Kûguû 17:3 - ÎVUKU RÎA ÛVORO MWARO

³ Nînecûrirwe nî Roho Mûtheru, nake mûraika nîwanguire akîmvira werûrî. Kûu nînoonire mûndûmûka ekarîrîte nyamû ya rangi ndune. Nyamû îo yarî na marîîtwa mwîrîrî wonthe marîa maarumaga Ngai. Yarî na ciongo mûgwanja na mvîa îkûmi.

Kûguû 17:3 ပူးပေါင်းရင်းမြစ်များ

1Atha 18:12

Î narîo Roho wa Ngai-Mûnene angîgwoca na akûvire kûndû ndaicî narîkia kuuma ava? Nacoka nera Ahabu, atî wî gûkû nake arege gûkwona, kinthî ndakûmbûraga? Ririkana, atî ndwîre nîrî mûgooci Ngai-Mûnene na vinya mûno kuuma nîrî kamwana.

2Atha 2:16

na makîmwîra atîrî, “Tue ndungata ciaku, tûrî ava tûrî arûme mîrongo îtano (50) marî vinya. Twakûthaitha ûtwîtîkîrie tûthiî tûgacarie mwathi waku. Nwa kwîthîrwa Roho wa Ngai-Mûnene ûthiîre nake na wamûtiga vandû îgûrû rîa kîrîma, kana vandû Kîamndarî.” Nake Elisha nîwamerire atîrî, “Naarî, tîmûthiî.”

Rwîmbo rwa Nyîmbo 8:5

Nû ûrîa ûkîte aumîte werûrî, manyitanîte njara na mwendwa wake? Naakûramûkirie rungu rwa mûtî wa matunda, varîa nyûkwe eguîrîre ûrûrû agîgûciara.

Ezek 11:24

Na njîra ya kîoneki Roho wa Ngai nîwambocire akîmvira îthamîriorî vûrûri wa Akalidei, na kîoneki kîrîa naarî nakîo gîkîthira.

Ezek 3:12

Nînacokire ngîambararua na îgûrû nî Roho, na vuva wakwa nînegwire mûgambo ta wa kîthingithia kînene ûkiuga, “Riiri wa Ngai-Mûnene ûrîa ûrî îgûrû ûrokumua.”

Ezek 8:3

Nîwakûnjûrire kîndû gîekariî ta njara akînyita njuîrî yakwa, nake Roho wa Ngai akîmbûkîrîria na îgûrû rîerarî na akîmvira Jerusalemu. Nîrî kîonekirî kîu Kîam Ngai, nonire amvira mûrangorî wa kîvingo Kîam ndaarî wa kîvaro ûrîa werekerete na mwena wa rûgûrû wa hekarû. Vau vaarî na mûvuanano watûmaga Ngai arakare.

Danieli 11:36

“Mûthamaki wa Sîria nîageka kwenda gwake. Ke nîakenenevia gûkîra ngai cionthe na arume Ngai Ûrîa Mûnene gûkîra Ngai cionthe. Ageka ûguo nginya rîrîa Ngai akaamûverithia; nîûndû ûrîa Ngai avangîte gwîka nwanginya ûkaavinga.

Danieli 7:20

Nînendire kûmenya ûvoro wa mvîa îkûmi irîa ciarî kîongorî Kîamyo na ûvoro wa rûvîa rûrîa rwîngî rwacokire kûmera na rûgîtûma mvîa icio ciîngî ithatû igûûke. Rûvîa rûu rwarî na metho na rwaragia na mwîtîîo, na nîruo rwonekaga rûrî rûnene gûkîra mvîa icio ciîngî.

Danieli 7:25

Ke nîakaaria maûndû macûku megiî Ngai Ûrîa Mûnene na avinyîrîrie andû a Ngai. Nîakaagarûra mawatho mao na irugo ciao, na andû acio nîmakaathwa nîke îvinda rîa mîaka îthatû na nuthu.

Danieli 7:8

Na vîndî îrîa naaroretie mvîa cia nyamû îo, nînoonire karûvîa kanini keyumîria gatagatî ka mvîa icio ciîngî, na gagîkûûra mvîa icio ciîngî ithatû. Karûvîa kau kaarî na metho ta ma mûndû, na kanyua kaaragia na mwîtîîo.

Mathaayo 27:28

Nîmaacokire makîmûruta nguo ciake makîmwîkîra nguo ndune.

Ciîko 8:39

Na rîrîa maaumîrire manjîrî, Filipu nîwecukirue nî Roho wa Mwathani, na mûndû ûcio ngaramba ndaamwona rîngî, nwatî nîwathiîre na mbere na rûgendo rwake ecûrîtwe nî gîkeno.

2Ath 2:4

Ke nîakaaregana na kîndû wa kîonthe gîtagwa ngai, kana kîndû kîonthe andû magoocaga na enenevie mûno. Ke nîagekara hekarûrî ya Ngai na etue atî ke nîke Ngai.

Kûguû 1:10

Mûthenya wa Mwathani nînecûrîtwe nî roho mûtheru. Roho ûcio mûtheru nîwamvotithirie kwîgua mûgambo mûnene, ûrîa wagambire ta mûgambo wa karumbeta vuva wakwa.

Kûguû 12:14

Nwatî mûndûmûka ûcio nîwaverwe mathagu maîrî ma nderi nene, nîguo avote kûgûrûka athiî vandû varîa aathondekeretwe werûrî. Kûu nîkuo akaamenyererwa kwa îvinda rîa mîaka îthatû na nuthu, na agitîrwe kuumana na njûnamatu.

Kûguû 12:3

Naguo ûrirû wîngî na wa magegania nîwaumîrire kûu îgûrû. Nî kwarî na njûnamatu nene ya rangi ndune na yarî na ciongo mûgwanja na wa kîongo Kîamyo Kîamrî na nthûmbî. Wana nîyarî na mvîa îkûmi.

Kûguû 12:6

Nake mûndûmûka ûcio nîwaûrire na akîthiî werûrî. Kûu nîkuo Ngai aamûthondekerete vandû nîguo ekare akîmenyagîrîrwa vandû va mîthenya ngiri îmwe na magana maîrî ma mîrongo îtandatû (1,260).

Kûguû 17:18

“Mûndûmûka ûrîa wonire nî îtûûra rîrîa rînene rîrîa rîathaga athamaki a nthî.”

Kûguû 17:4

Mûndûmûka ûcio eekîrîte nguo cia rangi wa njambarawe na rangi ndune. Nîwegemetie mwîrî na mathaga ma thaavu, mathiga ma goro, na ciûma cia goro cia mîthemba mîîngî. Njararî yake nîwagwete gîkombe Kîam thaavu gîcûrîte maûndû macûku na mîtugo îtarî mîaro ya ûmaraa.

Kûguû 18:12

Indo icio nî thaavu, sîlûva, na mathiga ma goro na ruru; indo cia nguo cia rangi wa njambarawe, nguo cia hariri, na irîa ndune ta ndûngûrû. Andû acio nwa mendagia mîtî îrîa mînungi waro, indo cionthe ithondeketwe na mîguongo na mîtî ya goro, indo cia gîcango, cuuma, na mathiga mengî mathaka.

Kûguû 18:16

“Kaî wî na thîna-î! Kaî wî na thîna-î, we Îtûûra rîrîa rînene, rîrîa rîekagîra nguo cia itambaa mbaro, cia rangi wa njambarawe, na cia rangi ndune. Ke eegemagia na mathaga ma thaavu, mathiga ma goro na ma ruru!

Kûguû 21:10

Nînecûrirwe nî Roho nake mûraika akînguua na akîmvira îgûrû rîa kîrîma kîraca mûno. Nîwamonirie îtûûra rîrîa rînene îtheru rîa Jerusalemu na rînyûrûrûkîte riumîte îgûrû kwa Ngai,

Kûguû 4:2

Na wa rîmwe nînecûrirwe nî Roho. Na rîrîa naaroririe Îgûrû nînoonire gîtî Kîam ûthamaki gîkarîrîtwe nî mûndû.