Kûguû 19:1 - ÎVUKU RÎA ÛVORO MWARO

¹ Vuva wa ûguo, nînegwire mûgambo wekariî ta wa gîkundi kînene Kîam andû marî kûu îgûrû ûkiuga atîrî: “Ngai arokumua! Ûvonokio, riiri, na vinya nî cia Ngai wetû!

Kûguû 19:1 ပူးပေါင်းရင်းမြစ်များ

1Maû 29:11

Ûnene, vinya, riiri, ûvootani na gîtîîo nî ciaku we Ngai-Mûnene. Îgûrû na nthî na indo cionthe irîa irî kuo, nî ciaku nîûndû ûthamaki nî waku we Ngai-Mûnene, na nîwe mûnene gûkîra anene onthe.

Thaburi 104:35

Evia onthe marothirua gûkû nthî, na andû arîa aganu mathire viû! Ngoro yakwa kumia Ngai-Mûnene! Kumiani Ngai-Mûnene!

Thaburi 106:1

Kumiani Ngai-Mûnene! Kumiani Ngai-Mûnene nîûndû nî mwaro; nîûndû wendo wake ûtathiraga ûtûûraga tene na tene.

Thaburi 111:1

Kumiani Ngai-Mûnene! Nîngaacokeria Ngai-Mûnene ngatho na ngoro yakwa yonthe, nîrî kîûnganorî Kîam andû arîa athingu.

Thaburi 115:18

Nwatî tue arîa tûrî mwoyo, nîtûkumagia Ngai-Mûnene, kuuma rîu nginya tene na tene. Kumiani Ngai-Mûnene!

Thaburi 146:1

Kumia Ngai-Mûnene! Kumia Ngai-Mûnene, we ngoro yakwa!

Thaburi 148:1

Kumiani Ngai-Mûnene! Kumiani Ngai-Mûnene mûrî îgûrû, mûkumieni mue mûtûûraga îgûrû mûno.

Thaburi 149:1

Kumiani Ngai-Mûnene! Inîrani Ngai-Mûnene rwîmbo rûcerû, mûkumieni kîûnganorî gîa etîkia!

Thaburi 150:1

Kumiani Ngai-Mûnene! Kumiani Ngai-Mûnene mûrî hekarûrî yake, mûkumieni arî îgûrû kûu gwake kûnene!

Thaburi 3:8

Ûvootani umaga kûrî Ngai-Mûnene; irathimo ciake irogîa kûrî andû aku.

Thaburi 62:11

Nîmbîguîte mavinda meengî Ngai akiuga atî ûvoti nî wake,

Jeremia 51:48

Narîo îgûrû na nthî na indo cionthe irîa irî kuo, nîikaaina icanjamûkîte nîûndû wa Babuloni; nîûndû andû a gûûcûkangia nîmagaûka maumîte mwena wa rûgûrû. Ûguo nîguo nie Ngai-Mûnene nîrauga.

Jona 2:9

Nwatî nîngaakuinîra nyîmbo cia gûgûkumia; nîngaakûrutîra îgongoona, na mvingie ûrîa mbîranîrîte na mwîvîtwa. Ngai-Mûnene nîke ûvonokanagia!”

Mathaayo 6:13

Ndûgatûvire mageriorî, nwatî ûtûvonokie kuuma kûrî Ûrîa Mûcûku.’

Kûguû 11:15

Nake Mûraika wa mûgwanja nîwavuvire karumbeta gake. Nakuo îgûrû nîkwagîre na mîgambo mînene yaugaga atîrî, “Ûthamaki wa nthî nîûtuîkîte wa Mwathani wetû na wa Mesaya wake. Nake nîakaathana tene na tene!”

Kûguû 12:10

Nînacokire ngîgua mûgambo mûnene kuuma îgûrû ûkiuga atîrî, “Ûvonokio, ûvoti, Ûthamaki wa Ngai wetû na wathani wa Mesaya wake rîu nîûrîkîtie gûka! Nîûndû mûcukani ûrîa warûngamaga mbere ya Ngai wetû na agacuka ariû na aarî a îthe wetû ûtukû na mûthenya nîaikîtue nthî

Kûguû 19:6

Ngîcoka ngîgua mûgambo ta wa andû eengî mûno. Mûgambo ûcio wagambaga ta mûgambo wa ndurumo ya manjî meengî mûno, kana mûrurumo mûnene wa ngwa. Nao maaugaga atîrî, “Ngai arokumua! ‘Nîûndû Mwathani, Ngai wetû mwene vinya wonthe, nî mûthamaki!’