Kûguû 15:8 - ÎVUKU RÎA ÛVORO MWARO

⁸ Nayo hekarû nîyecûrirwe nî ndogo kuuma kûrî riiri na vinya wa Ngai. Gûtirî mûndû ûngîavotire gûtonya hekarûrî îo nginya rîrîa mavera mau mûgwanja marîa maaretirwe nî araika acio mûgwanja maathirire.

Kûguû 15:8 ပူးပေါင်းရင်းမြစ်များ

Thaburi 29:9

Mûgambo wa Ngai-Mûnene nî winainagia mîtî ya mîvuru, nîûtûmaga mathangû ma mîtî mûtitûrî metîke, nao andû onthe hekarûrî yake nîmaugagîrîria atîrî, “Ngai arokumua!”

Ntha 19:18

Nakîo kîrîma kîonthe gîa Sinai nîgîakunîkîtwe nî ndogo nîûndû Ngai-Mûnene aanyûrûrûkîte arî mwakirî agîûka îgûrû rîa kîrîma. Nayo ndogo yaunûkagia ta ndogo ya îtogi rînene, na andû nîmaatetemaga nî guoya.

Isaia 6:4

Mîgambo yao nîyatûmire mîcingi ya hekarû inaine, nayo hekarû îgîcûra ndogo.

Jeremia 15:1

Ngai-Mûnene nîwacokire akîmbîra atîrî, “Wana Musa na Samueli mangîrûngama mbere yakwa, nie ndingîguîra andû aya ntha. Meere mathiî maume mbere yakwa.

Maca 3:44

Wîthithîte na îtu rînene, nîguo mavoya metû matigagûkinyîre.

Alawi 16:2

Nîwamwîrire atîrî, “Îra mûrwanyûkwe Aroni ndagaûkage vandû varîa vatheru Mûno vuva wa gîtambaa wa rîrîa akwenda, nwatî aûkage vîndî îrîa mbagîrîru, nîûndû vau nîvo mbîthagîrwa nîrî îgûrû rîa gîkunîko Kîam îthandûkû rîa kîrîkanîro. Arega kûmbathîkîra nîagaakua.

Aroma 11:33

Na kaî ûtonga wa Ngai nî mûnene-î! Na kaî ûûgî wake na ûmenyo nî mûrikîru-î! Nû ûngîtaarîria matua make? Nû ûngîmenya njîra ciake?

2Ath 1:9

Nao nîmakaathînîka nîûndû Ngai nîakaamaverithia tene na tene. Nîmakaaigwa varaca na Mwathani na varaca na riiri wa ûnene wake.

Kûguû 15:1

Nînaacokire ngîona ûrirû wîngî mûnene na wa magegania ûrî îgûrû. Kwarî na araika mûgwanja maarî na ûvoti wa gûtûma nthî îgîe na mavera mûgwanja ma mûthiia. Namo makoonania mûthiia wa marakara ma Ngai.

Kûguû 21:11

rîgîkengaga nî riiri wa Ngai. Îtûûra rîu rîakengete ta îthiga rîa goro, kana ta gîcicio na rîrî rîtheru ta îra.