Kûguû 20:14 - ÎVUKU RÎA ÛVORO MWARO

¹⁴ Nakîo gîkuû na îcua nîciaikirue îriarî rîa mwaki. (Îria rîîrî rîa mwaki nî gîkuû gîa kaîrî.)

Kûguû 20:14 ပူးပေါင်းရင်းမြစ်များ

Hosea 13:14

Nwanginya nîmakûûre kuuma kûrî arîa akuû? Nwa nginya nîmavonokie kuuma kûrî gîkuû? We gîkuû, mûthiro waku ûrî kû? Nawe kwa arîa akuû, gûcûkangua gwaku kûrî kû? Nie ndikaameguîra ntha rîngî.

1Akor 15:26

Gîkuû nîkîo gîkethîrwa kîrî nthû ya mûthiia îrîa îkaavootwa.

1Akor 15:53

Kîrîa kîoraga nwa nginya gîkaagarûrûka gîtuîke kîrîa gîtoraga. Kîrîa gîkucaga nwa nginya gîkaagarûrûka gîtuîke kîrîa gîtangîkua.

Kûguû 1:18

Nie nînie ûrîa ûrî mwoyo! Nie nînaakuîte, nwatî rîu nîrî mwoyo tene na tene. Nie nîrî na ûvoti îgûrû rîa gîkuû na vûrûri wa arîa akuû.

Kûguû 14:10

wa nake nîakaanyua ndivei ya mang'ûrîka ma Ngai, îkîrîtwe gîkomberî Kîam marakara make îtarî ndwekie! Andû onthe arîa mageeka ûguo nîmakaaverithua na mwaki na ûviriti marî mbere ya araika arîa atheru na mbere ya Gatûrûme.

Kûguû 19:20

Nayo nyamû nîyanyitirwe wa vamwe na mûrathi wa maveeni ûrîa waringaga ciama îrî vo. (Na njîra ya ciama icio, mûrathi ûcio wa maveeni nîwavîtithirie arîa maarî na rûûri rwa nyamû na maagoocete mûvuanano wayo.) Nyamû îo na mûrathi ûcio wa maveeni nîmaaikirue marî mwoyo îriarî rîa mwaki ûrîa wakanaga na ûviriti.

Kûguû 2:11

Mûndû wa wonthe ûrî na matû ma kwîgua, nîathikîrîrie ûrîa Roho arera makanitha! “Arîa makaavootana matigekwa ûndû mûcûku nî gîkuû gîa kaîrî.

Kûguû 20:10

Nake Ngoma ûrîa wamavîtithîtie, nîwaikirue îriarî rîa mwaki na ûviriti, kûrîa nyamû na mûrathi wa maveeni maaikîtue. Nao nîmagatûûra maverithagua ûtukû na mûthenya tene na tene.

Kûguû 20:13

Îria nîrîanenganîre arîa maakuîrîrîte kuo. Gîkuû na îcua nacio nîcianenganîre akuû arîa ciarî nao. Na onthe nîmaatuîrîrwe ciira kûringana na ûrîa meekîte.

Kûguû 20:15

Na mûndû wa wonthe ûrîa rîîtwa rîake rîtaarî rîandîke îvukuurî rîa mwoyo nîwaikirue îriarî rîa mwaki.

Kûguû 20:6

Gûkena na kûrathimwa nî arîa makethîrwa marî vamwe na arîa Ngai akariûkia vîndî ya kûriûka kwa mbere. Acio matigaakua gîkuû gîa kaîrî, nîûndû makethîrwa marî athînjîri-Ngai a Ngai na Mesaya, na matuîke aathani vamwe nake mîaka ngiri îmwe.

Kûguû 21:4

Ke nîakaamagiria methori monthe kuuma methorî mao. Gûtikethîrwa gîkuû, kîeva, kîrîro, kana ûrûrû rîngî. Maûndû marîa ma tene makethîrwa marî mathiru.”

Kûguû 21:8

Nwatî andû arîa iguoya, arîa matarî evokeku, arîa matarî atheru, mîtoi, arîa matharagia, arogi, arîa magoocaga mîvuanano, na arîa mavenanagia, nîmagaaikua îcuarî rîa mwaki ûrîa wakanaga na ûviriti, na nîkîo gîkuû gîa kaîrî.”

Kûguû 6:8

Nînaroririe na ngîona mbarathi ya rangi îno nthererûku. Nake ûrîa wathiîte amîkarîrîte eetagwa Gîkuû na Vûrûri wa arîa akuû nîwamûrûmîrîrîte. Nao nîmaaveerwe ûvoti wa kwatha kîmwe gîa icunjî inya cia nthî nîguo maûrage andû na njîra ya mbaara, yûra, mîrimû, na nyamû cia kîthaka.