Kûguû 17:5 - ÎVUKU RÎA ÛVORO MWARO

⁵ Ûthiûrî wake nîvaandîkîtwe rîîtwa, na ûrîa rîîtwa rîu riugîte warî nthithorî. Rîîtwa rîu rîandîkîtwe atîrî: “Babuloni îrîa nene, ng'ina wa maraa monthe na kiumo Kîam maûndû marîa macûku mekagwa nthî.”

Kûguû 17:5 ပူးပေါင်းရင်းမြစ်များ

Isaia 3:9

Ûthiû wao nîwonanagia ûrîa marî evia; managîrîra wîvia wao ta wa Sodomu na matiûthithaga. Kaî andû acio marî na thîna-î, nîûndû nîo ene meretererete mathîna.

Ezek 16:35

We îraa rîrî, rîu thikîrîria ciugo cia Ngai-Mûnene!

Afil 3:19

Mûthiia wa andû acio nî gûcûkangua, nîûndû matongoragua nî merirîria ma mîîrî yao îrî yo ngai yao. Maûndû ma nthoni nîmo mamakenagia na meciria mao methagîrwa marî maûndûrî ma gûkû nthî.

2Ath 2:7

Nîûndû ûndû mûgeni na mûcûku tûtecî nî mwambîrîriu kûruta wîra, nginya rîrîa Ngai akaathengutia mûndû ûrîa ûgiragia maûndû mama monthe mekîke.

Kûguû 1:20

Nayo nthitho ya njata icio mûgwanja irîa irî mwena wa ûrîo wa Ngai yonanagia njata mûgwanja nî araika arîa mûgwanja a makanitha marîa mûgwanja. Nayo mînyamû îrîa mûgwanja ya kwigîrîrwa taa nî makanitha marîa mûgwanja.

Kûguû 11:8

Nacio ciimba ciao nîikaamama njîrarî ya îtûûra rîrîa rînene kûrîa Mwathani wao ambîîrwe. Na rîo rîîtwa rîa ngerekano rîa îtûûra rîu nî Sodomu, kana Misiri.

Kûguû 14:8

Mûraika wa kaîrî nîwarûmîrîre ûrîa wa mbere. Nake nîwaugîrîrie atîrî, “Babuloni nî îgwîte, îtûûra rîrîa rînene rîa Babuloni nî rîgwîte. Nîyatûmire andû arîa matûûraga gûkû nthî mevia. Maavanire ta maavetwe ndivei manyue îrîa îgaatûma Ngai amaverithia.”

Kûguû 16:19

Narîo îtûûra rîrîa rînene nîrîagaûkanire icunjî ithatû. Namo matûûra marîa mengî manene nthî nîmanangîkire. Nake Ngai nîwaririkanire îtûûra rîrîa înene rîtagwa Babuloni, na agîtûma rînyue ndivei kuuma gîkomberî gîake Kîam marakara.

Kûguû 17:1

Ûmwe wa araika arîa mûgwanja maarî na mbakûri mûgwanja nîwaûkire kûrî nie na akîmbîra atîrî, “Ûka, nanie nîngaakwonia ûrîa Ngai akaaverithia mûmaraa ûcio ûrî ngumo. Mûmaraa ûcio nî îtûûra rîrîa rîtumîtwe vakuvî na nyûnjî nyîngî.

Kûguû 17:2

Athamaki a nthî nîmatharîtie nake. Nao andû a nthî nîmaatuîkire mîrîu ya ûtharia.”

Kûguû 17:7

Nwatî mûraika nîwambûririe atîrî, “Ûmakîtue nîndûî? Nie nîngaakwîra ûrîa nthitho îo yugîte ya mûndûmûka na ya nyamû îrîa îmûkuuaga, na îrî na ciongo mûgwanja na mvîa îkûmi.

Kûguû 18:2

Nake nîwaugîrîrie na mûgambo mûnene atîrî: “Nî rîgwîte, Babuloni îtûûra rîrîa rînene nî rîgwîte! Nî rîtuîkîte gîîkaro Kîam ndaimono na îkurungu rîa roho mûcûku, na iconi cionthe njûku na irî mûgiro itûûraga kuo.

Kûguû 18:21

Ngîcoka ngîona mûraika warî na ûvoti oca îthiga rîgana ta rîa kîthîi na akîrikia îriarî. Na aikia îthiga rîu nîwaugire atîrî, “Ûguo nîguo Babuloni îtûûra rîrîa rînene rîkoomomorwa na vinya na rîtigacoka kwoneka rîngî.

Kûguû 19:2

Nîûndû atucanagîra ciira na ûma na kîvooto! Ke nîatuîrîrîte ciira mûmaraa ûrîa watûmire andû a nthî meka maûndû macûku ma ûtharia. Ngai nîamûverithîtie nîûndû ke nîwaûragire ndungata ciake.”

Kûguû 7:3

Nake mûraika ûcio nîwamerire atîrî, “Mûtigacûkangie nthî nyûmû, îria, kana mîtî. Etererani nginya rîrîa tue tûgekîra ndungata cia Ngai wetû rûûri ithithiirî ciao.”