Kûguû 2:2 - ÎVUKU RÎA ÛVORO MWARO

² Nie nîmbicî ciîko cienyu, nîmenyete ûrîa mûrutîte wîra na vinya na mûkaûmîrîria mûkirîrîtie. Nie nîmbicî atî mue nîmûreganaga na andû arîa acûku. Mue nîmûtuîrîtie arîa maugaga atî o nî atûmwa na tî o, na nîmwonete ûguo maugaga nî kûveenania maveenanagia.

Kûguû 2:2 ပူးပေါင်းရင်းမြစ်များ

Thaburi 1:6

Nîûndû andû arîa athingu matongoragua nî Ngai-Mûnene, nwatî njîra ya andû arîa aganu îmaviraga gîkuûrî.

Mathaayo 7:23

Nanie nîngaamera atîrî, ‘Nie ndiamwîcî. Nthengutîrani mue mwîkaga maûndû macûku!’

Johana 6:6

(Jesû aaûririe ûguo nîguo agerie Filipu, nwatî ke mwene nîwaicî ûrîa eendaga gwîka.)

Agal 1:7

Nî ma atî gûtirî “Ûvoro Mwaro wîngî.” Nîrauga ûguo nîûndû kûrî andû maramûthînia na makageria kûgarûra ûvoro mwaro wa Kristû.

Aefeso 4:14

Tûtigaacoka gûtuîka ta ciana irîa cikanagua na mbere na igaikanua na vuva na ikaveenererua nî arimû a maveeni a mîthemba yonthe. Acio nîo mavîtithagia andû arîa engî nîûndû wa mawara marîa matungîte.

1Ath 1:3

Tûrî mbere ya Ngai Îthe wetû, nîtûririkanaga tûtagûtigithîrîria maûndû marîa mwîkîte nîûndû wa gwîtîkia na wîra ûrîa mûrutîte nîûndû wa wendani wenyu. Natue nîtûririkanaga ûrîa mûtaanatigithîria kwîrîgîrîra Mwathani wetû Jesû Kristû.

1Ath 5:21

Tuîragiani maûndû monthe; menyagîrîrani maûndû marîa maro,

2Tim 2:19

Nwatî mûcingi ûrîa Ngai atumîte ndûngîenyenyeka; na îgûrû rîaguo kwandîkîtwe atîrî, “Mwathani nîwîcî andû ake na mûndû wa wonthe umbûraga Mwathani nwanginya atige gwîka maûndû ma waganu.”

Ahib 6:10

Ngai nî wa kîvooto. Nama akaaririkanaga wîra ûrîa mwarutire, na wendo ûrîa mwonanirie nîûndû wa rîîtwa rîake. Mue nîmwatungatîre akristiano arîa engî na nwa mûrathiî na mbere kûmatungatîra.

1Joh 4:1

Arata akwa, mûtigetîkagie andû onthe arîa maugaga atî marî na Roho. Nwatî ambagani mûkamaroria waro nîguo mûmenye kana roho ûrîa marî naguo umîte kûrî Ngai nîûndû kûrî na arathi eengî a maveeni meyumîrîtie gûkû nthî.

Kûguû 2:5

Taririkanani kûrîa mwarî mbere ya mûgwe! Îrireni na mwîke ciîko irîa mwekaga mbere. Na mwarega kwîrira nie nîngûka kûrî mue na ndute kîndû gîa kwigîrîrwa taa varîa kîthagîrwa kîrî.

Kûguû 2:6

Nwatî ûndû ûrîa mwîkaga mwaro nî atî nîmûmenete ciîko cia Anikolai, wata ûrîa wana nie nîimenete.

Kûguû 2:9

Nie nîmbîcî mathîna maku na nîmbicî maûndû macûku marîa andû amwe maragia mamwîgiî. O maugaga nî Ayahudi nwatî tî Ayahudi a ma. O nî gîkundi Kîam andû a Caitani!

Kûguû 3:1

“Andîka kûrî mûraika wa kanitha ûrîa ûrî Saridi atîrî: “Îno nîyo ndûmîrîri kuuma kûrî ûrîa wathaga maroho mûgwanja ma Ngai na ûrîa ûnyitîte njata mûgwanja. Nie nîmbîcî ciîko cienyu. Nîmbîcî mwonekaga takwa mûrî mwoyo, nwatî mûrî akuû.

Kûguû 3:15

Nie nîmbicî ciîko cienyu atî mûtirî aviû kana avoru. Wana nî kava mûviûve kana mûvore.

Kûguû 3:8

Nie nîmbîcî ciîko cienyu. Ta roriani, mbere yaku nîmbigîte mûrango ûrî mûvingûre na gûtirî mûndû ûngîvota kûûvinga. Nie nîmbîcî atî we ûrî na ûvoti mûnini, nwatî we nîûrûmîrîrîte kîthomo gîakwa na ûkethîrwa ûrî mwîvokeku kûrî nie.