Kûguû 21:4 - ÎVUKU RÎA ÛVORO MWARO

⁴ Ke nîakaamagiria methori monthe kuuma methorî mao. Gûtikethîrwa gîkuû, kîeva, kîrîro, kana ûrûrû rîngî. Maûndû marîa ma tene makethîrwa marî mathiru.”

Kûguû 21:4 ပူးပေါင်းရင်းမြစ်များ

Thaburi 144:4

Mûndû nîta mîvevû; ûtûûro wake ûvana ta kîruru kîvîtûkîte.

Isaia 25:8

Ngai-Mûnene nîakaathiria gîkuû tene na tene, nîakaagiria methori mothiûrî monthe na kûthirîria andû ake gîconoko nthî yonthe. Ngai-Mûnene nîke ugîte ûguo.

Isaia 30:19

Mue andû a Zayuni, arîa mûtûûraga Jerusalemu, mûtikaarîra rîngî. Nama nîakaamwîguîra ntha rîrîa akegua mûgambo wenyu mûkîmûrîrîra; rîrîa akegua mûgambo wa kîrîro kîenyu, nîakaamûthikîrîria.

Isaia 35:10

Arîa maakûûrirwe nî Ngai-Mûnene nîmagaacoka, magaaûka Zayuni magîkûngûagîra, makethîrwa marî na gîkeno gîa tene na tene. Nîmakethîrwa marî na gîkeno na marî acanjamûku, kîeva na kîrîro nîikaathira viû.

Isaia 51:11

Andû arîa aku wakûûrire we Ngai-Mûnene nîmagaacoka, magaakinya Zayuni makinaga, magecûrwa nî gîkeno gîa tene na tene. Nîmakaagîa na gîkeno na macanjamûke, kîeva na kîmako nîikaathira viû.

Isaia 60:20

Riûa rîaku na mweri waku itikaathûa rîngî, nîûndû nie Ngai-Mûnene nînie ngethîrwa nîrî ûtheri waku tene na tene, nayo mîthenya yaku ya kîeva nîkaathira.

Isaia 61:3

Andûmîte ngave arîa maracakaya marî Zayuni, ngovia ya maûa vandû va mûu, maguta ma gîkeno vandû va kîeva, nguo ya ûgooci vandû va îvooru. Makethîrwa mavaana ta mîtî ya mîvuru ya ûthingu, îrîa Ngai-Mûnene avandîte nîguo akumague.

Jeremia 31:12

Nîmagaûka maine na maugîrîrîtie marî kîrîmarî gîa Zayuni, nîmagaakena nîûndû wa maûndû maro ma Ngai-Mûnene, nîmagaakena nîûndû wa irio cia mûgûnda ndivei na maguta ma ndamaiyû, nîûndû wa ndîthia ya ng'ondu na ng'ombe. Makethîrwa mekariî ta mûgûnda wîtîrîrîtue manjî, na matikathîna rîngî.

Jeremia 31:13

Erîtu nîmakeinia makenete, na anake na athuuri nîmagaakena. Nîngaagarûra macakaya mao matuîke gîkeno, nîngamaûmîrîria na ndûme magîe na gîkeno îthenya rîa kîeva.

Hosea 13:14

Nwanginya nîmakûûre kuuma kûrî arîa akuû? Nwa nginya nîmavonokie kuuma kûrî gîkuû? We gîkuû, mûthiro waku ûrî kû? Nawe kwa arîa akuû, gûcûkangua gwaku kûrî kû? Nie ndikaameguîra ntha rîngî.

Mathaayo 24:35

Îgûrû na nthî nîikaathira, nwatî ciugo ciakwa itikaathira.

1Akor 15:26

Gîkuû nîkîo gîkethîrwa kîrî nthû ya mûthiia îrîa îkaavootwa.

1Akor 7:31

Nao andû arîa matûmagîra mavinda mao na gwîka maûndû ma gûkû nthî, magîrîrwe nî gwîkara takwa matatûmagîra mavinda mao monthe na gwîka maûndû ma gûkû nthî, nîûndû nthî îno wana mwîkarîre wayo wa rîu îthiîte kûthira.

2Akor 5:17

Mûndû wa wonthe wînyitithanîtie na Kristû, ke nî kîûmbe gîcerû. Maûndû marîa makûrû nî mathiru, namo maûndû marîa macerû nîmaûku.

2Akor 6:17

Kwoguo Mwathani augîte atîrî, “Umani kûrî o na mûtigane nao, mûtikanyite kîndû gîtarî kîtheru, na nie nîngaamwîtîkîra.

Ahib 12:27

Ciugo icio “Wa rîngî” nîironania waro atî indo irîa ciaûmbirwe nî ikaainainua na ithengutue nîguo indo irîa itanginainua itigare.

2Pet 3:10

Nwatî Mûthenya wa Mwathani ûgaakinya ta ûrîa mwîi aûkaga. Mûthenya ûcio îgûrû nîrîkaathira na mûrurumo mûnene. Ciûmbe cionthe irîa irî îgûrû nîikaavîvua na mwaki ithire. Nayo nthî na indo cionthe irîa irî kuo nîikaavîvua viû.

1Joh 2:17

Nthî na indo cionthe irîa irî kuo, irîa ciîriragîrua nî andû nîirathira. Nwatî mûndû ûrîa wîkaga wendi wa Ngai atûûraga tene na tene.

Kûguû 20:13

Îria nîrîanenganîre arîa maakuîrîrîte kuo. Gîkuû na îcua nacio nîcianenganîre akuû arîa ciarî nao. Na onthe nîmaatuîrîrwe ciira kûringana na ûrîa meekîte.

Kûguû 20:14

Nakîo gîkuû na îcua nîciaikirue îriarî rîa mwaki. (Îria rîîrî rîa mwaki nî gîkuû gîa kaîrî.)

Kûguû 21:1

Nînacokire ngîona îgûrû rîcerû na nthî njerû. Îgûrû rîa mbere na nthî ya mbere nîciathengutire na îria rîkîthira.

Kûguû 22:3

Kîndû kîonthe kîrume nî Ngai gîtikeethîrwa îtûûrarî rîu. Gîtî Kîam Ngai Kîam ûthamaki na Kîam Gatûrûme nîgîkethîrwa îtûûrarî rîu, na ndungata ciake nîikaamûgooca.

Kûguû 7:17

nîûndû Gatûrûme, karîa karî vau gatagatî ka gîtî Kîam ûthamaki nîgagaatuîka mûrîthi wao. Nake nîakaamatongoria amavire ithimarî cia manjî marîa mavecanaga mwoyo. Nake Ngai nîakagiria methori monthe kuuma methorî mao.”