Kûguû 2:1 - ÎVUKU RÎA ÛVORO MWARO

¹ “Andîka kûrî mûraika wa kanitha ûrîa ûrî Efeso atîrî: “Îno nî ndûmîrîri kuuma kûrî ûrîa ûgwete njata irîa mûgwanja njararî yake ya ûrîo, na nîke ûceeraga gatagatî ka indo mûgwanja cia thaavu cia kwigîrîrwa taa.

Kûguû 2:1 ပူးပေါင်းရင်းမြစ်များ

Ezek 46:10

Mûnene agatonyaga rîrîa andû magûtonya na akauma rîrîa makuuma.

Mathaayo 18:20

Nîûndû varîa andû aîrî kana athatû magomanîte nîûndû wa rîîtwa rîakwa, ngeethagîrwa nîrî vamwe nao.”

Mathaayo 28:20

Mathomithagieni kwathîkîra maûndû monthe marîa nîmwathîte. Ngethagîrwa nîrî vamwe na mue vîndî cionthe kinya îthirîro rîa mavinda mama.”

Johana 5:35

Johana aakengaga ta taa yakanîte, namue nîmwendire gûkenerera ûtheri ûcio wake kavinda kanini.

Ciîko 18:19

Na rîrîa maakinyire Efeso, Paûlo nîwatigire Pirisila na Akuila na akîthiî agîtonya îvoerorî na akîaranîria na Ayahudi.

Ciîko 18:21

Vandû va ûguo, akîmatiga nîwamerire atîrî, “Ngai enda, nie nîngaacoka rîngî kûrî mue.” Nake nîwatwîre meri akiuma kûu Efeso.

Ciîko 19:1

Na vîndî îrîa Apolo aarî Korinitho, Paûlo nîwavîtûkîrîre mwena wa rûgûrû na agîkinya Efeso. Nake nîwethîre arutwa amwe kuo

2Akor 6:16

Hekarû ya Ngai îrî na ngwatanîro îrîkû na ngai cia mîvuanano? Tue tûrî hekarû ya Ngai ûrîa ûtûûraga mwoyo! Wa ta ûrîa Ngai ke mwene augîte atîrî: “Nie nîngaathondeka mûciî wakwa na andû akwa na ndûûre gatagatîrî kao. Nie nîngaatuîka Ngai wao, nao nîmagaatuîka andû akwa.”

Kûguû 1:16

Mûndû ûcio aanyitîte njata mûgwanja na njara yake ya ûrîo, na kanyuarî gake gûkauma rûviû rûûgî rûnooretwe mîena yoîrî. Ûthiû wake wekariî ta riûa rîarîte thaa thita cia mûthenya.

Kûguû 1:20

Nayo nthitho ya njata icio mûgwanja irîa irî mwena wa ûrîo wa Ngai yonanagia njata mûgwanja nî araika arîa mûgwanja a makanitha marîa mûgwanja. Nayo mînyamû îrîa mûgwanja ya kwigîrîrwa taa nî makanitha marîa mûgwanja.

Kûguû 12:1

Naguo ûrirû mûnene na wa magegania nîwaumîrire kûu îgûrû. Nî kwarî na mûndûmûka wekîrîte riûa rîrî ta nguo, na akinyithîtie magûrû make mwerirî. Na aarî na nthûmbî ya njata îkûmi na igîrî kîongorî gîake.

Kûguû 2:12

“Andîka kûrî mûraika wa kanitha ûrîa ûrî Perigamoni atîrî: “Îno nîyo ndûmîrîri kuuma kûrî ûrîa ûrî na rûviû rûûgî mîena yoîrî.

Kûguû 2:18

“Andîka kûrî mûraika wa kanitha ûrîa ûrî Thîatira atîrî: “Îno nîyo ndûmîrîri kuuma kûrî Mûriû wa Ngai, ûrîa ûrî na metho makanîte ta mwaki mûkengu mûno. Nacio nyarîrî ciake ikengaga ta cuuma ya gîcango.

Kûguû 2:8

“Andîka kûrî mûraika wa kanitha ûrîa ûrî Simurina atîrî: “Îno nîyo ndûmîrîri kuuma kûrî ûrîa arî ke wa mbere na wa mûthiia, Ûrîa wakwire na akîriûka.

Kûguû 3:1

“Andîka kûrî mûraika wa kanitha ûrîa ûrî Saridi atîrî: “Îno nîyo ndûmîrîri kuuma kûrî ûrîa wathaga maroho mûgwanja ma Ngai na ûrîa ûnyitîte njata mûgwanja. Nie nîmbîcî ciîko cienyu. Nîmbîcî mwonekaga takwa mûrî mwoyo, nwatî mûrî akuû.

Kûguû 3:14

“Andîka kûrî mûraika wa kanitha ûrîa ûrî Laodikia atîrî: “Îno nîyo ndûmîrîri kuuma kûrî ûrîa wîtagwa Ameni. Ke nîke mûira ûrîa mwîvokeku na wa ma. Nîke Kîammbîrîria Kîam indo cionthe irîa Ngai aûmbîte.

Kûguû 3:7

“Andîka kûrî mûraika wa kanitha ûrîa ûrî Filadelifia atîrî: “Îno nîyo ndûmîrîri kuuma kûrî ûrîa mûtheru na wa ma. Ke arî na cavi îrîa yarî ya Daudi. Ke aravingûra mûrango gûtirî mûndû ûngîvota kûûvinga, na ke araûvinga gûtirî mûndû ûngîvota kûûvingûra.