Kûguû 22:12 - ÎVUKU RÎA ÛVORO MWARO

¹² Nake Jesû arauga atîrî, “Tathikîrîriani, nîmbûka warîu! Nie nîmbûka na iveo ciakwa nîguo mve wa mûndû kûringana na ûrîa ekîte.

Kûguû 22:12 ပူးပေါင်းရင်းမြစ်များ

Ayubu 34:11

Ngai arîvaga mûndû kûringana na wîra wake, ekaga mûndû kûringana na mîtugo yake.

Thaburi 28:4

Maverithie kûringana na maûndû marîa mekîte, kûringana na maûndû macûku marîa meekire. Maverithie kûringana na maûndû mao o ene, meke ûrîa magîrîrwe nî gwîkwa!

Isaia 40:10

Taroria Mwathani Ngai-Mûnene nîaûkîte na vinya, vinya wake nîguo ûrathana, nîaûka na andû arîa avonoketie na iveo cia andû ake.

Isaia 62:11

Taroriani Ngai-Mûnene nîanîrîrîte nthî yonthe. Îrani andû a Zayuni atîrî, “Ngai-Mûnene nîaûkîte kûmûvonokia, aûkîte arî na iveo ciake, aûkîte na andû arîa aavonokirie.”

Jeremia 17:10

Nie Ngai-Mûnene nî nie nduîragia meciria ma andû, na ngathima ngoro ciao. Kwoguo mvecaga mûndû kîrîa kîringanîte na mûtûûrîre wake, na kûringana na ciîko ciake.”

Zefania 1:14

Mûthenya mûnene wa Ngai-Mûnene nîûkuvîvîrie, ûrî vakuvî na ûraûka narua mûno. Mûgambo wa mûthenya wa Ngai-Mûnene nî mûrûrû mûno, athigari arîa aûmîrîru mûno nîmakaarîra na mûgambo mûnene.

Mathaayo 16:27

Nîramwîra maûndû mama monthe nîûndû Mûrû wa Mûndû arî vakuvî gûka arî na riiri wa îthe na araika ake. Na nîagaacoka arîve mûndû wa wonthe kûringana na ciîko ciake.

Aroma 14:12

Kwoguo wa mûndû nîakoonania kûrî Ngai maûndû monthe marîa aaneka.

1Akor 3:14

Ethîrwa kîrîa gîatumirwe îgûrû rîa mûcingi ûcio gîtikaavîa, mûtumi wakîo nîakaamûkîra kîveo.

1Akor 3:8

Vatirî ngûrani gatagatî ka mûndû ûrîa ûvandaga na ûrîa wîtagîrîria manjî, na Ngai akaarîva mûndû mûcara kûringana na wîra ûrîa ke mwene arutîte.

Kûguû 11:18

Andû a ndûrîrî nîmaang'ûrîkire nîûndû îvinda nîrîkinyu rîa kwonania marakara maku, na îvinda rîa gûtuîra arîa akuû. Îvinda nîrîkinyu rîa kûva ndungata ciaku iveo na nîo arathi, andû arîa atheru, arîa onthe magwîtigagîra anene wa na arîa anini. Îvinda nîrîkinyu rîa kûûraga arîa macûkangagia nthî!”

Kûguû 2:23

Wana nîngaaûraga arûmîrîri ake. Namo makanitha monthe nîmakaamenya atî nie nînie nduîragia meciria ma andû na ngamenya merirîria mao. Nie nîngaaverithia wa ûmwe wa cienyu kûringana na mevia marîa ekîte.

Kûguû 20:12

Na nînoonire andû arîa maakuîte, anene na anini, marûngamîte mbere ya gîtî Kîam ûthamaki. Namo mavuku nîmaavingûrirwe. Na îvuku rîngî narîo nîrîavingûrirwe na nî îvuku rîa mwoyo. Andû arîa maakuîte nîmaatuîrîrwe kûringana na ûrîa mekîîte, wata ûrîa kwandîkîtwe mavukurî mau.

Kûguû 22:20

Nake ûrîa wanagîrîra ndûmîrîri îno yonthe augaga atîrî, “Nî ma nîmbûka warîu!” Ameni. Ûka, Mwathani Jesû!

Kûguû 22:7

“Tathikîrîria, nîmbûka warîu! Kûrathimwa nî mûndû ûrîa wathîkagîra ûrathi ûrîa ûrî îvukuurî rîîrî!” Ûguo nîguo Jesû arauga.

Kûguû 3:11

Nie nîngûka vuva wa Kavinda kanini. Îkaragani mûrî evokeku nîguo mûndû wana ûrîkû ndakamûcune nthûmbî yenyu ya ûvootani.