Kûguû 22:2 - ÎVUKU RÎA ÛVORO MWARO

² Rwanyûrûrûkîte rûthiîrîrîte gatagatî ka varavara ya îtûûra rîu rînene. Mîena yoîrî ya rûnjî rûu nîkwamerete mûtî wa matunda ma mwoyo. Mûtî ûcio nîûciaraga matunda maita îkûmi na maîrî wa mwaka, na riita rîmwe wa mweri. Namo mathangû ma mûtî ûcio nîmatumagîrwa nî andû a ndûrîrî cionthe kûvonia mîrimû.

Kûguû 22:2 ပူးပေါင်းရင်းမြစ်များ

Kîam 2:9

Ngai-Mûnene, Ngai nîwatûmire mîtî mîaro na ya mîthemba yonthe îkûre, na îciarage matunda maro. Naguo mûtî wa mwoyo warî gatagatî ka mûgûnda ûcio na mûtî wa gûtûma mûndû amenya ûndû mwaro na mûcûku.

Thaburi 147:3

Ke nîavonagia arîa akuû ngoro, na akamova ironda ciao.

Nthi 3:18

Ûûgî nîta mûtî wa mwoyo kûrî arîa magîcaga naguo, arîa megwatîrîte guo na kinyi marî gîkeno.

Isaia 6:10

Nîwacokire akîmbîra atîrî, “Ûmia ngoro cia andû aya, ûkunîke matû mao, na ûvinge metho mao nîguo matikone, matikegue na matû mao wana kana mataûkîrwa na ngoro ciao. Na manjokerere na mavonue.”

Jeremia 17:14

Ûi Ngai-Mûnene, mvonia nanie nîngûvona, mvonokia na nîngûvonoka, nîûndû we nîwe ngumagia.

Ezek 47:1

Mûndû ûrîa nîwanjokirie mûromorî wa hekarû. Vau manjî maumaga na rungu rwa mûromo na makanyûrûrûka mathiîte mwena wa îrathîro (nîûndû hekarû yaroretie mwena wa îrathîro). Manjî manyûrûrûkaga kuuma nthî mwena wa îveti wa hekarû mavîtûkîrîrîte mwena wa îveti wa metha ya kîgongoona.

Hosea 14:4

Ngai-Mûnene arauga atîrî, “Nîngagarûra mîtugo yao ya kûrega gwîtîkia, wendo wakwa kûrî o ndûkethîrwa na kîthimi, nîûndû ndikarakara nîo rîngî.

Zakaria 14:8

Vîndî îo yakinya, manjî maro nîmakaanyûrûrûka maumîte Jerusalemu. Nuthu îmwe ya manjî mau îkaanyûrûrûkaga îthiîte îriarî rîa mwena wa îrathîro, nayo nuthu îo îngî îkaanyûrûrûkaga îthiîte îriarî rîa mwena wa îthûîro. Manjî mau makaanyûrûrûkaga vîndî cionthe, vîndî ya riûa na vîndî ya mvevo.

Malaki 4:2

Nwatî nîûndû wenyu mue arîa mûngoocaga, ûvoti wakwa wa kûmûvonia nîûkaamwarîra ta riûa rîrî na vinya wa kûvonia mîrûri yarîo. Mûkauma mûkîrûgarûgaga ta njaû ciauma rwagarî rwa cio.

Luka 4:18

“Roho wa Ngai ûrî vamwe nanie, nîûndû nîamvakîte maguta, nîguo ngavunjîrie andû arîa athîni Ûvoro Mwaro. Nîandûmîte nthiî nganîrîre atî andû arîa moveetwe nî makûrekererua, atumumu nîmagûcoka kwona, na njoke manîrîre atî andû arîa mavinyîrîrîtue nîmagûtethûrwa,

1Pet 2:24

Kristû ke mwene nîwakuuire mevia metû mûtharavarî na njîra ya mwîrî wake. Eekire ûguo nîguo maûndûrî ma wîvia twîkare ta tûrî akuû na tûtûûrage mwoyo maûndûrî ma ûthingu. Mue rîu nîmûvonetue na njîra ya ironda ciake.

Kûguû 2:7

“Mûndû wa wonthe ûrî na matû ma kwîgua, nîathikîrîrie ûrîa Roho arera makanitha! “Arîa makaavootana nîngaametîkîria marîe matunda ma mûtî wa mwoyo ûrîa ûrî mûgûndarî wa Ngai.

Kûguû 21:21

Nayo mîîrîga îo îkûmi na îîrî nî mathiga ma goro îkûmi na maîrî. Na wa mwîrîga wathondeketwe na îthiga rîmwe rîa goro. Njîra cionthe ciarî cia thaavu ntheru ta gîcicio.

Kûguû 21:24

Nao andû a mavûrûri monthe makaathiîcaga mamûrîkîrîtwe nî ûtheri ûcio, na athamaki onthe a nthî nîmakaaretaga ûtonga wao îtûûrarî rîu înene.

Kûguû 22:1

Mûraika nîwacokire akîmonia rûnjî rwa manjî ma mwoyo. Rûnjî rûu rwaumîte gîtîrî Kîam ûthamaki Kîam Ngai na Kîam Gatûrûme, namo manjî ma ruo maarî matheru na makengaga ta îra.

Kûguû 22:14

Kûrathimwa nî arîa mathambagia nguo ciao ikathera, nîguo metîkîrue kûrîa matunda kuuma mûtîrî wa mwoyo. Andû acio nîmakaavîtûkîra mîîrîgarî mathiî îtûûrarî.

Kûguû 22:19

Nake mûndû wa wonthe ûkaaruta kîndû ûrathirî ûrîa ûrî îvukuurî rîîrî, Ngai nî akaamûcuuna îgai rîa matunda ma mûtî wa mwoyo, na amûcune îgai rîrîa rîrî îtûûra rîrîa rînene rîtheru. Irathimo icio nîciarîtue ûvoro wacio îvukuurî rîîrî.