Kûguû 2:17 - ÎVUKU RÎA ÛVORO MWARO

¹⁷ “Mûndû wa wonthe ûrî na matû ma kwîgua, nîathikîrîrie ûrîa Roho areera makanitha! “Arîa makaavootana nie nîngaamava mamwe ma maana marîa mathithe. Nie nîngaava wa ûmwe wa ciao îthiga rîa rangi njerû rîandîkîtwe rîîtwa rîcerû. Rîîtwa rîu rîtikethîrwa rîcîkene nî mûndû wîngî tiga ûrîa ûkaarîamûkîra.

Kûguû 2:17 ပူးပေါင်းရင်းမြစ်များ

Thaburi 25:14

Ngai-Mûnene nî mûrata wa arîa mamwathîkagîra, na nîamaririkanagia kîrîkanîro.

Thaburi 36:8

Marîcaga irio nyîngî irîa ûmavecaga; na nîûmavecaga gîa kûnyua kuuma rûnjîrî rwa wega waku.

Ntha 16:33

Kwoguo Musa nîwerire Aroni atîrî, “Oca nyûngû wîkîre maana kuo na ûmige varîa Ngai-Mûnene agoocagîrwa nîguo njiarwa cietû ikoonaga.”

Nthi 14:10

Mûndû nîke ûmenyaga thîna wake ke mwene. Gûtirî mûndû ûngîmenya ûrîa mûndû wîngî akwîgua.

Nthi 3:32

Nîûndû Ngai-Mûnene nîathûrîte mûndû ûrîa mwaganu, nwatî nîatucaga mûndû ûrîa mwîvokeku mûrata wake.

Isaia 56:4

Nîûndû nie Ngai-Mûnene nîrauga atîrî, “Andû arîa ngaramba na mamenyagîrîra thavatû ciakwa, arîa mekaga maûndû marîa mangenagia na marûmagia kîrîkanîro gîakwa marî na wîvokeku,

Isaia 56:5

nîngaamava vandû nyombarî yakwa na rîîtwa rîrî na gîtîîo kînene gûkîra kîrîa angîaveerwe nîûndû wa kûgîa ciana cia erîtu na anake. Nîngaamava rîîtwa rîrîa magaatûûra metagwa tene na tene, rîrîa rîtakaariganîra.”

Isaia 62:2

Ndûrîrî nîikoona ûthingu waku, nao athamaki onthe moone riiri waku. Nawe nîûgetwa rîîtwa rîngî rîcerû, rîîtwa rîrîa Ngai-Mûnene ke mwene agaakûva.

Isaia 65:13

Kwoguo, nie Mwathani Ngai-Mûnene nauga atî: Ndungata ciakwa ikethagîrwa na gîa kûrîa, nwatî mue mûkethagîrwa mûrî na yûra; ndungata ciakwa ikethagîrwa irî na gîa kûnyua, nwatî mue mûkethagîrwa mûrî na nyonda; ndungata ciakwa igeekaraga irî na gîkeno, nwatî mue mûgeekaraga mûrî na gîconoko.

Isaia 65:15

Andû akwa arîa nthuurîte magaatûmagîra rîîtwa rîenyu rîrîa makwenda mûnyitwe nî kîrumi. Makaaugaga atî: ‘Nie Mwathani Ngai-Mûnene nîngûmûraga.’ Nwatî nîngaava ndungata ciakwa rîîtwa rîcerû.

Mathaayo 13:11

Nake Jesû nîwamacokerie atîrî, “Mue nîmûvetwe ûmenyo wa nthitho cia ûthamaki wa îgûrû nwatî acio engî tî ave.

Maariko 7:16

Ûrîa wî na matû ma kwîgua, nî egue].”

Johana 4:32

Nwatî Jesû nîwerire arutwa ake atîrî, “Nie nîrî na irio cia kûrîa irîa mue mûtaicî.”

1Akor 2:14

Mûndû wa wonthe ûtarî na Roho ndangîvota kwamûkîra iveo irîa ciumaga kûrî Roho wa Ngai. Andû ta acio meciragia ûcio nî ûrimû nîûndû vata waguo ûngîtuîrua tu na njîra ya Kîîroho.

Akol 3:3

Nîûndû nîmwakwire na rîu mwoyo wenyu ûthithîtwe vamwe na Kristû kûrî Ngai.

Kûguû 14:3

Andû acio ngiri îgana na mîrongo îna na inya (144,000) nîmaarûngamîte mbere ya gîtî Kîam ûnene, mbere ya ciûmbe irîa irî mwoyo inya, na mbere ya athuuri. Nao nîmaainaga rwîmbo rûcerû rûrîa tu nwa o mangîarûmenyire. Acio nî arîa maarî akûûre.

Kûguû 19:16

Nguorî yake, Kîamûrî gîake nîvaandîkîtwe rîîtwa atîrî: “Mûthamaki wa athamaki, Mwathani wa aathani.”

Kûguû 2:11

Mûndû wa wonthe ûrî na matû ma kwîgua, nîathikîrîrie ûrîa Roho arera makanitha! “Arîa makaavootana matigekwa ûndû mûcûku nî gîkuû gîa kaîrî.

Kûguû 2:7

“Mûndû wa wonthe ûrî na matû ma kwîgua, nîathikîrîrie ûrîa Roho arera makanitha! “Arîa makaavootana nîngaametîkîria marîe matunda ma mûtî wa mwoyo ûrîa ûrî mûgûndarî wa Ngai.

Kûguû 3:22

“Mûndû wa wonthe ûrî na matû ma kwîgua nîathikîrîrie ûrîa Roho areera Makanitha!”

Kûguû 3:6

“Mûndû wa wonthe ûrî na matû ma kwîgua nîathikîrîrie ûrîa Roho areera makanitha!