Kûguû 14:8 - ÎVUKU RÎA ÛVORO MWARO

⁸ Mûraika wa kaîrî nîwarûmîrîre ûrîa wa mbere. Nake nîwaugîrîrie atîrî, “Babuloni nî îgwîte, îtûûra rîrîa rînene rîa Babuloni nî rîgwîte. Nîyatûmire andû arîa matûûraga gûkû nthî mevia. Maavanire ta maavetwe ndivei manyue îrîa îgaatûma Ngai amaverithia.”

Kûguû 14:8 ပူးပေါင်းရင်းမြစ်များ

Isaia 13:1

Îno nî ndûmîrîri îgiî Babuloni îrîa Isaia, mûvîcî wa Amozu oonirue nî Ngai.

Isaia 21:9

Taroria maûkîte matwîte mbarathi, na marî aîrî kwa aîrî. Mûrangîri ûcio nîwacokire akiuga atîrî, “Babuloni nîngwîu! Mîvuanano yonthe ya ngai ciakuo nîmiunange na îkagwîthua nthî.”

Jeremia 50:1

Ûvoro wîgiî Babuloni na vûrûri wa Akalidei, Ngai-Mûnene nîwaririe na mûrathi Jeremia akiuga atîrî,

Jeremia 51:64

na uge atîrî, ‘Ûguo nîguo vûrûri wa Babuloni ûkaavorokera na ndûgaacoka kuumîra rîngî nîûndû wa mûthiro ûrîa nie Ngai-Mûnene ngûûretera.’ ” Ûyû nîguo mûthiia wa ciugo cia Jeremia.

Danieli 4:30

nîwaugire atîrî, “Ta roria îtûûra rîîrî rînene ûguo rîa Babuloni! Nînie nîrîtumîte nîguo monanie vinya, ûvoti riiri na wathani wakwa.”

Nahumu 3:19

Gûtirî mûndû wa kûvonia ngurara ciaku, na ironda ciaku itingîvona. Arîa onthe megucaga ûvoro waku, nîmavûravûra mvî nî gûkena. Nî mûndû ûrîkû waûrire waganu waku ûcio ûtarî mûthiia?

Kûguû 11:8

Nacio ciimba ciao nîikaamama njîrarî ya îtûûra rîrîa rînene kûrîa Mwathani wao ambîîrwe. Na rîo rîîtwa rîa ngerekano rîa îtûûra rîu nî Sodomu, kana Misiri.

Kûguû 16:19

Narîo îtûûra rîrîa rînene nîrîagaûkanire icunjî ithatû. Namo matûûra marîa mengî manene nthî nîmanangîkire. Nake Ngai nîwaririkanire îtûûra rîrîa înene rîtagwa Babuloni, na agîtûma rînyue ndivei kuuma gîkomberî gîake Kîam marakara.

Kûguû 17:18

“Mûndûmûka ûrîa wonire nî îtûûra rîrîa rînene rîrîa rîathaga athamaki a nthî.”

Kûguû 19:2

Nîûndû atucanagîra ciira na ûma na kîvooto! Ke nîatuîrîrîte ciira mûmaraa ûrîa watûmire andû a nthî meka maûndû macûku ma ûtharia. Ngai nîamûverithîtie nîûndû ke nîwaûragire ndungata ciake.”