Kûguû 2:14 - ÎVUKU RÎA ÛVORO MWARO

¹⁴ Nwatî nîrî na maûndû manini ngûmûcukîra: atî kûrî andû amwe gatagatîrî kenyu marûmagîrîra maûndû marîa Balaamu aathomithanagia. Balaamu ûcio nîke wathomithirie Balaki ûrîa agûtûma andû a Isiraeli mevie na njîra ya kûrîa irio irîa ciarutîrîtwe mîvuanano na mevia na ciîko cia ûmaraa.

Kûguû 2:14 ပူးပေါင်းရင်းမြစ်များ

Isaia 57:14

Ngai-Mûnene arauga atîrî, “Tûgûtani, tûgûtani, thondekani njîra, thengutiani ithukî cionthe njîrarî ya andû akwa!

Jeremia 6:21

Kwoguo nie Ngai-Mûnene nîrauga atîrî, “Taroria nîngwigîra andû aya maûndû ma kûmavînga, methe vamwe na anake ao, andû arîa mariganîtie nao na arata nîmakaathira.”

Ezek 3:20

“Mûndû mûthingu angîtiga ûthingu wake na agîcoka gwîka maûndû macûku, nîngekîra maûndû ma kûmûvînga mbere yake na mûndû ûcio nîagaakua. Nîûndû ndwanamûkania, nîagaakua nîûndû wa waganu wake. Ndikaaririkana ciîko ciake cia ûthingu na nîngaakûrîvia nthakame yake.

Ezek 44:12

Nie Mwathani Ngai-Mûnene nînîvîtîte nîûndû wao ngiuga nîngaamaverithia nîûndû mevia mao nîmaavîtithirie andû a Isiraeli magîtûma magooce mîvuanano.

Ndari 24:14

Balaamu nîwerire Balaki atîrî, “Rîu nie nthiîte kûrî andû etû. Nwatî mbere ya nthiî tiga ngûtaare ûvororî wîgiî ûrîa andû a Isiraeli mageeka andû aku mavinda marîa magaaûka.”

Ndari 31:16

Ririkanani atî aka nîo maathikîrîrie ûtaaro wa Balaamu na magîtûma andû a Isiraeli maregana na Ngai-Mûnene marî Peori. Ûndû ûcio nîguo watûmire andû a Ngai-Mûnene mathirua nî mîrimû mîcûku.

Ndari 31:8

vamwe na athamaki atano a Midiani: Evi, Rekemu, Zuri, Huri na Reba. Nîmaacokire makîûraga Balaamu mûvîcî wa Beori.

Mathaayo 18:7

Na kaî nthî îrî na thîna-î, nîûndû atî kûrî na maûndû matûmaga andû mevie. Maûndû ta mau magatuîkîkaga vingo cionthe, nwatî mûndû ûrîa ûtûmaga maûndû mau mekîke arî na thîna.

Ciîko 15:29

Mue mûtiagîrîrwe nî kûrîa irio wa cionthe irîa itegeretwe mîvuanano; mûtiagîrîrwe nî kûrîa nthakame; wana kana nyama cia nyamû irîa ciîthagîrwa ithioretwe ngingo ikaûragwa itagwîtûrûra nthakame; mûtiagîrîrwe nî kûvûûra ûmaraa. Mue mûgeeka waro ethîrwa mûkathengutagîra maûndû mama. Tigwani na waro.”

Ciîko 21:25

Nwatî tue nîtûrîkîtie kwandîka maarûa kûrî andû a ndûrîrî arîa matuîkîte etîkia. Nîtûmerîte atî nîtûtuîte na ma atî nwa nginya matige kûrîa irio irîa irutîrîtwe mîvuanano, kûrîa nthakame, kûrîa nyama cia nyamû irîa ciîthagîrwa citîtwe itagwîtûrûra nthakame, na atî o matiagîrîrwe nî gwîka ciîko cia ûmaraa.”

Aroma 11:9

Nake Daudi nîwaugire atîrî: “Irugo ciao irotuîka mîtego ya kûmagwatithia, o nîmagwe na maverithue!

Aroma 14:13

Kwoguo nîtûtige gûtucanîra. Vandû va ûguo twagîrîrwe nî gûtua atî tûtigeke ûndû wana ûmwe ûrîa ûngîtûma mûndû ûrîa wîngî avîngwe kana agwe meviarî.

Aroma 14:21

Nî ûndû mwaro gûtiga kûrîa nyama, kûnyua ndivei kana gwîka ûndû wa wonthe ûngîtûma mûndû ûrîa wîngî avîngwe.

Aroma 9:32

Waturire nîûndû maaûcaragia na njîra ya maûndû marîa meekaga nwatî tî na njîra ya wîtîkio. Kwoguo nî maavîngirwe nî, “Îthiga rîrîa rîvînganaga.”

1Akor 1:23

Nwatî tue tûvunjagia ûvoro wîgiî Kristû ûrîa mwambe. Ayahudi monaga ûvoro ûcio ûrî mûvînga, nao andû a Ndûrîrî makawona ûrî ûrimû.

1Akor 7:2

Nwatî nîûndû ûmaraa nîguo wîngîvîte, mûndûmûrûme wa wonthe nî kava ethîrîtwe arî na mûka wake ke mwene, na mûndûmûka wa wonthe ethîrwe arî na mûthuuri wake ke mwene.

Ahib 13:4

Kûvikania nîkûvecagwe gîtîîo nî andû onthe. Nwanginya mûthuuri na mûka methagîrwe marî evokeku kûrî mûndû na ûrîa wîngî. Ngai nî agaatuîra avûri ûmaraa na arîa mekaga maûndû ma ûtharia.

Josh 24:9

Balaki mûvîcî wa Zipori ûrîa warî mûthamaki wa Moabu nîwarûire namue. Nîwatûmanîre Balaamu mûvîcî wa Beori aûke arume andû a Isiraeli kîrumi.

1Pet 2:8

Mandîko matheru maugîte atî: “Îthiga rîîrî rîtûmaga andû mavîngwe, rûciara rûrîa rûtûmaga magwe.” Mavîngagwa nîûndû matiathîkagîra ciugo cia Ngai. Ûcio nîguo warî wendi wa Ngai kûrî o.

2Pet 2:15

Nîmatiganîrîtie njîra îrîa nûngarû makaûra. Nîmarûmîrîrîte njîra îrîa yarûmîrîrwe nî Balaamu mûvîcî wa Beori, ûrîa wendete mûno mbeca irîa aarîvagwa nîûndû wa gwîka naaî.

Juda 1:11

Na kaî o marî na thîna-î! Marûmagîrîra mîtugo ta îrîa yarî ya Kaini. Nîûndû wa kwenda mbeca, nîmetonyetie mavîtiarî wata marîa Balaamu eekire. Nao nî aremi wata Kora na makaathirua wa take.

Kûguû 2:20

Nwatî nîrî na ûndû nîramûcukîra: Mue nîmwîtîkagîria mûndûmûka ûcio wîtagwa Jezebeli atambie kîthomo Kîam maveeni. Ke etucaga nî mûrathi wa Ngai, nwatî na njîra ya kîthomo kîu gîake, nîavîtithagia ndungata ciakwa igeka ciîko cia ûmaraa na ikarîa irio irîa irutîrîtwe mîvuanano.

Kûguû 2:4

Nwatî nîrî na ûndû nîramûcukîra: mue nîmwatiganîrie wendani ûrîa mwarî naguo mbere.

Kûguû 21:8

Nwatî andû arîa iguoya, arîa matarî evokeku, arîa matarî atheru, mîtoi, arîa matharagia, arogi, arîa magoocaga mîvuanano, na arîa mavenanagia, nîmagaaikua îcuarî rîa mwaki ûrîa wakanaga na ûviriti, na nîkîo gîkuû gîa kaîrî.”

Kûguû 22:15

Nwatî nakûu nja ya îtûûra nîkuo kûrî andû arîa mekaga maûndû macûku na arîa maragûraga, arîa mekaga maûndû ma ûtharia na aûragani. Na nwakuo kûrî avoi mîvuanano na arîa maveenanagia na ciîko na mîario yao.