Kûguû 21:6 - ÎVUKU RÎA ÛVORO MWARO

⁶ Nake nîwaugire atîrî, “Maûndû nîmavinga! Nie nînie wa mbere na wa mûthiia, Kîambîrîria na Kîrîkîro. Mûndû wa wonthe mûnyondu nîngaamwîtîkîria anyue manjî kuuma ithimarî irîa ciumaga manjî marîa mavecanaga mwoyo atakûrîva.

Kûguû 21:6 ပူးပေါင်းရင်းမြစ်များ

Thaburi 36:9

We nîwe ûvecanaga ûtûûro, na ûtheri waku nîguo ûtûmaga twone ûtheri.

Isaia 12:3

Nîûgaatava manjî ûkenete, kuuma ithimarî cia ûvonokio.”

Jeremia 2:13

Nîûndû andû akwa nîmekîte mavîtia maîrî; nîmandiganîrîtie nie îtherûkîro rîa manjî ma mwoyo, na makeînjîra iriko ciao cia manjî; iriko mbatûkangu itangiga manjî.

Hosea 14:4

Ngai-Mûnene arauga atîrî, “Nîngagarûra mîtugo yao ya kûrega gwîtîkia, wendo wakwa kûrî o ndûkethîrwa na kîthimi, nîûndû ndikarakara nîo rîngî.

Joeli 3:18

Vîndî îo, irîma nîikaanyûrûrûkia ndivei îrî na mûrîo, na irîmarî kumage îria, gûkethîrwa kûrî na manjî tûrûnjîrî tuonthe twa Juda. Gûkethîrwa kûrî na karûnjî nyombarî ya Ngai-Mûnene, karûnjî kau nîgakaathiîrîra Kîamndarî gîa Shitimu.

Johana 4:10

Jesû nîwamûcokerie atîrî, “Kethîrwa nwa ûmenye kîrîa Ngai avecanaga, na nî ûrîkû ûrakûvoya manjî ma kûnyua, we nîûngîamûvoya na nîangîakûva manjî ma mwoyo.”

Johana 4:11

Nake mûndûmûka ûcio nîwamwîrire atîrî, “Mûthuuri ûyû, kîthima nîkîrikîru mûno na we ndûrî na kîndû ûngîtava manjî nakîo. Nîkû ûngîruta manjî ma mwoyo?

Johana 4:14

Nwatî mûndû wa wonthe ûnyunyaga manjî marîa mvecanaga, ndakaanyonda rîngî. Manjî marîa ngûva mûndû ûcio nîmatuîka ta kîthima ndaarî yake kîrîa kîtherûkaga manjî marîa ma mwoyo wa tene na tene.”

Aroma 3:24

Nwatî na njîra ya kîveo kîrîa kiumanaga na wega wa Ngai, andû onthe nîmatuîtwe athingu na njîra ya Jesû Kristû ûrîa ûmakûûrîte kuuma meviarî.

Aroma 8:32

Ngai ûcio ndaavota gûcaîra mûrû wake wa mûmwe, nwatî nîwamûrutire nîûndû wetû tuonthe. Ethîrwa ke nîwatûvere Mûriû, na kinthî ndagaatûva indo cionthe mbaro?

1Akor 2:12

Tue tûtiamûkîra roho wa gûkû nthî, nwatî twamûkîre Roho ûrîa umîte kûrî Ngai nîguo tûvotage kûmenya iveo cionthe irîa Ngai atûvete.

1Akor 3:12

Andû amwe magaatuma îgûrû rîa mûcingi ûcio na thaavu kana sîlûva kana mathiga ma goro; engî nao magaatuma na mbaû kana nyaki kana mîvavîa.

1Akor 3:21

Kwoguo mûtigetîîe nîûndû wa andû. Maûndû monthe nî menyu.

1Akor 3:5

Apolo nîkwa arî û? Nake Paûlo nû? Tue tûrî ndungata cia Ngai irîa ke aatûmîre nîguo mwîtîkie. Na wa mûndû wa ûmwe wa cietû arutaga wîra ûrîa Mwathani aamûveere arute:

Kûguû 1:11

Naguo mûgambo ûcio waugire atîrî, “Andîka ûrîa ûrona na ûtûme îvuku rîu makanitharî marîa marî matûûrarî marîa mûgwanja. Namo nî: Efeso, Simurina, Perigamu, Thîatira, Saridi, Filadelifia, na Laodikia.”

Kûguû 1:17

Rîrîa namwonire, nînegwîthirie nthî mbere yake ta mûndû mûkuû. Nwatî mûndû ûcio nîwakûnjûrire njara yake akîmbigîrîra na akîmbîra atîrî, “Ndûgetigîre! Nie nî nie wa mbere na wa mûthiia.

Kûguû 1:8

Mwathani Ngai, Mwene vinya wonthe, ûrîa warî kuo, ûrî kuo, na ûrîa ûgaûka arauga atîrî, “Nie nînie wa mbere na wa mûthiia.”

Kûguû 10:6

na akîîvîta na rîîtwa rîa Ngai ûrîa ûtûûraga tene na tene, na waûmbire îgûrû, nthî, îria na indo cionthe irîa irî kuo. Nake nîwaugire atîrî, “Gûtirî na kavinda kengî ka gweterera!

Kûguû 16:17

Nake Mûraika wa mûgwanja nîwetûrûrire kîrîa Kîamrî mbakûrirî yake rîerarî. Naguo mûgambo mûnene nîwaumire gîtîrî Kîam ûnene kûu hekarûrî ûkiuga atîrî, “Maûndû nîmarîka!”

Kûguû 22:13

Nie nînie wa mbere na wa mûthiia, Kîammbîrîria na kîrîkîro.”

Kûguû 22:17

Roho Mûtheru na mûviki marauga atîrî, “Ûka!” Mûndû ûrîa ûkwîgua ûndû ûyû nîauge atîrî, “Ûka!” Mûndû ûrîa mûnyondu nîaûke, ûrîa nake ûkwenda nîoce manjî marîa mavecaga mûndû mwoyo atakûrîva kîndû.

Kûguû 3:14

“Andîka kûrî mûraika wa kanitha ûrîa ûrî Laodikia atîrî: “Îno nîyo ndûmîrîri kuuma kûrî ûrîa wîtagwa Ameni. Ke nîke mûira ûrîa mwîvokeku na wa ma. Nîke Kîammbîrîria Kîam indo cionthe irîa Ngai aûmbîte.

Kûguû 7:17

nîûndû Gatûrûme, karîa karî vau gatagatî ka gîtî Kîam ûthamaki nîgagaatuîka mûrîthi wao. Nake nîakaamatongoria amavire ithimarî cia manjî marîa mavecanaga mwoyo. Nake Ngai nîakagiria methori monthe kuuma methorî mao.”