Kûguû 14:4 - ÎVUKU RÎA ÛVORO MWARO

⁴ Andû acio nî arîa mataanamenyana kîîmwîrî na aka; o nî athingu. Marûmagîrîra Gatûrûme kûrîa kuonthe akûthiî. Ngai nî amakûûrîte kuuma kûrî andû acio engî, na nîmaatuîkîte maciaro ma mbere kûvecanwa kûrî Ngai na kûrî Gatûrûme.

Kûguû 14:4 ပူးပေါင်းရင်းမြစ်များ

Thaburi 45:14

Avirîtwe kûrî mûthamaki nî ndungata ciake cia erîtu, ekîrîte nguo ya marangi meengî, wanao mavirîtwe kûrî mûthamaki.

Thaburi 74:2

Ririkana andû arîa wathuurire magîtuîka aku kuuma tene, arîa wakûûrire kuuma ûkomborî matuîke mûvîrîga waku kîûmbe. Ririkana Kîrîma gîa Zayuni, kûrîa watûûraga.

Rwîmbo rwa Nyîmbo 1:3

Maguta marîa wîvakîte maranunga waro mûno, narîo rîîtwa rîaku nîta maguta manungi waro metûrûrîtwe. Kwoguo erîtu onthe nîmakwendete.

Rwîmbo rwa Nyîmbo 6:8

Mûthamaki nîavikie aka mîrongo îtandatû na aka akwigwa mîrongo înana, na agîe na erîtu matangîtarîka.

Jeremia 2:3

“Isiraeli, nie nînakwamûrîte, warî maciaro ma mbere ma maketha makwa, arîa onthe maagwîkire naaî nînamaverithirie, ngîtûma magwatwe nî maûndû macûku, ûguo nîguo nie Ngai-Mûnene nîrauga.”

Amosi 6:1

Kaî arîa mekaraga Zayuni magangarîte marî na thîna-î, na arîa megucaga marî agitîre marî kîrîmarî gîa Samaria, mue atongoria a rûrîrî rûnene rwa Isiraeli, kûrîa andû mathiîcaga gûcaria ûtethio!

Mathaayo 19:12

Nî kûrî itûmi ngûrani irîa igiragia andû amwe mavikanie: andû amwe maaciarirwe marî ngaramba, engî nî andû maamatuire ngaramba, nao engî maregaga kûvikania nîûndû wa Ûthamaki wa Ngai. Mûndû ûrîa ûngîvota kwamûkîra kîthomo gîkî, nîakîamûkîre.”

Mathaayo 25:1

“Vîndî îo Ûthamaki wa îgûrû ûkaagerekanua na erîtu îkûmi arîa moocire mataa mao nîguo magatûnge mûvikania.

Mathaayo 8:19

Nake mwarimû ûmwe wa watho nîwathiîre kûrî Jesû na akîmwîra atîrî, “Mwarimû, nie nînîvarîrîtie kûthiî nawe wa kûndû kuonthe kûrîa ûkûthiî.”

Johana 10:27

Ng'ondu ciakwa nîithikagîrîria mûgambo wakwa; nie nînîciîcî na nîinûmagîrîra.

Johana 12:26

Mûndû wa wonthe ûndungatagîra nwa nginya anûmîrîre nîguo varîa nîrî ndungata yakwa îthagîrwe nîvo îrî wa nayo. Nake Vava agaatîîaga mûndû wa wonthe ûrîa ûndungatagîra.

Johana 13:37

Nake Petero nîwamûûririe atîrî, “Mwathani, nîndûî gîkûgiria ngûrûmîrîre rîu, na nie nîrî mwîvarîriu gûkua nîûndû waku?”

Johana 8:12

Jesû nîwarîrie Afarisai rîngî akîmeera atîrî, “Nie nînie ûtheri wa nthî. Mûndû wa wonthe ûnûmagîrîra nîakûgîa na ûtheri wa mwoyo na ndakaathiîcagîrîra ndumarî.”

Ciîko 20:28

Kwoguo îîmenyagîrîreni na mûmenyagîrîreni ndîthia îrîa Roho Mûtheru amûtuîte amenyereri a yo. Îthagîrwani mûrî arîthi a kanitha wa Ngai, ûrîa ke aatwire wake na njîra ya gîkuû Kîam Mûriû wake.

1Akor 16:15

Mue ariû na aarî a îthe wetû, nîmwicî ûvoro wîgiî Stefana na andû a mûciî wake. Nîmwicî atî nîo maarî a mbere gwîtîkia îtûûrarî rîa Akaia na atî nîmevecanîte matungatîre andû a Ngai. Nie nîramûthaitha

1Akor 6:20

Mwagûrirwe na thogora wa goro. Kwoguo tûmîrani mîîrî yenyu na njîra îgûtûma Ngai agoocithue.

1Akor 7:28

Nwatî ethîrwa mûndû nîavikanîtie, ndavîtîtie. Ethîrwa mwîrîtu nîagûtua atî nîakûvika, ndavîtîtie. Nwatî andû arîa mavikanîtie nîmagîcaga na mathîna ma gûkû nthî, na nîmo nîramûgitîra kûrî mo.

2Akor 11:2

Nînîramwîguîra wîru wata ûrîa Ngai amwîgucagîra, nîûndû mue mwîkariî ta mwîrîtu nthingi ûrîa nerîrîre akaavikua nî mûthuuri ûmwe, na nîke Jesû Kristû.

Aefeso 1:14

Roho nîke ûtûmenyithagia na ma atî nîtûkaagîa na kîrîa Ngai eerîre andû ake. Ke nîatwonagia na ma atî Ngai nîakaavecana wîyathi mwîganu kûrî arîa ake. Tigani tûkumie riiri wake!

Aefeso 5:27

Aakwire nîguo egîîre na kanitha wîkariî ta mûviki, ûrî na riiri na mûtheru, na ûtarî na îvîtia, wîvia, naaî kana ûcûku wana ûrîkû.

1Tim 4:3

Andû acio mathomithanagia atî nî naaî kûvikania na nî naaî kûrîa irio cia mîthemba îmwe na îmwe. Nwatî Ngai aaûmbire irio cionthe irî mbaro nîguo irîcagwe vuva wa gûcokia ngatho kûrî Ngai. Ciagîrîrwe nî kûrîwa nî etîkia arîa mamenyete ûvoro wa ma.

Ahib 12:23

Nîmûkîte kîgomanorî Kîam andû arîa akenu, na nîo marikithathi ma Ngai. Marîîtwa mao nîmandîkîtwe kûu îgûrû. Nîmûkîte kûrî Ngai ûrîa ûtucagîra andû onthe, na kûrî maroho ma andû arîa athingu arîa maatwirwe akinyanîru.

Jakuvu 1:18

Ngai nîke wendire tûgîe kuo na njîra ya kiugo Kîam ma, nîguo tûtuîke a vata gatagatîrî ga ciûmbe ciake cionthe.

1Pet 2:9

Nwatî mue mûrî rûrîrî rûthuure, athînjîri-Ngai a mûciî wa mûthamaki, rûrîrî rûtheru na rwa andû a Ngai. Mwathuurirwe mwanagîrîre ûvoro wîgiî ciîko cia magegania cia Ngai. Ke nîke wamwîtire muume ndumarî na mûkinye ûtherirî wake wa magegania.

Kûguû 17:14

Athamaki acio na nyamû nîmakaarûa na Gatûrûme. Nake Gatûrûme arî vamwe na arîa Ngai etîte, akamathuura na nî arûmîrîri evokeku, nî akaamavoota, nîûndû ke nî Mwathani wa aathani na Mûthamaki wa athamaki.”

Kûguû 21:22

Nie ndiona hekarû îtûûrarî rîu înene. Hekarû yarîo nî Mwathani Ngai mwene vinya wonthe na Gatûrûme.

Kûguû 21:23

Îtûûra rîu înene rîtiarî na vata wa riûa kana mweri wa kûrîmûrîkîra, nîûndû riiri wa Ngai na wa Gatûrûme nîguo warîmûrîkagîra na taa warî Gatûrûme.

Kûguû 3:4

Nwatî kûrî na andû anini gatagatîrî kenyu kûu Saridi maigîte nguo ciao irî ntheru. Andû acio nîmakaathiîcania nanie mekîrîte nguo cia rangi njerû, nîûndû o nî agîrîru.

Kûguû 5:9

Nacio ciûmbe icio na athuuri acio nîmaainire rwîmbo rûcerû makiugaga atîrî: “We ûrî mwagîrîru wa gwoca îvuku rîa gîkûnjo na ûtumûre ndumo ciarîo. Nîûndû we nîwaûragirwe, na njîra ya nthakame yaku we nîwagûrire andû a Ngai kuuma mîvîrîga yonthe, nthiomi cionthe, mavûrûri monthe na iruka cionthe.