Kûguû 2:10 - ÎVUKU RÎA ÛVORO MWARO

¹⁰ Mue mûtigetigîre nîûndû wa ûndû wa wonthe ûrîa mûgeerie kûthînua naguo. Tathikîrîriani! Ngoma nî agaatûma amwe enyu maikue njeera nîguo mûgerue. Na îvinda rîa mîthenya îkûmi nîmûkaathînua nîguo mûgerue. Tuîkani evokeku kûrî nie wana ethîrwa nîkwa mûkûûragwa, na nie nîngaamûva mwoyo ûrî ta nthûmbî ya ûvootani.

Kûguû 2:10 ပူးပေါင်းရင်းမြစ်များ

Thaburi 31:23

Endani Ngai-Mûnene, mue andû onthe ake. Ngai-Mûnene nîagitagîra andû arîa evokeku, nwatî nîaverithagia arîa etîi wata ûrîa kwagîrîrîte.

Maca 3:57

Nîwanjokerie na ûkîmbîra ndigetigîre.

Danieli 1:12

“Nakûthaitha ûtûve irio cia manyenyi matheri cia kûrîa, na manjî ma kûnyua kavinda ka mîthenya îkûmi.

Danieli 1:14

Kwoguo mûrangîri nîwetîkîrire mathiî mageeke ûrîa maavoire mageeke na akîmageria mîthenya îkûmi.

Habakuku 2:3

Kîoneki gîkî gîetererete vîndî îrîa mbagîrîru yakîo; nî kîoneki Kîam ma kîonanagia maûndû ma mûthiia. Ethîrwa nîmaronekana magîcererwa, meterere; nama nîmagûkinya na tîmacererwa.

Mathaayo 10:22

Andû onthe nîmakaamûmena nîûndû wakwa. Nwatî mûndû wa wonthe ûkaaûmîrîria nginya mûthiia, nîakaavonokua.

Mathaayo 10:28

Mûtigetigîre andû arîa maûragaga mwîrî, nwatî matingîûraga mwoyo. Vandû va ûguo îtigîreni Ngai ûrîa ûngikia mwîrî wana mwoyo îcuarî na agaicûkangia.

Mathaayo 24:13

Nwatî mûndû wa wonthe ûkaaûmîrîria nginya mûthiia nîakaavonokua.

Maariko 13:13

Nao andû onthe nîmakaamûmena nîûndû wakwa. Nwatî mûndû ûrîa ûkaaûmîrîria nginya mûthiia nîakaavonokua.

Maariko 8:35

Nîûndû mûndû wa wonthe wendaga kûvonokia mwoyo wake nîakaaûrwa nîguo, nwatî mûndû wa wonthe ûragwa nî mwoyo wake nîûndû wakwa, na nîûndû wa ndûmîrîri yakwa, nîakaaûvonokia.

Luka 21:12

Nwatî mbere ya maûndû mama monthe mekîke, mue nîmûkaanyitwa na mûnyarirwe. Nîmûkaanenganîrwa nîguo mûcirithîrue mavoerorî na mwikue njeera na mûcoke mûvirwe mbere ya athamaki na aathani nîûndû wakwa.

Johana 12:25

Mûndû wa wonthe wendete mwoyo wake nîakaaûrwa nîguo, nwatî mûndû wa wonthe ûmenete mwoyo wake arî gûkû nthî nîagaûtûûria tene na tene.

Johana 13:2

Rîrîa Jesû na arutwa ake maarî metharî makîrîa irio cia kîvwaî, Ngoma aarî mwîkîru meciria ma gûcukanîrîra Jesû ngororî ya Judasi mûvîcî wa Simoni Mûsikariota.

Johana 13:27

Na vîndî wa îo Judasi aarîkia gwîcukia kînuku Kîam mûgate, nîwatonyirwe nî Caitani. Nake Jesû nîwerire Judasi atîrî, “Îka narua ûrîa ûrenda gwîka!”

Ciîko 20:24

Nwatî ndionaga mwoyo wakwa ûrî na vata wana vanini. Ûndû ûrîa ûrî na vata nî kûrîkia wîra na gûkinyîra mûthiia wa ûtungati ûrîa Mwathani Jesû aamveere ndute, naguo nî kûvecana Ûvoro Mwaro wîgiî wega wa Ngai.

Ciîko 21:13

Nwatî nîwatûcokerie atîrî, “Mue mûreka atîa? Mûrarîra methori na mûkambûraga ngoro nîkî? Nie nînîvarîrîtie kwovwa njeera wana gûkua nîrî kûu Jerusalemu nîûndû wa rîîtwa rîa Mwathani Jesû.”

1Akor 9:25

Mûvinyûri wa wonthe akîîmenyeria ûrîa akaavinyûra mîthakorî nîwîathaga maûndûrî monthe. Ekaga ûguo nîguo akaavewa nthûmbî îrîa îthiraga, nwatî tue twîkaga ûguo nîguo tûkaavewa nthûmbî îrîa îtathiraga.

Aefeso 2:2

Vîndî îo mwarûmagîrîra maûndû macûku ma nthî îno. Mwathîkagîra mûnene wa maavinya ma kîîroho marîa marî rîerarî. Roho ûcio nîke wathaga andû arîa maregaga kwathîkîra Ngai.

Aefeso 6:12

Nîûndû tûtirarûa na andû nwatî tûrarûa na maavinya macûku ma kîîroho marîa marî îgûrû rîerarî, na tûkarûa na monene na maavinya na athani a nduma a gûkû nthî.

Jakuvu 1:12

Kûrathimwa nî andû arîa maûmagîrîria magerio, nîûndû mavootana mageriorî ta mau nîmakaanyita nthûmbî ya mwoyo îrîa Ngai erîîre andû arîa mamwendete.

1Pet 5:4

Na rîrîa Mûrîthi ûrîa Mûnene agaaûka, nîmûkaavewa nthûmbî îrî na riiri îrîa îtacûkaga.

1Pet 5:8

Îkaragani mwîîguîte na mwîvarîrîtie! Nthû yenyu, na nîke Ngoma, araûrûra akîraramaga ta mûnyambû agîcaragia mûndû wa gûcûkangia.

Kûguû 13:14

Nayo nîyavenirie andû onthe na njîra ya ciama irîa yaringire îrî mbere ya nyamû îrîa ya mbere. Nyamû îo ya kaîrî nîyathanire andû matume mûviano wa nyamû îrîa ya mbere îrî njîra ya kûmîva gîtîîo. Nyamû îo nî yagurarîtue na rûviû, nwatî yarî mwoyo.

Kûguû 13:2

Nyamû îo yonekaga îkariî ta gîtang'a. Nacio ithu ciayo ciekariî ta cia ngatûnyi, na kanyua ka yo gekariî ta ka mûnyambû. Nayo njûnamatu nîyavecanire vinya wayo, gîtî Kîamyo Kîam ûnene, na wathani mûnene wayo kûrî nyamû îo.

Kûguû 13:7

Nîyaverwe rûtha îrûe na andû a Ngai na îmavoote. Na nîyaverwe wathani wa kwatha mbarî cionthe, mavûrûri, nthiomi na iruka cionthe.

Kûguû 17:14

Athamaki acio na nyamû nîmakaarûa na Gatûrûme. Nake Gatûrûme arî vamwe na arîa Ngai etîte, akamathuura na nî arûmîrîri evokeku, nî akaamavoota, nîûndû ke nî Mwathani wa aathani na Mûthamaki wa athamaki.”

Kûguû 2:13

Nie nîmbîcî we ûtûûraga kûrîa Caitani arî na gîtî gîake Kîam ûthamaki. We ûrî mwîvokeku kûrî nie, na ndwatiganîria wîtîkio waku kûrî nie wa na vîndî îrîa Anitipa aaûragirwe. Anitipa aarî mûira wakwa ûrîa waûragirwe arî îtûûrarî rîu rîenyu kûrîa Caitani atûûraga.

Kûguû 2:9

Nie nîmbîcî mathîna maku na nîmbicî maûndû macûku marîa andû amwe maragia mamwîgiî. O maugaga nî Ayahudi nwatî tî Ayahudi a ma. O nî gîkundi Kîam andû a Caitani!