Kûguû 11:5 - ÎVUKU RÎA ÛVORO MWARO

⁵ Mûndû wa wonthe angîgeria kûmacûkangia, mwaki nî uumaga tûnyuarî twao na ûkavîvia nthû icio. Na njîra wata îo mûndû wa wonthe ûngîgeria kûmacûkangia nî akaaûragwa.

Kûguû 11:5 ပူးပေါင်းရင်းမြစ်များ

Thaburi 18:8

Ndogo yaumagîrîra maniûrûrî make, rûrîrîmbî rwa mwaki wa gûcûkangia rwaumagîrîra kanyuarî gake; na makara ma mwaki nîmaaumaga kûrî ke.

Isaia 11:4

Agaatucagîra athîni na ûthingu, na atucagîre andû arîa matarî vinya gûkû nthî na waragania. Nîakaaverithia nthî na kiugo gîake, na aûrage andû arîa aganu na mûgambo wake.

Jeremia 1:10

Rîu nînakûva wathani îgûrû rîa mavûrûri na mothamaki, nîguo ûmakûûre na ûmomomore, ûmacûkangie na ûmagwîthie, ûmatume na ûmavande.”

Jeremia 5:14

Ngai-Mûnene mwene vinya wonthe arauga atîrî, “Nîûndû nîmarîtie maûndû mau, rîu nîngûtûma ciugo ciakwa ciîkare ta mwaki kanyuarî gaku, na andû matuîke ta ngû, naguo mwaki ûmavîvie.”

Ezek 43:3

Kîoneki gîkî gîekariî ta kîrîa nonete rîrîa Ngai aaûkîte gûcûkangia îtûûra rîa Jerusalemu, na ta kîrîa nonete rûnjîrî rwa Kebari. Nînacokire ngîîgwîthia ngîturumithia ûthiû wakwa nthî.

Hosea 6:5

Nîkîo nîmathithûkîrîte na njîra ya arathi, nînîmacûkangîtie na ciugo ciakwa, îtuîro rîakwa nî ta riûa rîkîratha.

Zakaria 1:6

Methe menyu nîmaareganire na irîra na mawatho marîa namathire na njîra ya arathi ndungata ciakwa. Kwoguo nîmaaverire na makiuga atî nie Ngai-Mûnene Mûnene mwene vinya wonthe, nîmaverithîtie kûringana na mîthiîre yao na ciîko ciao wa ta ûrîa natuîte, na nîguo naamekire.”

Zakaria 2:8

Nîûndû Ngai-Mûnene mwene vinya wonthe ûrîa ûndûmîte nîûndû wa riiri wake augîte ûvoro wîgiî mavûrûri marîa maatavire andû ake atîrî, “Mûndû ûrîa ûmûvutagia nî ritho rîake aikagia Kîamra.

Kûguû 13:13

Nyamû îo ya kaîrî nîyaringire ciama nene. Nîyatûmire mwaki ûnyûrûrûka kuuma îgûrû gûka nthî andû onthe maroretie.

Kûguû 9:17

Nakîo kîonekirî gîakwa nînoonire mbarathi na arîa maathiîte maciîkarîrîte: nao maarî na ngo cia cuuma cia mbaara ithûrirî cia kwîgitîra nacio. Na ngo cia rangi ndune ta mwaki, rangi ya vururu na ya erûû ta ya ûviriti. Ciongo cia mbarathi icio ciekariî ta ciongo cia mînyambû. Natuo tûnyuarî twacio nîkwaumaga mwaki, ndogo na ûviriti.