Kûguû 17:1 - ÎVUKU RÎA ÛVORO MWARO

¹ Ûmwe wa araika arîa mûgwanja maarî na mbakûri mûgwanja nîwaûkire kûrî nie na akîmbîra atîrî, “Ûka, nanie nîngaakwonia ûrîa Ngai akaaverithia mûmaraa ûcio ûrî ngumo. Mûmaraa ûcio nî îtûûra rîrîa rîtumîtwe vakuvî na nyûnjî nyîngî.

Kûguû 17:1 ပူးပေါင်းရင်းမြစ်များ

Isaia 1:21

Na kaî îtûûra rîrîa rîarî rîvokeku nîrîtuîkîte ta mûmaraa-î! Vîndî îmwe nîrîecûrîte ûthingu na ûma, nwatî rîu rîcûrîte aûragani.

Isaia 57:3

Nwatî mue ciana cia ago, na njiarwa cia mûndûmûka mûtharia na mûmaraa ûkani ava vakuvî.

Jeremia 2:20

Kwa îvinda îraca nîwaunangire îcoki rîaku, na ûgîtucanga nyororo ciaku; na ûkiuga atîrî, “Tîngûtungatîra.” Nama karîmarî wa konthe, rungu rwa mûtî wa wonthe watuîkire ta îraa, wînamagîrîre ngai cia mîvuanano.

Jeremia 51:13

Mue arîa mûtûûraga vûrûri ûrî nyûnjî nyîngî, vûrûri ûrî ûtonga mwîngî, îvinda rîenyu nîrîkinyu, ûtûûro wenyu nîmûkinyu mûthiia.

Ezek 31:4

Manjî nîmaaûrerire na ûgîkûra, manjî ma kûu nthî kûriku nîmaatûmire ûracave na îgûrû. Nyûnjî nîcietîrîrie manjî varîa wavandîtwe, na nîcianyûrûrûkirie manjî kûrî mîtî yonthe ya mûtitû.

Luka 24:32

Nao nîmaambîrîrie kûrania atîrî, “Na kinthî ngoro cietû itikûrîrîmbûkaga vîndî îrîa agûtwaragîria na gûtûtaarîria Mandîko Matheru tûrî njîrarî?”

Luka 9:30

Wa rîmwe andû aîrî maarî vau makîaria nake. Andû acio maarî Musa na Elija.

Kûguû 1:1

Îvuku rîîrî nî mûtaratara wa maûndû marîa Jesû Kristû aaguûririe. Ngai aamûveere kûguûrîrua gûkû, nîguo onie ndungata yake maûndû marîa maarî nwa nginya mekîke narua. Nake Kristû nîwatûmire mûraika wake akamenyithie ndungata yake Johana,

Kûguû 15:1

Nînaacokire ngîona ûrirû wîngî mûnene na wa magegania ûrî îgûrû. Kwarî na araika mûgwanja maarî na ûvoti wa gûtûma nthî îgîe na mavera mûgwanja ma mûthiia. Namo makoonania mûthiia wa marakara ma Ngai.

Kûguû 16:19

Narîo îtûûra rîrîa rînene nîrîagaûkanire icunjî ithatû. Namo matûûra marîa mengî manene nthî nîmanangîkire. Nake Ngai nîwaririkanire îtûûra rîrîa înene rîtagwa Babuloni, na agîtûma rînyue ndivei kuuma gîkomberî gîake Kîam marakara.

Kûguû 18:1

Vuva wa ûndû ûyû nînoonire mûraika wîngî akînyûrûrûka kuuma îgûrû. Mûraika ûcio aarî na vinya nyîngî. Riiri wake nîwatûmire nthî yonthe îgîe na ûtheri.

Kûguû 19:2

Nîûndû atucanagîra ciira na ûma na kîvooto! Ke nîatuîrîrîte ciira mûmaraa ûrîa watûmire andû a nthî meka maûndû macûku ma ûtharia. Ngai nîamûverithîtie nîûndû ke nîwaûragire ndungata ciake.”

Kûguû 19:9

Nake mûraika nîwambîrire, “Andîka atîrî: Kûrathimwa nî arîa metîtwe kîrugorî Kîam ûviki wa Gatûrûme.” Mûraika nîwaugire rîngî atîrî, “Ino nîcio ciugo cia ma kuuma kûrî Ngai.”

Kûguû 21:15

Nake mûraika ûrîa wambarîrîtie aarî na kamûtî kaathondeketwe na thaavu ga kûthima. Kamûtî kau kaarî ga kûthima îtûûra, mîîrîga yarîo na rûthingo rwarîo.

Kûguû 21:9

Ûmwe wa araika arîa mûgwanja maarî na mbakûri ciecûrîte mathîna marîa mûgwanja ma mûthiia nîwaûkire kûrî nie. Nîwambarîrie akîmbîra atîrî, “Ûka tûthiî, nanie nîngûkwonia mûviki, mûndûmûka wa Gatûrûme.”

Kûguû 4:1

Vuva wa ûguo nie nînagîre na kîoneki kîngî, nînoonire mûrango ûrî mûvingûre kûu îgûrû. Naguo mûgambo wa ûrîa neguîte ûkîmbarîria na mûgambo ta wa karumbeta, nîwambîrire atîrî, “Unûkia ûûke ava, nanie nîngûkwonia maûndû marîa mageekîka vuvarî.”