Kûguû 20:12 - ÎVUKU RÎA ÛVORO MWARO

¹² Na nînoonire andû arîa maakuîte, anene na anini, marûngamîte mbere ya gîtî Kîam ûthamaki. Namo mavuku nîmaavingûrirwe. Na îvuku rîngî narîo nîrîavingûrirwe na nî îvuku rîa mwoyo. Andû arîa maakuîte nîmaatuîrîrwe kûringana na ûrîa mekîîte, wata ûrîa kwandîkîtwe mavukurî mau.

Kûguû 20:12 ပူးပေါင်းရင်းမြစ်များ

Thaburi 28:4

Maverithie kûringana na maûndû marîa mekîte, kûringana na maûndû macûku marîa meekire. Maverithie kûringana na maûndû mao o ene, meke ûrîa magîrîrwe nî gwîkwa!

Thaburi 62:12

na atî wendo wake ndûthiraga, na arîvaga mûndû kûringana na ciîko ciake.

Thaburi 69:28

Marîîtwa mao marorutwa îvukuurî rîa arîa marî mwoyo, matigataranîrue na andû arîa athingu.

Nthi 24:12

Ethîrwa nwa uge atîrî, “Nie ndiîcî ûvoro ûyû,” Ngai-Mûnene ûrîa ûmenyaga ngoro cia andû nîonaga, nîakaarîva mûndû kûringana na wîra wake.

Nthi 24:29

Ndûkauge atîrî, “Ngaamwîka wa ûguo aambîkire! Thirî ya kauga îrîvagwa na kauga!”

Mûvunjia 12:14

Ngai nîagaatuîra wa mûndû kûringana na maûndû monthe marîa ekaga, wana maûndû monthe marîa mekagîrwa ndumarî, marî maro kana marî macûku.

Jeremia 17:10

Nie Ngai-Mûnene nî nie nduîragia meciria ma andû, na ngathima ngoro ciao. Kwoguo mvecaga mûndû kîrîa kîringanîte na mûtûûrîre wake, na kûringana na ciîko ciake.”

Jeremia 32:19

We nîûvangaga maûndû na ûûgî na ûgeka maûndû ma vinya. Nîwonaga mîthiîre ya andû onthe na ûvecaga mûndû kûringana na wîra wake.

Danieli 7:10

Mwaki waumaga gîtîrî kîu ta rûnjî. Andû ngiri makûmi meengî nîmaarûngamire mbere yake, îgooti nîrîambîrîrie, na mavuku makîguûrua.

Mathaayo 11:22

Nîramwîra na ma, atî mûthenya wa îtuîro Ngai nîakeeguîra andû a Turo na Sidoni ntha nyîngî kûmûkîra.

Mathaayo 16:27

Nîramwîra maûndû mama monthe nîûndû Mûrû wa Mûndû arî vakuvî gûka arî na riiri wa îthe na araika ake. Na nîagaacoka arîve mûndû wa wonthe kûringana na ciîko ciake.

Luka 10:20

Mûtigakene nîûndû wa atî ngoma nîiramwathîkîra, nwatî mûkene nîûndû marîîtwa menyu nîmandîke îgûrû.”

Ciîko 24:15

Nie nîrî na mwîrîgîrîro kûrî Ngai wata ûrîa andû aya o ene marî naguo, atî andû onthe arîa aro na acûku, nîmakaariûka.

Aroma 2:6

Nîûndû Ngai nîakaarîva wa mûndû kûringana na ciîko ciake.

1Akor 4:5

Kwoguo mue mûtiagîrîrwe nî gûtuîra mûndû wana ûmwe kavinda karîa kagîrîru ga gûka kwa Mwathani gatarî gakinyu. Mwathani nîakaarete ûtherirî maûndû monthe marîa mathithîtwe ndumarî na aguûrie maûndû marîa mathithîtwe ngororî. Kwoguo wa mûndû nîakaamûkîra îgai rîrîa rîmwagîrîrîte kuuma kûrî Ngai.

2Akor 5:10

Nîûndû tuonthe nwanginya tûkaarûgama mbere ya Kristû tûtuîrwe nîke. Wa mûndû nîakaagwata kîrîa kîmwagîrîrîte, kîrî Kîamro kana kîrî gîcûku kûringana na wîra ûrîa mûndû arutîte arî na mwîrî.

Afil 4:3

Wa nawe mûrata wakwa mwîvokeku, nîngwenda ûtethagîrîrie aka aya. Nîndutithanîtie wîra wa kûvunjia ûvoro mwaro nao, wa vamwe na Kîlementi marî na andû onthe arîa twarutithanagia wîra nao arîa marîîtwa mao mandîkîtwe îvukuurî rîa mwoyo.

Kûguû 11:18

Andû a ndûrîrî nîmaang'ûrîkire nîûndû îvinda nîrîkinyu rîa kwonania marakara maku, na îvinda rîa gûtuîra arîa akuû. Îvinda nîrîkinyu rîa kûva ndungata ciaku iveo na nîo arathi, andû arîa atheru, arîa onthe magwîtigagîra anene wa na arîa anini. Îvinda nîrîkinyu rîa kûûraga arîa macûkangagia nthî!”

Kûguû 13:8

Andû onthe arîa matûûraga nthî nîmakaagooca nyamû îo. Nwatî andû arîa marîîtwa mao maandîkirwe îvukuurî rîa mwoyo mbere ya nthî yûmbwa matikaamîgooca. Îvuku rîu nî rîa Gatûrûme karîa kaaûragirwe.

Kûguû 17:8

Nyamû îo vîndî îmwe yarî mwoyo, nwatî rîu ndîrî mwoyo. Nyamû îo nî îkunûkia yume îrimarî rîrîa rîtarî mûthiia îthiî îgacûkangue. Nîkûrî andû marî mwoyo na marîîtwa mao mataanandîkwa kuuma rîrîa nthî yambîrîrie kûmbwa. Andû acio onthe nîmakaamaka rîrîa makoona nyamû îo, nîûndû vîndî îmwe yarî mwoyo, na rîu ndîrî mwoyo, nwatî nîgaacoka yûke rîngî.

Kûguû 19:5

Vuva wa ûguo nînegwire mûgambo kuuma gîtîrî Kîam ûnene ûkiuga atîrî, “Ngai wetû arokumua nî mue arîa onthe mûmûtungataga na mûmûtîîaga, mue muonthe anene na anini!”

Kûguû 2:23

Wana nîngaaûraga arûmîrîri ake. Namo makanitha monthe nîmakaamenya atî nie nînie nduîragia meciria ma andû na ngamenya merirîria mao. Nie nîngaaverithia wa ûmwe wa cienyu kûringana na mevia marîa ekîte.

Kûguû 20:11

Nînacokire ngîona gîtî kînene Kîam ûthamaki Kîam rangi njerû, na ûrîa ûgîkaragîra. Îgûrû na nthî nîciathengutire mbere yake, itianacoka kwoneka rîngî.

Kûguû 20:13

Îria nîrîanenganîre arîa maakuîrîrîte kuo. Gîkuû na îcua nacio nîcianenganîre akuû arîa ciarî nao. Na onthe nîmaatuîrîrwe ciira kûringana na ûrîa meekîte.

Kûguû 20:15

Na mûndû wa wonthe ûrîa rîîtwa rîake rîtaarî rîandîke îvukuurî rîa mwoyo nîwaikirue îriarî rîa mwaki.

Kûguû 21:27

Nwatî gûtirî kîndû kîrî mûgiro gîgaatonya îtûûrarî rîu înene. Mûndû wa wonthe wîkaga maûndû macûku na marî nthoni, kana andû arîa maveenanagia matigaatonya kuo. Arîa magaatonya nî arîa marîîtwa mao mandîkîtwe îvukuurî rîa Gatûrûme rîa mwoyo.

Kûguû 22:12

Nake Jesû arauga atîrî, “Tathikîrîriani, nîmbûka warîu! Nie nîmbûka na iveo ciakwa nîguo mve wa mûndû kûringana na ûrîa ekîte.

Kûguû 3:5

Arîa makaavootana nîmageekîra nguo cia rangi njerû wata andû acio. Na nie ndikaavuta marîîtwa mao îvukuurî rîrîa Ngai andîkîte marîîtwa ma andû arîa makaavewa mwoyo wa tene na tene. Nie nîngaarûngama mbere ya vava na araika ake mbuge atî nî akwa.