Kûguû 2:26 - ÎVUKU RÎA ÛVORO MWARO

²⁶ Arîa makûvootana, arîa makûthiî na mbere gwîka wendi wakwa nginya mûthiia nîngaamava wathani wa kwatha ndûrîrî.

Kûguû 2:26 ပူးပေါင်းရင်းမြစ်များ

Thaburi 2:8

Mbîtia mavûrûri monthe ma nthî na nî ngûkûva, nthî yonthe nîîtuîka yaku.

Thaburi 2:9

Nîûgaacûkangia mavûrûri marîa mengî mathire viû, ûkaamaûraga mavaragane ta nyûngû ya yûmba.’ ”

Thaburi 49:14

Mekaraga na magakua ta ng'ondu, gîkuû gîgaatuîka mûrîthi wao. Manyûrûrûkaga mbîrîrarî, kûu nîkuo mîîrî yao îkoorera, kwa arîa akuû gûgaatuîka mîciî yao.

Danieli 7:18

Nwatî andû a Ngai Ûrîa Ûrî Îgûrû mûno nîmakaavewa ûthamaki, na ûtûûre ûrî wao tene na tene.’

Danieli 7:22

Nake ûrîa ûtûûrîte tene na tene, nîwatuîrîre andû a Ûrîa Ûrî Îgûrû Mûno, na kavinda nîgaakinyire rîrîa andû a Ngai maamûkîre Ûthamaki.

Danieli 7:27

Naguo ûthamaki na wathani, na ûnene wa mothamaki monthe ma nthî ûkavewa andû a Ngai Ûrîa mûnene, na ûthamaki wao ndûkaathira, na athamaki onthe a nthî nîmakaamathîkîra na mamatungatagîre.’

Mathaayo 10:22

Andû onthe nîmakaamûmena nîûndû wakwa. Nwatî mûndû wa wonthe ûkaaûmîrîria nginya mûthiia, nîakaavonokua.

Mathaayo 19:28

Nake Jesû nîwamerire atîrî, “Nîramwîra nama atî vîndî îrîa Mûrû wa Mûndû ageekarîra gîtî gîake Kîam ûnene kîrîa kîrî riiri kûu nthî îo njerû, mue arîa mûnûmagîrîra nîmûgeekarîra itî cia ûnene na nîmûkaatha mîvîrîga îrîa îkûmi na îîrî ya Isiraeli.

Mathaayo 24:13

Nwatî mûndû wa wonthe ûkaaûmîrîria nginya mûthiia nîakaavonokua.

Johana 6:29

Nake Jesû nîwamacokerie atîrî, “Ûndû ûrîa Ngai endaga mwîke nî gwîtîkia mûndû ûrîa ke aatûmire.”

Aroma 2:7

Andû amwe nîmakîragîrîria gwîka waro, gûcaria riiri, gîtîîo na gûtûûra mwoyo. Nao nîmakaavewa mwoyo wa tene na tene.

Aroma 8:37

Nwatî maûndûrî mama monthe, tue nîtûvootanîte na njîra ya ûcio watwendire.

1Ath 3:5

Nîûndû wa ûguo rîrîa naaremirwe nî kûmîrîria makîria nînaatûmire Timotheo nîguo amenye ûvoro wîgiî wîtîkio wenyu. Nînetigagîra Ngoma ndakethîrwe nîwamûgeririe na wîra wetû wonthe wîthîrwe warî wa mana.

Ahib 3:6

Nwatî Kristû nîmwîvokeku ta Mûriû ûrîa wathanaga nyombarî ya Ngai. Tue tûrî nyomba ya Ngai ethîrwa nîtûkûthiî na mbere kûmîrîria tûrî na mwîvoko wa kîrîa twîrîgîrîrîte.

Jakuvu 2:20

We kîrimû! Nîûrenda kwonua atî wîtîkio ûtarî na ciîko nî ûyû mûthatu?

1Joh 2:19

Andû aya nama matiarî a gîkundi gîetû, kwoguo nîmaatûtigire. Maangîethîrwe marî a gîkundi gîetû nîmangîekaranirie natue. Nwatî nîmaatûtigire nîguo kûonekane waro atî matiarî etû.

1Joh 3:23

Narîo rîathani rîake nî atî; nwa nginya twîtîkie Mûriû wake Jesû Kristû na twendanage mûndû na ûrîa wîngî ta ûrîa Kristû aatwathire.

1Joh 5:5

Nû ûngîvoota nthî? Nwa ûrîa tu wîtîkîtie atî Jesû nî mwana wa Ngai.

Kûguû 2:11

Mûndû wa wonthe ûrî na matû ma kwîgua, nîathikîrîrie ûrîa Roho arera makanitha! “Arîa makaavootana matigekwa ûndû mûcûku nî gîkuû gîa kaîrî.

Kûguû 2:17

“Mûndû wa wonthe ûrî na matû ma kwîgua, nîathikîrîrie ûrîa Roho areera makanitha! “Arîa makaavootana nie nîngaamava mamwe ma maana marîa mathithe. Nie nîngaava wa ûmwe wa ciao îthiga rîa rangi njerû rîandîkîtwe rîîtwa rîcerû. Rîîtwa rîu rîtikethîrwa rîcîkene nî mûndû wîngî tiga ûrîa ûkaarîamûkîra.

Kûguû 2:7

“Mûndû wa wonthe ûrî na matû ma kwîgua, nîathikîrîrie ûrîa Roho arera makanitha! “Arîa makaavootana nîngaametîkîria marîe matunda ma mûtî wa mwoyo ûrîa ûrî mûgûndarî wa Ngai.

Kûguû 20:4

Ngîcoka ngîona itî cia ûthamaki kûu îgûrû. Nao arîa maaciîkarîrîte nîmaaveetwe ûvoti wa gûtucanîra. Wana nînoonire mîoyo ya andû arîa maaûragirwe nîûndû nîmaanîrîre ûvoro wa Ngai na ûma ûrîa waguûrirue nî Jesû. Acio matianagooca nyamû kana mûvuanano wayo, na matianekîrwa rûûri rwa nyamû ûthiû kana njararî ciao. Andû acio nîmaagîre na mwoyo rîngî na makîathana marî athamaki vamwe na Kristû kavinda ka mîaka ngiri îmwe.

Kûguû 21:7

Mûndû wa wonthe ûkavootana nîakaamûkîra maûndû mama kuuma kûrî nie. Nie nîngaatuîka Ngai wake, nake atuîke mwana wakwa.

Kûguû 22:5

Gûtigacoka kûgîa na ûtukû, na matikethîrwa makîvatara taa kana ûtheri wa riûa, nîûndû Mwathani Ngai nîke ûkethagîrwa arî ûtheri wao. Na nîmakaathana marî athamaki tene na tene.

Kûguû 3:12

Arîa makavootana, nîngaamatua itugî cia hekarû ya Ngai wakwa na matikaauma kuo. Nîngaamandîka rîîtwa rîa Ngai wakwa na nîmandîke rîîtwa rîa îtûûra rîa Ngai wakwa. Îtûûra rîu nîrîo Jerusalemu njerû, îrîa îkanyûrûrûka. Îkanyûrûrûka kuuma îgûrû kûrî Ngai wakwa wana nîngaamandîka rîîtwa rîakwa rîcerû.

Kûguû 3:21

Arîa makaavootana, nîngaamava rûtha rwa gwîkara mwenarî wakwa gîtîrî gîakwa Kîam ûthamaki wata ûrîa wananie naavootanire na rîu mbîkarîte mwenarî wa Vava gîtîrî gîake Kîam ûthamaki.

Kûguû 3:5

Arîa makaavootana nîmageekîra nguo cia rangi njerû wata andû acio. Na nie ndikaavuta marîîtwa mao îvukuurî rîrîa Ngai andîkîte marîîtwa ma andû arîa makaavewa mwoyo wa tene na tene. Nie nîngaarûngama mbere ya vava na araika ake mbuge atî nî akwa.