Kûguû 12:9 - ÎVUKU RÎA ÛVORO MWARO

⁹ Nayo njûnamatu îo nene na araika a yo nîmaaikirue nthî kuuma îgûrû - îo nîyo njoka ya tene, îrîa îtagwa Ngoma, kana Caitani ûrîa ûveenagia andû onthe a nthî.

Kûguû 12:9 ပူးပေါင်းရင်းမြစ်များ

Kîam 3:1

Njoka yarî na wara gûkîra nyamû irîa ciîngî cionthe cia kîthaka irîa Ngai-Mûnene, Ngai aaûmbîte. Njoka nîyaûririe Mûndûmûka atîrî, “Nîkwa Ngai aamwîrire mûtikaarîe matunda ma mûtî wana ûrîkû mûgûndarî ûyû?”

Kîam 3:13

Ngai-Mûnene, Ngai nîwaûririe mûndûmûka ûcio atîrî, “Wîkire ûguo nîkî?” Nake Mûndûmûka nîwamûcokerie atîrî, “Nî njoka îmvenererie narîrîa.”

1Maû 21:1

Caitani nîwavangire kûretera andû a Isiraeli thîna na nîwatûmire Daudi atare andû a Isiraeli.

2Maû 18:21

Nake roho nîwacokirie atîrî, ‘Nîngaathiî na ndûme arathi onthe a Ahabu maveenanie.’ Nake Ngai-Mûnene nîwamûcokerie atîrî, ‘Thiî ûkamûthaîrîrie, na nîûkaavootana.’ ”

Thaburi 109:6

Thuura mûcirithania mwaganu wa gûcirithia nthû yakwa, tiga mûmûthitangi amûvire îgootirî.

Isaia 14:12

“We wakengaga ta njata ya kîraûko, na kaî wî mûgwîu na vinya kuuma îgûrû-î! We wavootire mavûrûri, nwatî rîu ûrî mûgwîthie nthî-î!

Isaia 27:1

Mûthenya ûcio, Ngai-Mûnene nîagooca rûviû rwake rûrîa rûnene na averithie Leviathani, njoka îrîa îgûrûkaga, njoka îrîa îîthioraga, na aûrage njûnamatu îrîa îtûûraga îriarî.

Isaia 65:25

Ciathi na ng'ondu ikaarîcaga vamwe; mînyambû îkaarîcaga nyaki ta ndegwa, nacio njoka ikaarîcaga mûthetu. Kûu kîrîmarî gîakwa kîonthe kîrîa kîtheru, gûtirî mûndû ûgaativia kana acûkangie ûrîa wîngî.”

Ezek 28:16

Warî na wîra mwîngî wa kûgûra na kwendia indo na ûkîambîrîria gwîka maûndû na vinya na ûndû ûcio ûgîtûma wîvie. Kwoguo nînaakûvinyûririe ta kîndû kîrî mûgiro nîguo ume kîrîmarî Kîam Ngai. Na mûraika ûrîa wakûrangagîra nîwakûvinyûririe ûkiuma mathigarî marîa maavenavenagia.

Mathaayo 13:39

Nayo nthû îrîa yavandire ria nî Ngoma. Vîndî ya maketha nayo nî îthirîro rîa nthî; nao akethi nî araika.

Mathaayo 24:24

Nîûndû Mesaya a maveeni na arathi a maveeni nîmakeyumîria. Nîmakoonania ciama na morirû nîguo mangîvota mavîtithie andû arîa Ngai ethuurîrîte.

Mathaayo 25:41

“Mûthamaki nîagaacoka ere arîa makeethîrwa marî mwena wake wa ûmotho atîrî, ‘Nthengutîrani ava, mue arîa arume nî Ngai! Thiîni mwakirî wa tene na tene ûrîa ûthondekeretwe Ngoma na araika ake.

Mathaayo 4:1

Na vuva wa ûguo Jesû nîwavirirwe nî Roho werûrî nîguo akagerue nî Ngoma.

Mathaayo 4:10

Nake Jesû nîwamîrire atîrî: “Uma varî nie Caitani! Mandîko matheru maugîte atîrî, ‘Goocaga Mwathani Ngai waku na ûmûtungatagîre wa ke wenga.’ ”

Mathaayo 4:5

Nayo Ngoma îo nîyacokire îkîvira Jesû îtûûrarî rîrîa rîtheru rîa Jerusalemu, na îkîmûrûngamia gacûmbîrî ga hekarû.

Mathaayo 4:8

Nayo Ngoma îo nîyacokire îkîvira Jesû kîrîmarî kîraca mûno na îkîmwonia mothamaki monthe ma nthî, ûnene na ûthaka wamo.

Luka 10:18

Nake Jesû nîwamacokerie atîrî, “Nie nîronire Caitani akîgwa nthî wa rîmwe kuuma îgûrû wata ûrîa rûveni rûvenûkaga.

Luka 13:16

Mûndûmûka ûyû wa rûciaro rwa Iburahimu arathirîtie mîaka îkûmi na înana ovetwe nî Caitani. Anga tî kwagîrîru mûndûmûka ûyû wa nake avonue mûthenya wa thavatû?”

Luka 22:3

Caitani nîwatonyire Judasi ûrîa wetagwa Mûsikariota na ûrîa warî ûmwe wa arutwa arîa îkûmi na aîrî a Jesû.

Luka 22:31

Jesû nîwacokire akiuga atîrî, “Simoni, Simoni! Tathikîrîria! Caitani nîmûve rûtha rwa kûmûgeria muonthe na acagûranie andû arîa aro kuuma kûrî arîa acûku, wata ûrîa mûrîmi acagûranagia ngano kuuma kûrî macaki.

Luka 8:12

Mbeû irîa ciagwîre gacîrarî nî andû arîa megucaga ndûmîrîri ya Ngai, nwatî Ngoma akathiî kûrî o na akathengutia ndûmîrîri îo kuuma ngororî ciao nîguo matigetîkie na matikavonokue.

Johana 12:31

Rîrî nî îvinda rîa gûtuîra andû a gûkû nthî ciira, na rîu mûnene wa gûkû nthî nîakwîngatwa.

Johana 14:30

Ndikwaria namue mûno rîngî îvinda îraca, nîûndû mûnene wa gûkû nthî nîaûkîte. Ke ndangîvota kûmbatha,

Johana 16:11

Mavîtîtie ûvororî wîgiî gûtuîra ciira nîûndû mûnene wa gûkû nthî nîarîkîtie gûtuîrwa.

Johana 8:44

Mue mûrî ciana cia îthe wenyu Ngoma na mwendaga gwîka maûndû wata marîa îthe wenyu endaga gwîka. Kuuma wa Kîammbîrîria ke aarî mûragani na ndaanenda ûvoro wa ma nîûndû ke ndaanaria ûvoro wa ma. Rîrîa araria maveeni ethagîrwa akîaria kîrîa tu kîrî ngororî yake, nîûndû ke nî mûthaani na nîke îthe wa maveeni.

Ciîko 26:18

Nîngûtûma ûthiî ûkamavingûre metho nîguo maume ndumarî maûke kûrî ûtheri, na maume vinyarî wa Caitani maûke kûrî Ngai. Na nîûndû wa kûmbîtîkia makovagîrwa mevia mao na makaavewa îgai vamwe na andû arîa Ngai athuurîte.’

Ciîko 5:3

Nake Petero nîwamûûririe atîrî, “Anania, ûretîkîrie Caitani atonye ngororî yaku nîkî, agîtûma ûveenie Roho Mûtheru na wîtigarîrie mbeca imwe kuuma kûrî irîa ûronire wendia mûgûnda?

Aroma 16:18

Nîûndû andû arîa mekaga maûndû ta mau matungatagîra mavu mao, nwatî tî Mwathani wetû Jesû Kristû. Na njîra ya ciugo ciao mbaro na mîario yao îrî na mûrîo, andû acio nîmaveenagîrîria andû arîa marî ngoro mvûthû.

Aroma 16:20

Nake Ngai, ûrîa ûvecanaga thayû, îvinda rîtarî îraca nîakaavoota Caitani na amûve wathani îgûrû rîake. Wega wa Mwathani wetû Jesû Kristû ûrogîa namue.

2Akor 11:14

Ûndû ûyû ndûtûmakagia! Wana Caitani nîwîgarûraga onekane ta mûraika wa ûtheri.

2Akor 11:3

Nînîretigîra atî mwavota kûveenererua wata ûrîa njoka yavenererie Awa na mûtiganîrie ûma na wîrutîri wenyu kûrî Kristû. Na njîra ta îo Awa nîwaveenirue nî njoka na njîra ya wara wayo.

2Akor 12:7

Nwatî nîguo ndigetîîe mûno nîûndû wa maûndû mengî ma magegania marîa noonirue, nie nînaverwe mwîgua ûrî na ûrûrû mûno mwîrîrî wakwa. Naguo mwîgua ûcio ûrutaga wîra ta mûnjaama wa Caitani nîguo ûnthînagie na ûngiragie gwîtîîa mûno.

2Akor 2:11

Nie nekire ûguo nîguo Caitani ndagatûvoote nîûndû nîtwîcî mîvango yake nî îrîkû.

2Akor 4:4

O matiîtîkagia nîûndû meciria mao nîmaigîtwe ndumarî nî ngai wa maveeni ûrîa wathaga nthî îno. Ke nîamarigîrîrîtie matikone ûtheri ûrîa umanaga na ûvoro mwaro wa riiri wa Kristû ûrîa arî ke mûvuanîre wa Ngai.

Aefeso 4:14

Tûtigaacoka gûtuîka ta ciana irîa cikanagua na mbere na igaikanua na vuva na ikaveenererua nî arimû a maveeni a mîthemba yonthe. Acio nîo mavîtithagia andû arîa engî nîûndû wa mawara marîa matungîte.

2Ath 2:3

Mûtikaanaveenue nî mûndû na ûndû wana ûrîkû. Nîûndû Mûthenya wa Mwathani ndûgaakinya mbere ya îvinda rîa andû kûregana na Ngai rîkinye na mûndû mwaganu eyonanie, ûrîa Ngai agaacûkangia îcuarî.

1Tim 2:14

Adamu ndaaveenua nî mûndûmûka waveenirue na akîvia.

2Tim 3:13

Nwatî andû arîa aganu na arîa maveenanagia nîkwa makaathiîcaga na mbere gûcûka. Andû acio makaaveenanagia na makîveenagua.

Ahib 2:14

Nîûndû ciana ino nî andû marî na mwîrî na nthakame, Jesû ke mwene nîwatuîkire mûndû wata o. Aatuîkire mûndû nîguo na njîra ya gîkuû gîake, athirie vinya wonthe wa Ngoma îrîa îthagîrwa îrî na ûvoti îgûrû rîa gîkuû.

1Pet 5:8

Îkaragani mwîîguîte na mwîvarîrîtie! Nthû yenyu, na nîke Ngoma, araûrûra akîraramaga ta mûnyambû agîcaragia mûndû wa gûcûkangia.

1Joh 5:19

Nîtwîcî atî tûrî a Ngai wana ethîrwa nthî yonthe îrî rungu rwa wathani wa Ûrîa Mûcûku.

Juda 1:9

Wana nginya Mikaeli mûraika ûrîa mûnene ndeeka ûguo. Rîrîa Mikaeli aakararanagia na Ngoma ûvoro wîgiî ûrîa wagîrîrwe nî kûnengerwa mwîrî wa Musa, Mikaeli ndaaûmîrîria gûcokeria Ngoma na ciugo cia kûmûruma, nwatî aamwîrire atîrî, “Mwathani arogûkaania!”

Kûguû 12:12

Kwoguo kenani mue muonthe arîa mûtûûraga îgûrû! Nwatî kaî arîa matûûraga gûkû nthî na îriarî nîmakethîrwa na thîna-î! Nîûndû Ngoma nîanyûrûrûkîte kûrî mue. Ke nî mwîcûre nî marakara, nîûndû nîaicî atî kavinda gake karîa gatigarîte nî kanini.”

Kûguû 12:3

Naguo ûrirû wîngî na wa magegania nîwaumîrire kûu îgûrû. Nî kwarî na njûnamatu nene ya rangi ndune na yarî na ciongo mûgwanja na wa kîongo Kîamyo Kîamrî na nthûmbî. Wana nîyarî na mvîa îkûmi.

Kûguû 12:7

Nakuo îgûrû nîgwacokire gûkîgîa na mbaara. Mikaeli na araika ake nîmaarûire na njûnamatu îrî vamwe na araika a yo.

Kûguû 12:8

Nwatî njûnamatu nîyavootirwe, nayo vamwe na araika a yo matietîkîrua gwîkara îgûrû rîngî.

Kûguû 13:14

Nayo nîyavenirie andû onthe na njîra ya ciama irîa yaringire îrî mbere ya nyamû îrîa ya mbere. Nyamû îo ya kaîrî nîyathanire andû matume mûviano wa nyamû îrîa ya mbere îrî njîra ya kûmîva gîtîîo. Nyamû îo nî yagurarîtue na rûviû, nwatî yarî mwoyo.

Kûguû 16:14

Ngoma icio nî ndaimono irîa irî na vinya wa kûringa ciama. Nacio ngoma icio nîciathiîcaga kûrî athamaki onthe a nthî, ikamareta vamwe nîûndû wa mbaara ya mûthenya ûrîa mûnene wa Ngai mwene vinya wonthe.

Kûguû 18:2

Nake nîwaugîrîrie na mûgambo mûnene atîrî: “Nî rîgwîte, Babuloni îtûûra rîrîa rînene nî rîgwîte! Nî rîtuîkîte gîîkaro Kîam ndaimono na îkurungu rîa roho mûcûku, na iconi cionthe njûku na irî mûgiro itûûraga kuo.

Kûguû 18:23

Gûtirî vîndî andû makoona ûtheri wa taa ûkîmatherera kuuma kûrî we rîngî, na gûtirî vîndî mîgambo ya aviki na avikania îkeeguuwa kuuma kûrî we. Nîûndû avûri mbiacara aku nîo maarî itonga nene cia nthî, nwatî nîwaveenererie mavûrûri monthe na ûragûri waku!”

Kûguû 19:20

Nayo nyamû nîyanyitirwe wa vamwe na mûrathi wa maveeni ûrîa waringaga ciama îrî vo. (Na njîra ya ciama icio, mûrathi ûcio wa maveeni nîwavîtithirie arîa maarî na rûûri rwa nyamû na maagoocete mûvuanano wayo.) Nyamû îo na mûrathi ûcio wa maveeni nîmaaikirue marî mwoyo îriarî rîa mwaki ûrîa wakanaga na ûviriti.

Kûguû 2:13

Nie nîmbîcî we ûtûûraga kûrîa Caitani arî na gîtî gîake Kîam ûthamaki. We ûrî mwîvokeku kûrî nie, na ndwatiganîria wîtîkio waku kûrî nie wa na vîndî îrîa Anitipa aaûragirwe. Anitipa aarî mûira wakwa ûrîa waûragirwe arî îtûûrarî rîu rîenyu kûrîa Caitani atûûraga.

Kûguû 2:24

“Nwatî acio engî gatagatîrî kenyu arîa marî kûu Thîatira matiîthîrîtwe makîrûmîrîra kîthomo kîu Kîam maveeni na matimenyete maûndû marîa andû amwe metaga ‘nthitho irîa ndikîru cia Caitani.’ Nie nîramwîra atî ndikûmwigîrîra mûrigo wîngî.

Kûguû 2:9

Nie nîmbîcî mathîna maku na nîmbicî maûndû macûku marîa andû amwe maragia mamwîgiî. O maugaga nî Ayahudi nwatî tî Ayahudi a ma. O nî gîkundi Kîam andû a Caitani!

Kûguû 20:10

Nake Ngoma ûrîa wamavîtithîtie, nîwaikirue îriarî rîa mwaki na ûviriti, kûrîa nyamû na mûrathi wa maveeni maaikîtue. Nao nîmagatûûra maverithagua ûtukû na mûthenya tene na tene.

Kûguû 20:8

Arekererua nîagaaûka nîguo avîtithie mavûrûri monthe marîa marî nthî, na nîmo Gogu na Magogu. Caitani nî akaamagomania vamwe nîguo marûe mbaara. Nao makethîrwa mengîvîte ta mûthanga ûrîa ûrî rûtererî rwa îria.

Kûguû 3:9

Tathikîrîriani! Andû amwe nî a gîkundi Kîam andû a Caitani. Andû acio nî a maveeni na maugaga atî o nî Ayahudi na tî o. Acio nîngaatûma maûke na menamîrîre mbere ya magûrû maku na nîmakaamenya atî nie nîngwendete.

Kûguû 9:1

Nake mûraika wa gatano nîwavuvire karumbeta gake. Nanie nînoonire njata îrîa yagwîte nthî. Nayo nîyanengerwe cavi cia îrima îrikîru rîtarî na mûthiia.

Kûguû 9:20

Nao andû acio engî mataakua na njîra ya mathîna mau mathatû, matiatigana na maûndû marîa o ene meethondekerete. Matiatiga kûgooca ndaimono, kana mîvuanano ya thaavu, ya sîlûva, gîcango, kana mathiga na mîtî. Mîvuanano îo ndîavotaga kwona, kwîgua kana kûthiî na magûrû.