Kûguû 12:10 - ÎVUKU RÎA ÛVORO MWARO

¹⁰ Nînacokire ngîgua mûgambo mûnene kuuma îgûrû ûkiuga atîrî, “Ûvonokio, ûvoti, Ûthamaki wa Ngai wetû na wathani wa Mesaya wake rîu nîûrîkîtie gûka! Nîûndû mûcukani ûrîa warûngamaga mbere ya Ngai wetû na agacuka ariû na aarî a îthe wetû ûtukû na mûthenya nîaikîtue nthî

Kûguû 12:10 ပူးပေါင်းရင်းမြစ်များ

1Maû 29:11

Ûnene, vinya, riiri, ûvootani na gîtîîo nî ciaku we Ngai-Mûnene. Îgûrû na nthî na indo cionthe irîa irî kuo, nî ciaku nîûndû ûthamaki nî waku we Ngai-Mûnene, na nîwe mûnene gûkîra anene onthe.

Ayubu 1:11

Nwatî ta oca ûtonga ûcio wake wone agîkûruma ûkîonaga!”

Ayubu 1:9

Caitani nîwacokirie atîrî, “Ayubu ndungata yaku ndîngîgwîtigîra mana.

Ayubu 2:5

Nwatî rîu ta vutia mwîrî wake na wone nîakûruma wa ûmûroretie.”

Thaburi 22:28

Nîûndû Ngai-Mûnene nîke mûthamaki, na nîke wathaga mavûrûri.

Thaburi 45:6

Ûthamaki ûrîa Ngai akûvete nîûtûûra tene na tene. We wathaga andû aku na kîvooto;

Danieli 2:44

Îvinda rîu rîa athamaki acio, Ngai ûrîa wî îgûrû nîakaarûngamia ûthamaki ûtakaathira. Ûthamaki ûcio ndûkaavotwa, na nîûgaacûkangia mothamaki mau mengî monthe mathire viû, ûcoke ûtûûre wathanaga tene na tene.

Mathaayo 26:64

Nake Jesû nîwamwîrire atîrî, “We nîwauga guo. Nwatî nîramwîra atîrî muonthe; kuuma rîu nîmûkwona Mûrû wa Mûndû ûrîa wîkaraga mwena wa ûrîo wa Ngai Mwene Vinya na mwone agîûka arî matuurî ma îgûrû!”

Mathaayo 28:18

Nake Jesû nîwathiîre vakuvî nao na akîmeera atîrî, “Nie nîrî mûve wathani wonthe gûkû nthî wana îgûrû.

Mathaayo 6:10

Ûthamaki waku ûroûka; wendi waku nîwîkagwe gûkû nthî, wata ûrîa wîkagwa kûu îgûrû.

Luka 11:2

Nake Jesû nîwamerire atîrî, “Vîndî îrîa mûkûvoya, ugagani atîrî, ‘Vava: Rîîtwa rîaku rîtheru rîrotîîwa; ûthamaki waku nî ûûke.

Luka 22:31

Jesû nîwacokire akiuga atîrî, “Simoni, Simoni! Tathikîrîria! Caitani nîmûve rûtha rwa kûmûgeria muonthe na acagûranie andû arîa aro kuuma kûrî arîa acûku, wata ûrîa mûrîmi acagûranagia ngano kuuma kûrî macaki.

1Akor 5:4

Vîndî îrîa mûcemanîtie vamwe na rîîtwa rîa Mwathani wetû Jesû, na ngethîrwa nîrî vamwe namue kîîroho, na njîra ya vinya wa Mwathani wetû Jesû,

2Akor 12:9

Nwatî ke nîwanjokerie atîrî, “Wega wakwa nî ûkwîganîte. Nîûndû vinya wakwa nîwonekanaga kûrîa gûtarî vinya.” Kwoguo nîngenaga mûno ngîtîîa nîûndû wa ûvûthû wakwa, nîguo vinya wa Kristû ûvotage gûtûûra ndaarî yakwa.

Tito 2:3

Na njîra wata îno, îra aka arîa akûrû mekare na mîtugo îrîa aka arîa atheru magîrîrwe nî kwîthîrwa nayo. Matiagîrîrwe nî gûtuîka aka a gûcukanaga, kana matuîke ngombo cia ndivei. Meere atî nwa nginya mathomithanagie maûndû marîa maro,

1Pet 5:8

Îkaragani mwîîguîte na mwîvarîrîtie! Nthû yenyu, na nîke Ngoma, araûrûra akîraramaga ta mûnyambû agîcaragia mûndû wa gûcûkangia.

Kûguû 11:15

Nake Mûraika wa mûgwanja nîwavuvire karumbeta gake. Nakuo îgûrû nîkwagîre na mîgambo mînene yaugaga atîrî, “Ûthamaki wa nthî nîûtuîkîte wa Mwathani wetû na wa Mesaya wake. Nake nîakaathana tene na tene!”

Kûguû 2:26

Arîa makûvootana, arîa makûthiî na mbere gwîka wendi wakwa nginya mûthiia nîngaamava wathani wa kwatha ndûrîrî.

Kûguû 7:10

Andû acio nîmaaugagîrîria na mûgambo mûnene atîrî: “Ûvonokio uumaga kûrî Ngai wetû, ûrîa wîkarîrîte gîtî Kîam ûthamaki, na kûrî Gatûrûme!”