Kûguû 18:12 - ÎVUKU RÎA ÛVORO MWARO

¹² Indo icio nî thaavu, sîlûva, na mathiga ma goro na ruru; indo cia nguo cia rangi wa njambarawe, nguo cia hariri, na irîa ndune ta ndûngûrû. Andû acio nwa mendagia mîtî îrîa mînungi waro, indo cionthe ithondeketwe na mîguongo na mîtî ya goro, indo cia gîcango, cuuma, na mathiga mengî mathaka.

Kûguû 18:12 ပူးပေါင်းရင်းမြစ်များ

2Maû 2:8

Ndûmîra mîtî ya mîtarakwe, mîthithinda na mîthengera kuuma Lebanoni. Nîmbicî atî andû ndungata ciaku irî na wara wa gûtema mîtî kûu Lebanoni na nî magaatethania na ndungata ciakwa

Nahumu 2:9

Tavani sîlûva! Tavani thaavu! Mûthithû wayo ndûrî mûthiia; kûrî na wîngî wa indo cionthe cia goro.

Kûguû 17:3

Nînecûrirwe nî Roho Mûtheru, nake mûraika nîwanguire akîmvira werûrî. Kûu nînoonire mûndûmûka ekarîrîte nyamû ya rangi ndune. Nyamû îo yarî na marîîtwa mwîrîrî wonthe marîa maarumaga Ngai. Yarî na ciongo mûgwanja na mvîa îkûmi.

Kûguû 17:4

Mûndûmûka ûcio eekîrîte nguo cia rangi wa njambarawe na rangi ndune. Nîwegemetie mwîrî na mathaga ma thaavu, mathiga ma goro, na ciûma cia goro cia mîthemba mîîngî. Njararî yake nîwagwete gîkombe Kîam thaavu gîcûrîte maûndû macûku na mîtugo îtarî mîaro ya ûmaraa.

Kûguû 18:15

Avûri a mbiacara arîa maatongire kuumana na wîra ûcio wao îtûûrarî rîu rînene, nîmakaarûngama varaca nîûndû wa gwîtigîra kûverithua marî nake. Nîmakaarîra na megue kîeva, makiugaga atîrî,