Kûguû 14:1 - ÎVUKU RÎA ÛVORO MWARO

¹ Ngîcoka ngîroria ngîona Gatûrûme arûngamîte kîrîmarî gîa Zayuni îgûrû. Na vau aarî vaarî na andû ngiri îgana na mîrongo îna na inya. Acio nî arîa maarî na rîîtwa rîake na rîa îthe mandîkîtwe mothiûrî mao.

Kûguû 14:1 ပူးပေါင်းရင်းမြစ်များ

Thaburi 2:6

“Nîmbigîte mûthamaki ûrîa nthurîte, nîmwigîte Zayuni, kîrîmarî gîakwa kîtheru.”

Isaia 49:14

Nwatî Zayuni aaugire atîrî, “Ngai-Mûnene nîandiganîrîtie, Mwathani wakwa nîariganîrîtwe nînie.”

Jeremia 1:11

Ngai-Mûnene nîwambîrire atîrî, “Jeremia nîndûî ûrona?” Nanie nînamûcokerie atîrî, “Nîrona rûvûa rwa mûtî wa mûrothi.”

Ezek 1:4

Nînacokire ngîroria na ngîona rûkûngi rûnene rûkîte kuuma na mwena wa rûgûrû na kûrî na îtu rînene rîaumaga mveni na mwaki ûtaavoraga. Gatagatî ka mwaki ûcio kwarî na kîndû Kîamvenagia ta cuuma ya gîcango.

Ezek 10:1

Nînacokire ngîroria, na kûu mûtambarûkorî wa matu îgûrû rîa ciongo cia Akerubi, na ngîona kîndû Kîam rangi wa vururu na gîekariî ta gîtî Kîam ûthamaki.

Ezek 10:9

Nînaroririe na ngîona varî na nthugû inya mwena wa Akerubi, wa nthugû îmwe mwena wa Kerubi ûmwe. Nthugû icio ciavenavenagia ta îthiga rîa goro.

Ezek 2:9

Rîrîa naroririe, nonire njara îtambarûkîtue na kûrî nie îrî na îvuku rîa gîkûnjo rîrî rîandîke.

Ezek 44:4

Mûndû ûcio nîwacokire akîmbira mwena wa mbere wa hekarû tûvîtûkîrîrîte mûrangorî wa mwena wa rûgûrû. Nînaroririe na ngîona hekarû îcûrîte riiri wa Ngai-Mûnene, ngîcoka ngîturumithia ûthiû wakwa nthî.

Ezek 8:7

Nîwacokire akîmvira mûromorî wa kîvaro, na rîrîa naaroririe nînonire îrima rûthingorî.

Ezek 9:4

na akîmwîra atîrî, “Vîtûkanîria îtûûrarî rîonthe rîa Jerusalemu na wîkîre rûûri mothiûrî ma andû onthe arîa maracaya na mararîra nîûndû wa maûndû marîa macûku marekwa îtûûrarî.”

Danieli 12:5

“Nwatî nie, Danieli nînaroririe ngîona andû aîrî marûngamîte rûtere rwa rûnjî, ûmwe arî mwena ûmwe nake ûcio wîngî, mwena ûcio wîngî.

Joeli 2:32

Nwatî andû onthe arîa makaavoya Ngai-Mûnene amatethie, nîmakaavonokua. Nîûndû kîrîma gîa Zayuni na Jerusalemu, nîgûkethîrwa na ‘andû makaavonoka, arîa magaatigara nî arîa nie nthurîte, ta ûrîa mbugîte nie Ngai-Mûnene.’ ”

Amosi 8:2

Ngai-Mûnene nîwacokire akîmbîra atîrî, “Amosi, nî ndûî ûrona?” Na nie nînamûcokerie atîrî, “Nîrona matunda ma vîndî ya riûa mecûrîte gîkavurî.” Nake Ngai-Mûnene nîwacokire akîmbîra atîrî, “Mûthiia wa andû akwa a Isiraeli nîwakinya, ndingîricûkwa rîngî ûvororî wîgiî kûmaverithia.

Mika 4:7

Andû acio ithua nîo magatigara marî mwoyo, nao arîa maavirirwe îthamîriorî matuîke rûrîrî rûrî na vinya. Nanie nîngaamathaga nîrî kîrîmarî gîa Zayuni kuuma vîndî îo nginya tene na tene.”

Zakaria 4:2

Nake nîwambûririe atîrî, “Nîndûî ûrona?” Nanie nînaamûcokerie atîrî, “Nînîrona vandû va kwigîrîra taa varûthîtwe na thaavu na îgûrû rîavo vaigîtwe mbakûri. Îgûrû rîa vandû vau vaarî na taa mûgwanja na wa taa îrî na vandû va gwîkîra rûtambi.

Luka 12:8

“Nîramwîra na ma atî mûndû wa wonthe ûnyumbûraga mbere ya andû, wana Mûrû wa Mûndû nîakaamumbûra mbere ya araika a Ngai.

Aroma 9:33

Wa ta ûrîa kwandîkîtwe Mandîkorî Matheru atîrî: “Taroriani, kûu Zayuni nî ngwiga îthiga rîrîa rîkaavînga andû, îthiga rîrîa rîgaatûma andû magûe. Nwatî mûndû wa wonthe ûmwîtîkîtie ndagaaconorithua.”

Kûguû 14:14

Nie nînaacokire ngîroria na ngîona îtu rîcerû. Na vau îtuurî rîu rîcerû nîveekarîte kîndû gîekariî ta mûndû. Kîndû kîu Kîamvuana ta mûndû, Kîamrî na ngovia ya thaavu kîongo, na njararî yakîo nîkîagwete kaviû ga gûketha.

Kûguû 14:3

Andû acio ngiri îgana na mîrongo îna na inya (144,000) nîmaarûngamîte mbere ya gîtî Kîam ûnene, mbere ya ciûmbe irîa irî mwoyo inya, na mbere ya athuuri. Nao nîmaainaga rwîmbo rûcerû rûrîa tu nwa o mangîarûmenyire. Acio nî arîa maarî akûûre.

Kûguû 15:5

Vuva wa ûguo, nînaroririe, na ngîona hekarû ya îgema rîa ûira îrîa îrî îgûrû îvingûrîtwe.

Kûguû 22:4

Nao nîmakoona ûthiû wa Ngai, na rîîtwa rîake nî rîkaandîkwa mothiûrî mao.

Kûguû 3:12

Arîa makavootana, nîngaamatua itugî cia hekarû ya Ngai wakwa na matikaauma kuo. Nîngaamandîka rîîtwa rîa Ngai wakwa na nîmandîke rîîtwa rîa îtûûra rîa Ngai wakwa. Îtûûra rîu nîrîo Jerusalemu njerû, îrîa îkanyûrûrûka. Îkanyûrûrûka kuuma îgûrû kûrî Ngai wakwa wana nîngaamandîka rîîtwa rîakwa rîcerû.

Kûguû 4:1

Vuva wa ûguo nie nînagîre na kîoneki kîngî, nînoonire mûrango ûrî mûvingûre kûu îgûrû. Naguo mûgambo wa ûrîa neguîte ûkîmbarîria na mûgambo ta wa karumbeta, nîwambîrire atîrî, “Unûkia ûûke ava, nanie nîngûkwonia maûndû marîa mageekîka vuvarî.”

Kûguû 6:8

Nînaroririe na ngîona mbarathi ya rangi îno nthererûku. Nake ûrîa wathiîte amîkarîrîte eetagwa Gîkuû na Vûrûri wa arîa akuû nîwamûrûmîrîrîte. Nao nîmaaveerwe ûvoti wa kwatha kîmwe gîa icunjî inya cia nthî nîguo maûrage andû na njîra ya mbaara, yûra, mîrimû, na nyamû cia kîthaka.