Kûguû 18:23 - ÎVUKU RÎA ÛVORO MWARO

²³ Gûtirî vîndî andû makoona ûtheri wa taa ûkîmatherera kuuma kûrî we rîngî, na gûtirî vîndî mîgambo ya aviki na avikania îkeeguuwa kuuma kûrî we. Nîûndû avûri mbiacara aku nîo maarî itonga nene cia nthî, nwatî nîwaveenererie mavûrûri monthe na ûragûri waku!”

Kûguû 18:23 ပူးပေါင်းရင်းမြစ်များ

2Atha 9:22

Rîrîa Joramu oonire Jehu, nîwamûririe atîrî, “Ûkîte na thayû?” Nake Jehu nîwamûcokerie atîrî “Kûngîthîrwa kwî na thayû atîa rîrîa ûragûri na ûvoi wa ngai cia mîvuanano irîa ciaretirwe nî nyûkwe, Jezebeli ciîngîvîte ûguo?”

Ayubu 21:17

Nî maita megana taa ya mûndû mwaganu yanavorua? Nî maita megana mananyitwa nî mûthiro? Ngai anamaverithia arî na marakara?

Nthi 24:20

Nîûndû mûndû mwaganu ndarî kîîrîgîrîro, taa ya mwoyo wa mûndû mwaganu nîîkaavorua.

Isaia 23:8

Nû wavangire maûndû mama megiî Turo, îtûûra rîrîa riumaga athamaki; kûrîa agûri na endia a indo maarî anene, na maatîîtwe nthî yonthe?

Isaia 47:9

Maûndû mama moîrî magaaûka kûrî we wa rîmwe mûthenya ûmwe, gûkuîrwa nî ciana na gûtuîka mûndûmûka wa ndigwa, wana ethîrwa wî na ûrogi mwîngî, na wî na vinya mwîngî wa kûringa mbûgû.

Jeremia 16:9

Nîûndû nie, Ngai-Mûnene Ngai wa Isiraeli nîrauga atîrî: “Nîngathiria mîgambo ya andû arîa marakena na magacanjamûka, na nthirie mîgambo ya gîkeno Kîam mûviki na mûvikania. Maûndû mama monthe ngeka mûrî mwoyo na mûkîmonaga.

Jeremia 25:10

Nîngakiria arîa onthe makethîrwa makîanîrîra marî na gîkeno na macanjamûkîte wana arîa makethîrwa makinîra mûviki na mûvikania. Mîgambo ya ithîi ndîkeguîka na taa nîikavorua.

Jeremia 7:34

Na kûu matûûrarî ma Juda na tûcîrarî twa Jerusalemu nîngatûma gûtikegue mûgambo wa kûthekania na wa gîkeno, mûgambo wa mûviki na mûvikania, nîûndû vûrûri wonthe ûgatwîka îganjo.”

Nahumu 3:4

Îtûûra rîa Nineve ûtuîkîte îraa. Ûthaka waku ûragucîrîria andû ta mîthega, watuire mavûrûri ngombo na njîra ya ûmaraa waku, na andû a ndûrîrî ûkîmatua ngombo na mîthega yaku.

Ciîko 8:11

Nao maamûthikagîrîria ûguo nîûndû ke nîwamamakîtie kwa îvinda îraca na ûragûri ûcio wake.

Kûguû 12:9

Nayo njûnamatu îo nene na araika a yo nîmaaikirue nthî kuuma îgûrû - îo nîyo njoka ya tene, îrîa îtagwa Ngoma, kana Caitani ûrîa ûveenagia andû onthe a nthî.

Kûguû 17:2

Athamaki a nthî nîmatharîtie nake. Nao andû a nthî nîmaatuîkire mîrîu ya ûtharia.”

Kûguû 17:5

Ûthiûrî wake nîvaandîkîtwe rîîtwa, na ûrîa rîîtwa rîu riugîte warî nthithorî. Rîîtwa rîu rîandîkîtwe atîrî: “Babuloni îrîa nene, ng'ina wa maraa monthe na kiumo Kîam maûndû marîa macûku mekagwa nthî.”

Kûguû 18:22

Andû makîvûra ngita, na makina kana makîvuva mîtûrirû na tûrumbeta matikeguwa îtûûrarî rîu rîngî. Gûtirî mûndû ûkoonekana akîruta wîra wa mbiacara, kana kwîguwa mûgambo wa kîthîi gîkîthîa rîngî!

Kûguû 18:3

Mavûrûri monthe matuîkîte mîrîu ya merirîria macûku ma mwîrî. Athamaki a nthî nîmatharîtie nake. Nao avûri a mbiacara, matuîkîte itonga kuumana na merirîria meengî mûcûku make ma mwîrî.”

Kûguû 18:9

Athamaki a nthî arîa meekire maûndû ma ûtharia na nîmaagwatanîre merirîria macûku nake nîmakaarîra na maugîrîrie mona ndogo îrîa yaumaga kûrî rîo rîkîvîa.

Kûguû 21:8

Nwatî andû arîa iguoya, arîa matarî evokeku, arîa matarî atheru, mîtoi, arîa matharagia, arogi, arîa magoocaga mîvuanano, na arîa mavenanagia, nîmagaaikua îcuarî rîa mwaki ûrîa wakanaga na ûviriti, na nîkîo gîkuû gîa kaîrî.”

Kûguû 22:15

Nwatî nakûu nja ya îtûûra nîkuo kûrî andû arîa mekaga maûndû macûku na arîa maragûraga, arîa mekaga maûndû ma ûtharia na aûragani. Na nwakuo kûrî avoi mîvuanano na arîa maveenanagia na ciîko na mîario yao.

Kûguû 22:5

Gûtigacoka kûgîa na ûtukû, na matikethîrwa makîvatara taa kana ûtheri wa riûa, nîûndû Mwathani Ngai nîke ûkethagîrwa arî ûtheri wao. Na nîmakaathana marî athamaki tene na tene.

Kûguû 6:15

Nao athamaki a nthî, andû arîa marî îgweta, anene na athigari a mbaara, itonga, andû arîa marî vinya, na andû arîa engî onthe, ngombo na arîa matarî ngombo nîmeethithire ngurungarî na mathigarî ma irîma.

Kûguû 9:21

Andû acio matierira ûûragani wao, ûragûri wao, maûndû mao ma ûtharia kana wîi wao.