Kûguû 18:21 - ÎVUKU RÎA ÛVORO MWARO

²¹ Ngîcoka ngîona mûraika warî na ûvoti oca îthiga rîgana ta rîa kîthîi na akîrikia îriarî. Na aikia îthiga rîu nîwaugire atîrî, “Ûguo nîguo Babuloni îtûûra rîrîa rînene rîkoomomorwa na vinya na rîtigacoka kwoneka rîngî.

Kûguû 18:21 ပူးပေါင်းရင်းမြစ်များ

Nehemia 9:11

Nîwagaanirie îria mbere yao nîguo ûmathondekere njîra, na ûkîmavîtûkîrîria nthî nyûmû. Arîa maamathingatîte nîmaaûrîre manjîrî kûndû kûriku mûno, ta ûrîa îthiga rîvorokagîra manjîrî meengî.

Ayubu 20:8

Akaathira ta kîroto na ndakoonekana rîngî, akaûrîra ta kîoneki Kîam ûtukû.

Thaburi 37:36

Nwatî vuvarî ngîvîtûkîrîra vo, ndaarî vo; naamûcaririe, nwatî ndiamwona.

Ntha 15:5

Maakunîkîrwe nî manjî ma îria îriku, maavorokeere nginya gîtina Kîam îria ta îthiga.

Ezek 26:21

Nîngaagûtua kîndû gîa gûtûma andû manyitwe nî guoya, na ûcio nîguo ûkethîrwa ûrî mûthiia waku. Andû nîmagaagûcaria, nwatî matigaakwona. Ûguo nîguo Ngai-Mûnene Ngai augîte.”

Danieli 11:19

Nî akaagarûrûka acoke vûrûrirî wake ûrîa mwirigîre na rûthingo rwa vinya, nwatî nî akaavootwa na ndakeguîka rîngî.

Kûguû 10:1

Nînacokire ngîona mûraika wîngî warî na ûvoti akînyûrûrûka kuuma îgûrû. Ke nîwekîrîte îtu rîrî ta nguo na akathiûrûrûkîrua kîongorî gîake nî mûkûnga mbura. Ûthiû wake wekariî ta riûa, namo magûrû make magekara ta itugî cia mwaki.

Kûguû 12:8

Nwatî njûnamatu nîyavootirwe, nayo vamwe na araika a yo matietîkîrua gwîkara îgûrû rîngî.

Kûguû 16:20

Nacio icîgîrîra cionthe na irîma cionthe ikîûrîra igîtiga kwoneka.

Kûguû 18:10

Nao nîmakaarûngama varaca, nîûndû nîmagetigagîra matikaverithue take. Nao nîmakaauga atîrî, “Uui! Uui! Babuloni îtûûra rîrîa rînene kavinda ka îthaa rîmwe tu nîrîaverithua!”

Kûguû 18:22

Andû makîvûra ngita, na makina kana makîvuva mîtûrirû na tûrumbeta matikeguwa îtûûrarî rîu rîngî. Gûtirî mûndû ûkoonekana akîruta wîra wa mbiacara, kana kwîguwa mûgambo wa kîthîi gîkîthîa rîngî!

Kûguû 20:11

Nînacokire ngîona gîtî kînene Kîam ûthamaki Kîam rangi njerû, na ûrîa ûgîkaragîra. Îgûrû na nthî nîciathengutire mbere yake, itianacoka kwoneka rîngî.

Kûguû 5:2

Nanie nînoonire mûraika warî na vinya nyîngî na ngîgua akîûria na mûgambo mûnene atîrî, “Nû mwagîrîru wa gûtumûra ndumo na akûnjûre îvuku rîa gîkûnjo?”