Kûguû 18:16 - ÎVUKU RÎA ÛVORO MWARO

¹⁶ “Kaî wî na thîna-î! Kaî wî na thîna-î, we Îtûûra rîrîa rînene, rîrîa rîekagîra nguo cia itambaa mbaro, cia rangi wa njambarawe, na cia rangi ndune. Ke eegemagia na mathaga ma thaavu, mathiga ma goro na ma ruru!

Kûguû 18:16 ပူးပေါင်းရင်းမြစ်များ

Ezek 28:14

Nînathuurire mûraika wa gûkûrangagîra. Watûûraga kîrîmarî gîakwa kîrîa kîtheru, na wathiîcagîra kûndû kûrî na mathiga makûvenavenia.

Nahumu 2:9

Tavani sîlûva! Tavani thaavu! Mûthithû wayo ndûrî mûthiia; kûrî na wîngî wa indo cionthe cia goro.

Kûguû 17:3

Nînecûrirwe nî Roho Mûtheru, nake mûraika nîwanguire akîmvira werûrî. Kûu nînoonire mûndûmûka ekarîrîte nyamû ya rangi ndune. Nyamû îo yarî na marîîtwa mwîrîrî wonthe marîa maarumaga Ngai. Yarî na ciongo mûgwanja na mvîa îkûmi.

Kûguû 17:4

Mûndûmûka ûcio eekîrîte nguo cia rangi wa njambarawe na rangi ndune. Nîwegemetie mwîrî na mathaga ma thaavu, mathiga ma goro, na ciûma cia goro cia mîthemba mîîngî. Njararî yake nîwagwete gîkombe Kîam thaavu gîcûrîte maûndû macûku na mîtugo îtarî mîaro ya ûmaraa.

Kûguû 18:18

Na moona ndogo îrîa yaumaga mwakirî ûrîa warîvîvagia, nîmaugîrîrie atîrî, “Gûtirî kwagîa îtûûra rîngî rînene ta rîrî!”

Kûguû 18:19

Nao nîmaaminjîrie ciongo ciao rûkûngû, na nîmaarîrire marî na kîeva makiugaga atîrî, “Uui, Uui! Îtûûra rîrîa rînene kûrîa andû onthe arîa marî meri maatongerete! Na kavinda ka îthaa rîmwe nîrîaûrwa nî indo cionthe!”