Kûguû 19:10 - ÎVUKU RÎA ÛVORO MWARO

¹⁰ Nînegwîthirie nthî mbere yake nîmûgooce, nwatî ke nîwambîrire atîrî, “Tiga gwîka ûguo! Nie ndungatagîra Ngai wa tawe na etîkia arîa engî onthe evokeku. Acio nî arîa marûmagîrîra ûira wa Jesû. Goocani Ngai arî ke!” Nîûndû ûira ûrîa ûguûragwa nî Jesû nîguo ûtûmaga arathi manîrîre ndûmîrîri ya ûkristiano.

Kûguû 19:10 ပူးပေါင်းရင်းမြစ်များ

2Atha 17:36

Nwatî mûngoocage nie Ngai-Mûnene, ûrîa wamûrutire vûrûri wa Misiri na vinya mwîngî na wendo mûnene; nie nînie mûkaagoocaga na mûndutagîre magongoona.

Thaburi 45:11

na mûthamaki nîakûgucîrîrua nî ûthaka waku; nîke mwathi waku, kwoguo nwanginya ûmwathîkagîre.

Ntha 34:14

“Mûtikaagooce Ngai wîngî, nîûndû Ngai-Mûnene ûrîa rîîtwa rîake arî ‘Wîru’, nî Ngai ûrî wîru.

Danieli 2:46

Mûthamaki Nebukadinezarû nîwaturumithirie ûthiû wake nthî na akîathana Danieli arutîrwe iveo cia irio na ûbani.

Danieli 7:10

Mwaki waumaga gîtîrî kîu ta rûnjî. Andû ngiri makûmi meengî nîmaarûngamire mbere yake, îgooti nîrîambîrîrie, na mavuku makîguûrua.

Mathaayo 4:10

Nake Jesû nîwamîrire atîrî: “Uma varî nie Caitani! Mandîko matheru maugîte atîrî, ‘Goocaga Mwathani Ngai waku na ûmûtungatagîre wa ke wenga.’ ”

Maariko 5:22

Nake mûnene ûmwe wa îvoero wetagwa Jairi, nîwakinyire. Na rîrîa oonire Jesû nîwamûturîrie maru na akîmûthaitha akîmwîraga atîrî,

Maariko 7:25

Nake mûndûmûka ûmwe warî na kerîtu kaanyitîtwe nî ngoma nîwegwire ngumo ya Jesû na akîthiî kûrî ke. Mûndûmûka ûcio aakinya kûrî Jesû nîwegwîthirie nthî wa rîmwe magûrûrî make.

Luka 1:19

Nake mûraika ûcio nîwamûcokerie atîrî, “Nie nînie Gaburieli na nûngamîte mbere ya Ngai ûrîa ûndûmîte mbûke ngûkinyîrie ûvoro ûyû mwaro.

Luka 24:44

Jesû nîwacokire akîmeera atîrî, “Maûndû mama nwamo nîramwîraga vîndî îrîa nîrethagîrwa nîrî vamwe namue. Maûndû marîa mambîgiî na mandîkîtwe Wathorî wa Musa, mandîkorî ma arathi, wana nginya Thaburirî nwa nginya mavingue.”

Johana 5:39

Mue mûthomaga Mandîko Matheru nîûndû mwîciragia atî mwamathoma nîmûkûgîa na mwoyo wa tene na tene. Mandîko Matheru maragia ûvoro ûmbîgiî.

Ciîko 10:43

Arathi onthe nîmaarutire ûira wîgiî Jesû, na makiuga atî andû onthe arîa mamwîtîkîtie nîmakooverwa mevia mao na vinya wa rîîtwa rîake.”

Ciîko 13:27

Andû arîa matûûraga Jerusalemu na atongoria ao matiamenya atî Jesû nîke Mûvonokia. O matiataûkîrwa nî ciugo irîa arathi maandîkire, irîa ithomagwa mîthenya yonthe ya thavatû. Nwatî o nîmaaivingirie vîndî îrîa maaugire atî Jesû aarî na ûcuke.

2Akor 8:7

Mue mûrî itonga mûno cia maûndû monthe, wîtîkiorî, mîariorî, ûmenyorî, na wendirî wenyu wa gûtethania na wendo wenyu kûrî tue. Kwoguo nîtûkwenda mûtuîke ataana ûtungatarî wa kwendana wana guo.

Aefeso 5:15

Kwoguo menyagîrîrani mîkarîre yenyu. Tigagani gwîkara ta andû aritu, îkaragani ta andû aûgî.

Aefeso 5:33

Nwatî ciugo ino nwa iraria ûvoro ûmwîgiî atî: mûthuuri wa wonthe nwanginya endage mûka wata ûrîa eyendete, na mûndûmûka wa wonthe nwanginya atîîage mûthuuri wake.

Afil 3:3

Tue nîtue twîthagîrwa tûruîte nama. Tûkumagia Ngai na njîra ya Roho wake na nîtûkenaga ûtûûrorî wetû tûrî ûrûmwe na Kristû na tûtiîvokaga maûndû marîa twîkaga mîîrî yetû.

1Ath 5:15

Geragiani kwona atî gûtirî mûndû wana ûmwe gatagatîrî kenyu ûkarîvagia naaî na naaî, nwatî vîndî cionthe geragiani gwîka ûndû ûrîa mwaro kûrî andû onthe.

Ahib 1:14

Araika nî arîkû? Nî maroho marîa matungatagîra Ngai na nîmatûmagwa nîke magatethia arîa makaavonokua.

Ahib 12:25

Kwoguo îîmenyerereni na mûtikarege kwîgua mûndû ûrîa ûkwaria. Andû arîa maaregire kwîgua ûrîa wavecanaga ndûmîrîri kuuma kûrî Ngai matiavonoka. Wa natue tûtingîvonoka ethîrwa nwa tûrege kwîgua ûrîa waragia kuuma îgûrû!

1Joh 5:10

Kwoguo mûndû wa wonthe wîtîkagia Mûriû wa Ngai arî na ûira ûyû ngororî yake. Nwatî mûndû wa wonthe ûtetîkîtie Ngai nî atuîte Ngai wa maveeni, nîûndû mûndû ûcio ndetîkanîtie na ûrîa Ngai augîte ûrî ta ûira wîgiî Mûriû wake.

1Joh 5:21

Ciana ciakwa, reganani na ngai cia maveeni!

Kûguû 1:1

Îvuku rîîrî nî mûtaratara wa maûndû marîa Jesû Kristû aaguûririe. Ngai aamûveere kûguûrîrua gûkû, nîguo onie ndungata yake maûndû marîa maarî nwa nginya mekîke narua. Nake Kristû nîwatûmire mûraika wake akamenyithie ndungata yake Johana,

Kûguû 1:9

Nie nînie Johana mûrû wa îthe wenyu. Nî mbîtîkîtie Jesû na nîrî ûmwe wenyu. Nîtûgwatanagîra namue ngirîrîtie ngîûmagîrîria kûthînua kûrîa gûkaga kûrî arîa marî a Ûthamaki wake. Nie naigirwe gîcîgîrîrarî gîtagwa Patimo nîûndû nînaanîrîre Ûvoro wa Ngai na Ûma ûrîa Jesû aaguûririe.

Kûguû 12:11

Ariû na aarî a îthe wetû nî maavootire Ngoma na nthakame ya Gatûrûme na njîra ya ndûmîrîri îrîa maavunjirie. O matietigagîra gûkua, nîmeevarîrîtie kûvecana mîoyo yao.

Kûguû 12:17

Njûnamatu îo nîyarakarirue mûno nî mûndûmûka ûcio na îkîthiî kûrûa na njiarwa icio ciîngî ciake, nacio nî irîa ciathîkagîra maathani ma Ngai na irî na wîvokeku kûrî ûma ûrîa waguûrirue na njîra ya Jesû.

Kûguû 14:7

Ke nîwaugire augîrîrîtie atîrî, “Tîîani Ngai na mûkumie ûnene wake! Nîûndû kavinda gake ga gûtuîra andû a nthî nîgakinyu. Goocani Ngai ûrîa waûmbire îgûrû, nthî, îria na kûrîa kuumaga manjî!”

Kûguû 15:4

Nîûrîkû ûtagagûtîîa na akumie rîîtwa rîaku, Mwathani? We nîwe wenga Mûtheru. Mavûrûri monthe nîmagaaûka na makûgooce, nîûndû ciîko ciaku cia kîvooto nîcionagwa nî andû onthe.”

Kûguû 19:9

Nake mûraika nîwambîrire, “Andîka atîrî: Kûrathimwa nî arîa metîtwe kîrugorî Kîam ûviki wa Gatûrûme.” Mûraika nîwaugire rîngî atîrî, “Ino nîcio ciugo cia ma kuuma kûrî Ngai.”

Kûguû 4:10

athuuri arîa mîrongo îîrî na ana nîmegwîthagia nthî mbere ya ûcio wîkarîrîte gîtî Kîam ûthamaki na makagooca ûcio ûtûûraga tene na tene. Nao nîmaigaga nthûmbî ciao nthî vau mbere ya gîtî kîu Kîam ûthamaki na makauga atîrî: