrîa ûragerua ke agaakûvecaga vinya nîguo ûvotage kûmîrîria na kûûrîra magerio.

Aefeso 6:13

Kwoguo îkîrani wa rîu indo cia mbaara cia Ngai! Naguo mûthenya ûrîa maûndû marîa macûku mageekîka, nîmûkaavota kwîgitîra kuumana na nthû, na mwarîkia kûrûa nayo, mûgaatigwa mwîkindîrîtie.

2Tim 2:12

Ethîrwa nîtûkûthiî na mbere kûmîrîria, nîtûkaathana nake. Ethîrwa nwa tûmûkaane, wanake nîagaatûkaana.

Jakuvu 3:12

Ariû na aarî a îthe wetû, nwa kûvoteke mûkûyû ûciare ndamaiyû kana mûthavibu ûciare ngûyû? Naarî! Wana kîthima gîcûrîte manjî ma cumbî gîtingîtherûka manjî maro.

1Pet 4:12

Arata akwa ende, tigani kûmaka nîûndû wa ûrûrû wa mathîna marîa mûracemania namo mûkîgerua. Tigani gwîciria atî maûndû mau marekîka kûrî mue nî mageni.

2Pet 2:9

Kwoguo Mwathani nîwîcî kûvonokia andû arîa marî na ûngai kuuma mageriorî na kwiga arîa aganu makîverithagua nginya rîrîa mûthenya wa îtuîro ûgaakinya.

Kûguû 1:9

Nie nînie Johana mûrû wa îthe wenyu. Nî mbîtîkîtie Jesû na nîrî ûmwe wenyu. Nîtûgwatanagîra namue ngirîrîtie ngîûmagîrîria kûthînua kûrîa gûkaga kûrî arîa marî a Ûthamaki wake. Nie naigirwe gîcîgîrîrarî gîtagwa Patimo nîûndû nînaanîrîre Ûvoro wa Ngai na Ûma ûrîa Jesû aaguûririe.

Kûguû 11:10

Andû arîa matûûraga gûkû nthî nîmagaakena na macanjamûke nîûndû wa gûkua kwa aira acio aîrî. Nao nîmakaavecana iveo nîûndû arathi acio aîrî nîmatûmîte andû arîa matûûraga gûkû nthî mathînîke mûno.

Kûguû 13:10

Mûndû wa wonthe ûrîa ûtuîrîtwe kwovwa njeera, nwa nginya ovwe. Mûndû wa wonthe ûtuîrîrîtwe kûûragwa na rûviû, nwa nginya aûragwe na rûviû. Ûguo nîkuga andû a Ngai magîrîrwe nî kûmîrîria na kûgîa na wîtîkio.”

Kûguû 13:14

Nayo nîyavenirie andû onthe na njîra ya ciama irîa yaringire îrî mbere ya nyamû îrîa ya mbere. Nyamû îo ya kaîrî nîyathanire andû matume mûviano wa nyamû îrîa ya mbere îrî njîra ya kûmîva gîtîîo. Nyamû îo nî yagurarîtue na rûviû, nwatî yarî mwoyo.

Kûguû 13:8

Andû onthe arîa matûûraga nthî nîmakaagooca nyamû îo. Nwatî andû arîa marîîtwa mao maandîkirwe îvukuurî rîa mwoyo mbere ya nthî yûmbwa matikaamîgooca. Îvuku rîu nî rîa Gatûrûme karîa kaaûragirwe.

Kûguû 14:12

Ava varenda ûmîrîru wa andû a Ngai arîa mavingagia maathani make na mevokete Jesû.

Kûguû 14:6

Nie nînaacokire ngîona mûraika wîngî agûrûkîte îgûrû rîerarî. Mûraika ûcio aarî na ûvoro mwaro wa tene na tene wa kûvunjia kûrî andû arîa matûûraga nthî, kûrî iruka cionthe, mbarî, nthiomi, na mavûrûri monthe.

Kûguû 16:14

Ngoma icio nî ndaimono irîa irî na vinya wa kûringa ciama. Nacio ngoma icio nîciathiîcaga kûrî athamaki onthe a nthî, ikamareta vamwe nîûndû wa mbaara ya mûthenya ûrîa mûnene wa Ngai mwene vinya wonthe.

Kûguû 17:2

Athamaki a nthî nîmatharîtie nake. Nao andû a nthî nîmaatuîkire mîrîu ya ûtharia.”

Kûguû 17:8

Nyamû îo vîndî îmwe yarî mwoyo, nwatî rîu ndîrî mwoyo. Nyamû îo nî îkunûkia yume îrimarî rîrîa rîtarî mûthiia îthiî îgacûkangue. Nîkûrî andû marî mwoyo na marîîtwa mao mataanandîkwa kuuma rîrîa nthî yambîrîrie kûmbwa. Andû acio onthe nîmakaamaka rîrîa makoona nyamû îo, nîûndû vîndî îmwe yarî mwoyo, na rîu ndîrî mwoyo, nwatî nîgaacoka yûke rîngî.

Kûguû 2:10

Mue mûtigetigîre nîûndû wa ûndû wa wonthe ûrîa mûgeerie kûthînua naguo. Tathikîrîriani! Ngoma nî agaatûma amwe enyu maikue njeera nîguo mûgerue. Na îvinda rîa mîthenya îkûmi nîmûkaathînua nîguo mûgerue. Tuîkani evokeku kûrî nie wana ethîrwa nîkwa mûkûûragwa, na nie nîngaamûva mwoyo ûrî ta nthûmbî ya ûvootani.

Kûguû 3:8

Nie nîmbîcî ciîko cienyu. Ta roriani, mbere yaku nîmbigîte mûrango ûrî mûvingûre na gûtirî mûndû ûngîvota kûûvinga. Nie nîmbîcî atî we ûrî na ûvoti mûnini, nwatî we nîûrûmîrîrîte kîthomo gîakwa na ûkethîrwa ûrî mwîvokeku kûrî nie.

Kûguû 6:10

Nayo mîoyo îo nîyaugîrîrie na mûgambo mûnene atîrî; “Mwathani mwene vinya wonthe, Mûtheru na wa ma! Nîwîkara nginya rî ûtarî mûtuîru na ûkaverithia andû a nthî nîûndû wa gûtûûraga?”

Kûguû 8:13

Nînacokire ngîroria na ngîgua nderi îrîa yagûrûkîte îgûrû rîerarî îkiugîrîria na mûgambo mûnene atîrî, “Uuui! Uuui! Uuui! Na kaî andû arîa matûûraga nthî nîmakeethîrwa na thîna rîrîa araika acio engî athatû makaavuva tûrumbeta-î!”