Kûguû 16:6 - ÎVUKU RÎA ÛVORO MWARO

⁶ Nîûndû andû acûku nîmetûrûrire nthakame ya andû a Ngai na ya arathi. Kwoguo nîwamava nthakame manyue, nîûndû ûguo nîguo magîrîrwe!”

Kûguû 16:6 ပူးပေါင်းရင်းမြစ်များ

2Atha 24:4

na makîria nîûndû wa andû onthe arîa aaûragîte matarî na mavîtia. Ngai-Mûnene ndangîoveere Manase nîûndû wa ûguo.

Ntha 21:24

riitho rîrîvagwe na riitho, îgego rîrîvagwe na îgego. Njara nîîrîvagwe na njara, na kûgûrû kûrîvagwe na kûgûrû,

Ntha 7:17

Ngai-Mûnene auga atî nîûkûmenya ke nîke ûû na njîra ya ûndû ûrîa agwîka. Nie nîngûringa manjî ma rûnjî rwa Nailo na mûragi ûyû na nîmakûgarûrûka matuîke nthakame.

Isaia 49:26

Nîngaatûma arîa mamûvinyagîrîria marîe nyama ciao o ene, na marîwe nî nthakame yao o ene ta ndivei. Andû onthe nîmakaamenya atî Nie Ngai-Mûnene, nînie Mûvonokia waku, nînie Mûkûri waku, Ûrîa ûrî Vinya wa Jakovu.”

Jeremia 2:30

Narutire wîra wa mana kûverithia ciana cienyu, itietîkîra kûrûngwa; ta ûrîa mûnyambû ûûragaga kîndû, nwa ta guo mwaûragire arathi enyu.

Jeremia 26:11

Athînjîri-Ngai na arathi nîmaacokire makîra anene na andû onthe atîrî, “Mûndû ûyû avatiî gûtuîrwa kûûragwa, nîûndû nîarathîte maûndû macûku megiî îtûûra rîîrî. Muonthe nîmweîguîra na matû menyu.”

Jeremia 26:16

Nao anene na andû onthe nîmerire athînjîri-Ngai na arathi atîrî, “Mûndû ûyû ndagîrîrwe nî gûtuîrwa kûragwa nîûndû atwarîria na rîîtwa rîa Ngai-Mûnene Ngai wetû.”

Maca 4:13

Maûndû mau mekîkire nîûndû wa mevia ma arathi, na mavîtia ma athînjîri-Ngai, arîa maûragîre andû arîa athingu îtûûrarî rîake.

Ezek 32:6

Nîngaatûma nthî îcûre nthakame yaku nginya irîmarî, na nyûnjî ciîcûre nthakame yaku.

Mathaayo 7:2

Nîûndû Ngai akaamûtuîra wata ûrîa mûtucagîra andû arîa engî, na kîthimi kîrîa mûthimagîra arîa engî nakîo nwa kîo mûkaathimîrwa nakîo.

Luka 12:48

Nwatî ndungata îrîa îtaicî ûrîa mwathi wayo endaga na îkaga ûndû ûrîa ûngîtûma îverithue, nîkaavewa îvera rîa kûrivwa vanini na kîvoko. Mûndû ûrîa wîvoketwe na indo nyîngî nîageetua indo nyîngî; na ûrîa nake wîvoketwe na nyîngî makîria, nîageetua nyîngî makîria.

Ahib 10:29

Mûndû ûrîa ûrumaga Mûriû wa Ngai na akanyarara nthakame ya kîrîkanîro îrîa yamûtheririe kuuma meviarî, agacoka akaruma Roho ûrîa ûvecanaga wega wa Ngai, mûreciria îvera rîake rîgana atîa?

Kûguû 11:18

Andû a ndûrîrî nîmaang'ûrîkire nîûndû îvinda nîrîkinyu rîa kwonania marakara maku, na îvinda rîa gûtuîra arîa akuû. Îvinda nîrîkinyu rîa kûva ndungata ciaku iveo na nîo arathi, andû arîa atheru, arîa onthe magwîtigagîra anene wa na arîa anini. Îvinda nîrîkinyu rîa kûûraga arîa macûkangagia nthî!”

Kûguû 13:10

Mûndû wa wonthe ûrîa ûtuîrîtwe kwovwa njeera, nwa nginya ovwe. Mûndû wa wonthe ûtuîrîrîtwe kûûragwa na rûviû, nwa nginya aûragwe na rûviû. Ûguo nîkuga andû a Ngai magîrîrwe nî kûmîrîria na kûgîa na wîtîkio.”

Kûguû 13:15

Nyamû ya kaîrî nîyetîkîrîtue îveverere mûviano wa nyamû ya mbere mîvevû ya gûtûma ûgîe mwoyo. Yekire ûguo nîguo mûvuanano ûcio warie, na mûndû wa wonthe ûtakaaûgooca aûragwe.

Kûguû 18:20

Mue arîa onthe mûtûûraga îgûrû, kenani! Andû a Ngai, atûmwa na arathi Kenani! Nîûndû Ngai nîarîtuîrîrîte nîûndû wa maûndû marîa rîekire kûrî mue.

Kûguû 18:24

Ngai nîwaverithirie Babuloni nîûndû nthakame ya arathi, na andû a Ngai na arîa onthe manaûragwa nthî, yonekire îtûûrarî rîu înene.

Kûguû 19:2

Nîûndû atucanagîra ciira na ûma na kîvooto! Ke nîatuîrîrîte ciira mûmaraa ûrîa watûmire andû a nthî meka maûndû macûku ma ûtharia. Ngai nîamûverithîtie nîûndû ke nîwaûragire ndungata ciake.”