Kûguû 17:15 - ÎVUKU RÎA ÛVORO MWARO

¹⁵ Nake mûraika nîwambîrire rîngî atîrî, “Nyûnjî irîa wonire mûmaraa ekarîrîte, nî mavûrûri, andû, iruka, na nthiomi.

Kûguû 17:15 ပူးပေါင်းရင်းမြစ်များ

Thaburi 18:4

Naathiûrûrûkîrîtue nî mîtego ya gîkuû mîena yonthe, naatharîkîrîtwe nî ivuvûkanio cia kûnjûkangia.

Thaburi 65:7

We nîûvoragîria marurumî ma îria, na înegene rîa makûmbî ma rîo; nîûvoragîria înegene rîa andû.

Jeremia 47:2

Ngai-Mûnene arauga atîrî: “Taroria manjî nîmarauma mwena wa rûgûrû, namo nîmatuîka ta rûnjî rwîcûrîte rûkauna; nîmagaakunîkîra nthî na indo cionthe irîa irî kuo, makunîkîre îtûûra vamwe na atûûri a rîo. Andû nîmakaaugîrîria; andû onthe a nthî nîmakaarîra marî na ûrûrû mwîngî,

Jeremia 51:13

Mue arîa mûtûûraga vûrûri ûrî nyûnjî nyîngî, vûrûri ûrî ûtonga mwîngî, îvinda rîenyu nîrîkinyu, ûtûûro wenyu nîmûkinyu mûthiia.

Jeremia 51:42

Îtûûra rîa Babuloni nîrîkunîkanie nî îria, nîrîkunîkanie nî makûmbî ma manjî maunjugûku.

Jeremia 51:55

Nîûndû nîracûkangia îtûûra rîa Babuloni viû, na nthirie mûgambo wake mûnene. Athigari a mbaara mararuruma ta makûmbî ma manjî meengî, na înegene rîa mûgambo wao nîrîrongerereka.

Ezek 31:4

Manjî nîmaaûrerire na ûgîkûra, manjî ma kûu nthî kûriku nîmaatûmire ûracave na îgûrû. Nyûnjî nîcietîrîrie manjî varîa wavandîtwe, na nîcianyûrûrûkirie manjî kûrî mîtî yonthe ya mûtitû.

Kûguû 10:11

Nanie nînacokire ngîrwa atîrî, “We nwa nginya wanîrîre rîngî maûndû marîa Ngai avangîte nîûndû wa iruka nyîngî, mavûrûri meengî, nthiomi nyîngî na athamaki eengî.”

Kûguû 11:9

Nao andû a kuuma mavûrûrirî monthe, mîvîrîgarî yonthe, nthiomirî cionthe na irukarî cionthe nîmakaaroria ciimba cia aira acio vandû va mîthenya îthatû na nuthu, na matigeetîkîra ithikwe.

Kûguû 17:1

Ûmwe wa araika arîa mûgwanja maarî na mbakûri mûgwanja nîwaûkire kûrî nie na akîmbîra atîrî, “Ûka, nanie nîngaakwonia ûrîa Ngai akaaverithia mûmaraa ûcio ûrî ngumo. Mûmaraa ûcio nî îtûûra rîrîa rîtumîtwe vakuvî na nyûnjî nyîngî.

Kûguû 5:9

Nacio ciûmbe icio na athuuri acio nîmaainire rwîmbo rûcerû makiugaga atîrî: “We ûrî mwagîrîru wa gwoca îvuku rîa gîkûnjo na ûtumûre ndumo ciarîo. Nîûndû we nîwaûragirwe, na njîra ya nthakame yaku we nîwagûrire andû a Ngai kuuma mîvîrîga yonthe, nthiomi cionthe, mavûrûri monthe na iruka cionthe.