Kûguû 22:11 - ÎVUKU RÎA ÛVORO MWARO

¹¹ Kwoguo ûrîa wîkaga naaî nî athiî na mbere gwîka naaî, nake ûrîa mwaganu nî athiî na mbere kwagana. Mûndû ûrîa mwaro nî athiî na mbere gûtuîka mwaro, nake ûrîa mûtheru nî athiî na mbere gûtuîka mûtheru.”

Kûguû 22:11 ပူးပေါင်းရင်းမြစ်များ

Ayubu 17:9

Nwatî mûndû ûrîa wîtîkîtie Ngai ndavîngagwa, na mûndû ûrîa wîkaga maûndû maro, ongagîrîrwa wa mûthenya.

Thaburi 81:12

Kwoguo nînaamarekirie mathiî na mbere na ûremi wao, na ngîreka meke wa ûrîa meendaga.

Nthi 14:32

Andû arîa aganu macûkangagua nî ciîko ciao njûku, nwatî andû arîa athingu magitagîrwa nî wîvokeku wao.

Nthi 4:18

Nwatî njîra ya andû arîa athingu îkariî ta riûa rîkîratha, rîrîa rîaraga na rîkathiî na mbere kwongerera ûtheri nginya mûthenya gatagatî.

Mûvunjia 11:3

Rîrîa matu ma mbura maritûva, mbura nîyuraga, mûtî ûngîgwa ûroretie mwena wa îveti kana wa rûgûrû, varîa wagwa nwavo wîkaraga.

Ezek 3:27

Nwatî rîrîa ngakwarîria, nîngakûvingûra kanyua na nîûkamera ûrîa nie Ngai-Mûnene mbugîte. Amwe nîmagaakûthikîrîria, nwatî amwe matigakûthikîrîria nîûndû nî andû aremi.”

Danieli 12:10

Andû eengî nîmakaatherua, nwatî andû arîa aganu nîmakaathiî na mbere gwîka waganu na gûtirî wanarî ûmwe gatagatîrî kao ûgaataûkîrwa. Nwatî andû arîa aûgî nîmagaataûkîrwa.

Mathaayo 15:14

Tigani gûtangîka nîûndû wao! O nî atongoria atumumu. Mûtumumu agatongoria mûtumumu ûrîa wîngî, wa oîrî nîmagûcaga îrimarî.”

Mathaayo 21:19

Rîrîa oonire mûtî wa mûkûyû mûkîrarî wa njîra, nîwathiîre varî guo nwatî akîona ûtarî na maciaro tiga mathangû matheri. Kwoguo ke nîwawîrire atîrî, “We ndûrî vîndî ûgaaciara ngûû rîngî.” Naguo mûkûyû nîwaûmire wa rîmwe.

Mathaayo 25:10

Nao erîtu acio maarî aritu nîmaavinyûrire ndukarî kûgûra maguta. Rîrîa maathiîre kûgûra maguta, mûvikania nîwakinyire. Nao erîtu acio maarî aûgî nîmaatonyire vamwe na mûvikania kîrugorî Kîam ûviki, naguo mûrango ûkîvingwa.

Mathaayo 5:45

nîguo mwonanagie atî mwî ciana cia Îthe wenyu ûrîa ûrî îgûrû. Nîûndû ke nîke ûtûmaga riûa rîake rîarîre andû arîa aro na arîa acûku, na akauria mbura kûrî andû arîa mekaga waro, na arîa mekaga naaî.

Mathaayo 5:6

Kûrathimwa nî arîa mavûtagîra na makanyondera maûndû ma ûthingu; nîûndû nîmakaavaithua!

Johana 8:21

Wana rîngî Jesû nîwamerire atîrî, “Nie nîngûthiî namue mûkaanjaria, nwatî nîmûgaakua nî mevia menyu. Mue mûtingîvota kûthiî kûrîa ngûthiî.”

Aefeso 5:27

Aakwire nîguo egîîre na kanitha wîkariî ta mûviki, ûrî na riiri na mûtheru, na ûtarî na îvîtia, wîvia, naaî kana ûcûku wana ûrîkû.

Akol 1:22

Nwatî rîu na njîra ya kûûragwa kîîmwîrî kwa Mûriû wake, Ngai nîarîkîtie kûmûtua arata ake nîguo amûrete mbere yake mûrî atheru na athingu na mûtarî na ûcuke.

2Tim 3:13

Nwatî andû arîa aganu na arîa maveenanagia nîkwa makaathiîcaga na mbere gûcûka. Andû acio makaaveenanagia na makîveenagua.

Juda 1:24

Na rîu, kûrî na ûrîa ûrî na ûvoti wa kûmûmenyerera mûtikagwe na kûmûrete mbere ya riiri wake mûtarî na ûcuke na mûrî na gîkeno,

Kûguû 16:21

Mbura ya mbembe nene ciarî na ûrito ta wa kilo mîrongo îtano nîyaurire kuuma îgûrû. Nayo yaurîra andû, nîmaarumire Ngai nîûndû wa mavera ma mbura. Mavera mau maarî mûcûku mûno.

Kûguû 22:3

Kîndû kîonthe kîrume nî Ngai gîtikeethîrwa îtûûrarî rîu. Gîtî Kîam Ngai Kîam ûthamaki na Kîam Gatûrûme nîgîkethîrwa îtûûrarî rîu, na ndungata ciake nîikaamûgooca.